ဆယ်စုနှစ် ၂ ခုလောက် ထိန်းသိမ်းခံရာက လွတ်မြောက် လာတဲ့ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်၊ အရင်က စစ်တပ်အရာရှိတွေ ပါဝင်ဖွဲ့စည်းထားတဲ့ လွှတ်တော်တို့ အတူလက်တွဲ လုပ်ကိုင်နေကြတာကို တွေ့ရတဲ့အကြောင်း၊ အာရှ ၃ နိုင်ငံ ခရီးစဉ် နောက်ဆုံးနေ့အဖြစ် ဂျပန်နိုင်ငံမှာ ရောက်ရှိနေစဉ် ၀န်ကြီး ကယ်ရီ က ပြောဆိုလိုက်တာပါ။
ဒီကနေ့ မြန်မာနိုင်ငံ ဦးတည်လျှောက်လှမ်းနေပြီဖြစ်တဲ့ ဒီမိုကရေစီခရီးစဉ်ဟာ လွန်ခဲ့တဲ့ ၂ နှစ်လောက် ကဆိုရင် စိတ်ကူးယဉ် တွေးကြည့်လို့တောင် မရနိုင်တဲ့ ဖြစ်ရပ်လို့လည်း တိုကျိုစက်မှုတက္ကသိုလ် မှာ ပြောကြားတဲ့ မိန့်ခွန်းထဲမှာ ထည့်သွင်းပြောဆိုသွားပါတယ်။
အမေရိကန် နိုင်ငံခြားရေးဝန်ကြီးဟာ ကိုရီးယားကျွန်းဆွယ်မှာ ဖြစ်ပွားနေတဲ့ တင်းမာမှုကိစ္စတွေ ကို ဆွေးနွေး အဖြေရှာ နိုင်ဖို့အတွက် အာရှဒေသ ၃ နိုင်ငံခရီး သွားရောက်နေရာမှာ နောက်ဆုံးအဖြစ်နဲ့ ဂျပန်နိုင်ငံကို ရောက်ရှိနေတာပါ။
ဂျပန်နိုင်ငံမတိုင်ခင် တောင်ကိုရီးယားနဲ့ တရုတ်နိုင်ငံတွေကို သွားရောက်ပြီး နိုင်ငံခေါင်းဆောင်တွေ နဲ့ တွေ့ဆုံဆွေးနွေးခဲ့တာ ဖြစ်ပါတယ်။ ခရီးစဉ်အစမှာ တုန်းကတော့ ဒီသီတင်းပတ်ထဲ မြန်မာနိုင်ငံမှာ ကျရောက်တဲ့ အတာသင်္ကြန် ကာလအတွက် ၀န်ကြီး ကယ်ရီ က နှုတ်ခွန်းဆက် အမှာစကား ပါးခဲ့တာလည်း ဖြစ်ပါတယ်။
ဗွီအိုအေ(မြန်မာဌာန)
No comments:
Post a Comment