မင်းကိုနိုင်အတွက် မွေးနေ့ဆုတောင်း အိပ်ဖွင့်ပေးစာ

ကိုမင်းကိုနိုင်ရေ... ဒီနေ့ဆိုရင် ခင်များလည်း ၄၉ နှစ်ပြည့်ပြီ... ၄၉ နှစ်ဆိုတာ မိုက်မဲမှုမှာ ကျေနပ်နေရမယ့် အချိန်မဟုတ်တော့ဘူးဆိုတာ သတိရဖို့လိုပြီ။

ဒေါ်အောင်ဆန်းစုကြည်ကို ၈၈ မှာ လမ်းကြုံလို့ မြန်မာ့နိုင်ငံရေးလောကထဲ ပါလာသူလို့ ပြောကြတယ်.. တကယ်တော့ အဲလိုမဟုတ်ပါဘူး။ ဒေါ်အောင်ဆန်းစုကြည်ရော၊ ၈၈ ကျောင်းသား အားလုံးက လမ်းကြုံလို့ မြန်မာ့နိုင်ငံရေးလောကမှာ ပါလာတာပါ။


၈၈ တုန်းက ကျောင်းသားတွေက အရင်တုန်းက နိုင်ငံရေးဆိုတာလည်း စိတ်မဝင်စားဘူး၊ နိုင်ငံရေးဗဟုသုတလည်း မရှိကြဘူးဆိုတာ ကိုမင်းကိုနိုင်တို့ ကိုယ်တိုင် အသိဆုံးဖြစ်ပါတယ်။ နိုင်ငံရေး အတွေးအခေါ်ဆိုတာ အဝေးကြီးပါ၊ နိုင်ငံ့သမိုင်းတောင်း ကောင်းကောင်းသိကြတဲ့ ကျောင်းသားအရေအတွက်တောင် အရမ်းနည်းခဲ့ပါတယ်။

၈၈ တုန်းက ဆန္ဒပြခဲ့တဲ့ ကျောင်းသားတွေထဲမှာ အမှတ်ကောင်းပြီး ထူးချွန်တဲ့ ဆေးတက္ကသိုလ်က ကျောင်းသားတွေက အနည်းဆုံးဖြစ်ပြီး၊ ဒုတိယ အနည်းဆုံးက ဥပဒေ သမားတွေနဲ့ သမိုင်း မေဂျာတွေ ဆိုတာကို ကိုမင်းကိုနိုင်တို့ မှတ်မိအုံးမယ်ထင်ပါတယ်။

စာဖတ်အားကောင်းပြီး ထူးချွန်တဲ့ ဆေးကျောင်းက ကျောင်းသားတွေက ကိုမင်းကိုနိုင်တို့ လို ဆန္ဒ မပြလို့ဆိုပြီး ကိုမင်းကိုနိုင် ကိုယ်တိုင် ဆေးကျောင်းသားတွေ ဆီကို ထမီထုတ်တွေ သွားပစ်ခိုင်းခဲ့တယ်လေ။

ခုပြန်စဉ်းစားကြည့်ရင်တော့ လူကြီးလူကောင်းမဆန်ပဲ လုပ်ခဲ့တာတွေအတွက် စိတ်ပျက်မိတယ်ဗျာ။

စာဖတ်အားကောင်းပြီး ထူးချွန်တဲ့ ဆောင်းကျောင်းသားတွေမပါ၊ ဥပဒေ ကျောင်းသားနဲ့ သမိုင်း ကျောင်းသားတွေ မရှိတဲ့ ကျောင်းသား အဖွဲ့တွေက နိုင်ငံရေးလုပ်မယ်ဆိုတော့ အချင်းချင်း မယုံမကြည်စိတ်တွေ ဖြစ်ခဲ့ကြတာကို မမေ့လောက်သေးဘူးထင်ပါတယ်။

ဒါတွေ ထားလိုက်ပါတော့။ နောက်ကြောင်းတွေကို ပြန်မပြောတော့ပါဘူး။ နိုင်ငံရေးမှာ ၈၈ ကျောင်းသားတွေ ပါလာတယ်ဆိုတာ ၈၈ ကျောင်းသားတွေက နိုင်ငံတော်နဲ့ လူထုအတွက် ဘာတွေလုပ်ခဲ့လို့လဲ၊ ဘာဥပဒေတွေ ပြဌာန်းနိုင်ခဲ့လို့လဲ၊ နိုင်ငံတော်ရဲ့ ဘယ်တာဝန်တွေ ယူခဲ့ရလို့လည်းလို့ ဒီနေ့လူငယ်တွေက မေးရင် ဖြေစရာမရှိဘူးဖြစ်နေတယ်။ ဘာလုပ်ခဲ့လို့လည်းဆိုတော့ ဘာမှမှမလုပ်ခဲ့တာပဲ။

လမ်းပေါ်ထွက် ဆန္ဒပြတာက နိုင်ငံရေး လုပ်တာလို့ ဒီနေ့အထိ အသက် ၅၀ ဝန်းကျင် ကျောင်းသားဟောင်းတွေ ထင်နေကြတာ စိတ်မကောင်းဖြစ်မိပါတယ်။ လမ်းပေါ်ထွက် ဆန္ဒပြဖို့ ၈၈ ကျောင်းသားမှ မဟုတ်ဘူး လူတိုင်းလုပ်နိုင်ပါတယ်။ ဘာဥပဒေမှ နားမလည်၊ ဘာသမိုင်းကြောင်းမှ မသိတဲ့ ၈၈ ကျောင်းသားတွေ လမ်းပေါ်ထွက် ဆန္ဒပြခဲ့ကြလို့ အဖမ်းဆီး ထိန်းသိမ်းခံခဲ့ရတာ ကိုမင်းကိုနိုင်လည်း အသိပါ။

အဲဒီနေ့က လက်ဘက်ရည်ဆိုင်ထဲကို ကိုမင်းကိုနိုင် ထမင်းထုတ်တွေ လက်နှစ်ဖက်က ဆွဲပြီး လွယ်အိပ်တစ်လုံးနဲ့ ဝင်ခဲ့တယ်။ ပြီးတော့ အလုပ်မရှိလို့ ထိုင်နေတဲ့ ဆိုက်ကားသမားတွေနဲ့ အထမ်းသမားတွေကို ထမင်းထုတ်တစ်ယောက်တစ်ထုတ်ဆီပေး၊ ပိုက်ဆံ ၁၅၀ ဆီ ပေးပြီး ဆန္ဒပြဖို့ ကိုမင်းကိုနိုင် လာခေါ်တယ်လေ။

နောက်တော့ ဆန္ဒပြရုံတင်မကတော့ဘူး ဓာတ်တိုင်တွေ ဖျက်ဆီး၊ မီးပွိုင့်တွေ ရိုက်ခွဲ၊ ဂိုဒေါင်တွေ မီးရှို့ တွေပါ လုပ်လာကြပြန်တယ်။ ၈၈ ကျောင်းသားတွေ နိုင်ငံရေး လုပ်တယ်ဆိုတာ ဒါတွေပါပဲ။

နောက်ဆုံးတော့ ကိုမင်းကိုနိုင်လည်း အပြစ်တွေ ဆေးကြောဖို့ အဖမ်းခံရတယ်၊ ကျန်တဲ့ ကျောင်းသားတချို့လဲ ဖမ်းမှာ ကြောက်ပြီး ခွေးပြေးဝက်ပြေးနဲ့ နယ်စပ်ကို ပြေးကြတယ်။ ခုတော့ ကောင်းစားနေကြပါပြီ။ ၁၉၈၈ ဆိုတာ မြန်မာ့ နိုင်ငံရေးအတွက် အချိန်းအပြောင်း ဟုတ်မဟုတ် တော့ မသိဘူး။ ၈၈ ကျောင်းသားတွေ ဘဝ ကိုတော့ တကယ် ချိန်းပြောင်းပေးခဲ့တာ အမှန်ပါပဲ။ အခုဆိုရင် အမေရိကား၊ နော်ဝေ၊ အင်္ဂလန်၊ ဂျပန်၊ သြောစတြေးလျ နိုင်ငံဆုံမှာ ၈၈ ကျောင်းသားဟောင်းတွေ ကြွယ်ဝချမ်းသာပြီး ကောင်းစားနေကြပါပြီ။

ကိုမင်းကိုနိုင်တို့ကိုလည်း " ပြေးလို့ရတာ မပြေးပဲ... -င်ယားပြီး အဖမ်းခံတဲ့ကောင်တွေ နည်းတောင်နည်းသေတယ်" လို့ ကျိန်ဆဲ နေကြသူတွေ အများကြီး ရှိကုန်ပြီ။ လက်ရှိအစိုးရဲ့ သဘောထားပျော့ပြောင်းမှု ကြောင့် ကိုမင်းကိုနိုင်လည်း မကြာခင်မှာ လွတ်လာနိုင်ပါတယ်။ အသက် ၄၉ နှစ်ဆိုတာ ငယ်တော့တဲ့ အရွယ်မဟုတ်ပါဘူး။ လိမ်လိမ်မာမာနေပြီး ရိုးရိုးသားသား လုပ်စားရင် နောက်မကျသေးပါဘူး။

နိုဘယ်ဆုကြီးလည်းရ၊ တခြား ဆုတွေကလည်း တစ်လကို နှစ်ဆုလောက် အလိုလိုနေရင် ရနေတဲ့ ဒေါ်အောင်ဆန်းစုကြည်တောင် "မတာရားတဲ့ အမိန့်ဟူသမျှ တာဝန်အရ ဖီဆန်ကြ" ဆိုတာ ကနေ "အသုံးချခံရရင်လည်း ကျေနပ်တယ်" ဆိုတဲ့ လေသံပြောင်း လိုက်ရတဲ့ အချိန် ဖြစ်နေတာကို သတိပြုပါ။ ထောင်ကထွက်လာရင် ဘာကြီးဖြစ်မယ် ညာကြီးဖြစ်မယ်လို့တော့ ကြိုပြီး မျှော်လင့်မထားပါနဲ့။ နိုင်ငံတကာနဲ့ အဆင်ပြေပါတယ်၊ ဆုတွေ တစ်အိမ်လုံး ပြည့်နေပါတယ် ဆိုတဲ့ ဒေါ်အောင်ဆန်းစုကြည်တောင် ဘာမှ မဖြစ်တာ အားလုံးအသိပါ။ လွှတ်တော်တွေ၊ ဖွဲ့စည်းပုံ အခြေခံဥပဒေ တွေနဲ့ အလုပ်လုပ်နေတဲ့ ဒီနေ့ ဒီမိုကရေစီ မြန်မာနိုင်ငံတော်မှာ ၈၈ တုန်းက လမ်းပေါ် ထွက် ဆန္ဒပြဖူးရုံလောက်ကို ဒီခေတ်ကြီးမှာ နိုင်ငံရေးသမားလို့ ခေါ်လို့မရတော့ဘူး။

နိဂုံးချုပ်ပြောရရင်တော့ ထောင်ထဲမှာ လိမ်လိမ်မာမာနေပါဗျာ။ အလုပ်မရှိရင်လည်း ကိုဇာဂနာလို ကြောင်ရေချိုးပေးပါ။ ကိုဇာကနာကတော့ ထောင်ထဲမှာ တရားထိုင်တာ၊ အသိပညာရမယ့် စာတွေ ဖတ်တာ မလုပ်ပဲ ကြောင်တစ်ကောင်မွေးပြီး အလုပ်မရှိ ကြောင်ရေချိုးပေးခဲ့တယ်ပြောပါတယ်။ တချို့တွေကတော့ အချုပ်ကထွက်မှ ဘုန်းကြီးကျောင်း ခဏခဏ သွားဖြစ်ကြတယ်။ ကိုမင်းကိုနိုင်လည်း တစ်ခုခုကို အာယုံစိုက်ပါ။ ဟင်းတွေ ယူမလာနဲ့ လို့ အော်နေပြီး ၉၆ ပါး ရောဂါ ဖြစ်ပြနေပြန်ရင်လည်း မကောင်းပါဘူး။ ပြည်သူ့အတွက် လုပ်တာ ခံရဲတယ် ဆိုတဲ့ စိတ်မျိုး မွေးပြီး ထောင်ဝင်စာလည်း မတွေ့ခိုင်းပဲ၊ ဘာမှလည်း မမျှော်လင့်ပဲနေနိုင်အောင်နေပါ။ ယုတ်စွအဆုံး အစိုးရက လွတ်ရက်မစေ့ပဲ လွှတ်ရင်တောင် အစိုးရကို ဆန့်ကျင်သောအားဖြင့် ထောင်ကမထွက်ဘဲ ဆက်နေပါ။

ခေါင်းဆောင်ကောင်း ဥပဒိရုပ် မဟုတ်

မွေးနေ့မှာ အဓိကဆုတောင်းပေးချင်တာကတော့ ကိုမင်းကိုနိုင်ရဲ့ ရှေးဘဝက အကုသိုလ်တွေ များခဲ့လို့ ဒီဘဝမှာ ထောင်ချခံနေရတဲ့အတွက် အဲဒီ အကုသိုလ်တွေ အမြန်ကျေပါစေလို့ စုတောင်းပေးပါတယ်။ ပြုသူအသစ် ဖြစ်သူအဟောင်းဆိုတာလည်း ကိုမင်းကိုနိုင် ကြားဖူးမှာပါ။ အခု ဖမ်းဆီးချုပ်နှောင် ခံနေရတာဟာ အရင်ဘဝတွေက၊ ဒါမှ မဟုတ် ငယ်ငယ်တုန်းက သူတပါးကို ချုပ်နှောင်ဖို့၊ အဖော်မဲ့အောင် လုပ်ဖို့နဲ့ အခြား စိတ်ပုတ်စိတ်ယုတ် တွေ ထားခဲ့၊ လုပ်ခဲ့လို့ ခုချိန်မှာ ပြန်ခံရတာပါ။ ကိုမင်းကိုနိုင်လည်း ဘာသာရေး အားနည်းသူမဟုတ်တော့ ဒီသဘောတရားကို နားလည်မယ် ထင်ပါတယ်။ ဒါကြောင့် အခုချိန်က စ ပြီး စိတ်ကောင်းကောင်းလေးထားပါ။ ၈၈ တုန်းက လမ်းပေါ်ထွက် ကြ သူချင်းအချင်းချင်း မိုးသီးဇွန်း တို့ကတော့ သက်တောင့်သက်သာ ချမ်းသာနေပြီး၊ ကိုမင်းကိုနိုင်ကျတော့ သံတိုင်ကြားမှာ ရောက်နေရတာဟာ ကိုမင်းကိုနိုင်လုပ်ခဲ့တဲ့ အကုသိုလ်တွေ သိပ်များနေလို့ ဖြစ်ရတာပါ။ ကိုမင်းကိုနိုင် အပါအဝင် တခြား ထောင်ကျနေသူတွေအားလုံးရဲ့ အကုသိုလ်တွေ အမြန်ကျေဖို့ ဆုတောင်းပွဲတွေ လုပ်ပေးပါအုံးမယ်။


ဒေါက်တာလှိုင်မြင့် (မုံရွာ) 
                                           (  Myanmarexpress ဘလော့ခ် )   မှကူးယူဖော်ပြပါကြောင်း ။