အိုင်အက်စ်အကြမ်းဖက်တွေ လနဲ့ချီ သိမ်းပိုက်ထားတဲ့ ဆင်ဂျာတောင်ကြောကို ပြီးခဲ့တဲ့ ၁ ပတ်က အီရတ် ကာဒ့် တပ်ဖွဲ့ဝင်တွေက ထိုးဖောက်နိုင်ခဲ့ပြီး ဗျူဟာကျတဲ့ လမ်းကြောင်း ပြန်ဖွင့်နိုင်ခဲ့ပါတယ်။
အမေရိကန်နဲ့ မဟာမိတ်တွေရဲ့ ကြီးကျယ်တဲ့လေကြောင်းပစ်ကူမှုတွေနဲ့ ပြီးခဲ့တဲ့ ဒီဇင်ဘာ ၁၇ ရက်နေ့က ကာ့ဒ်တပ်ဖွဲ့ဝင်တွေ ဆင်ဂျာတောင်ကြောဒေသကို စထိုးတာပါ။
အချိန်တိုအတွင်း တောင်ကြောကို ထိုးဖောက်လိုက်နိုင်ပြီးလနဲ့ချီပြီး ပိတ်မိနေခဲ့တဲ့ ရာဇစ်ဒီဘာသာဝင် လူ နည်းစု တွေကို လွှတ်မြောက်စေခဲ့ပါတယ်။
အခုနှစ်လယ်ပိုင်းက ဆင်ဂျာတောင်ကြောကို အိုင်အက်စ်တွေ ထိန်းချုပ်ခဲ့ပြီးနောက်ပိုင်း ရာဇစ်ဒီလူနည်း စုတွေ ထောင်နဲ့ ချီပြီး သတ်ဖြတ်ခံရ၊ ဖမ်းဆီးခံရပါတယ်။
မနေ့ကတော့ ဆင်ဂျာတောင်ရဲ့ မြောက်ဖက်ပိုင်းက နယ်မြေတွေကို ကာဒ့်တပ်ဖွဲ့ဝင်တွေ ဆက်လက် သိမ်း ပိုက်နိုင်ခဲ့ပြီး မကြာခင်တောင်ဖက်က ရာဇစ်ဒီလူနည်းစုတွေရဲ့ ဆင်ဂျာမြို့ကိုလည်း ကာဒ့်တပ်ဖွဲ့တွေ ပြန် သိမ်းပိုက် နိုင်လိမ့်မယ်လို့ ဒေသခံတွေက မျှော်လင့်နေ ကြပါတယ်။
အခုတော့ ဆီးရီးယားနယ်စပ်ကနေ ကာဒ့်ကိုယ်ပိုင်အုပ်ချုပ်ခွင့်ရဒေသအထိ လမ်းကြောင်း ပြန်ဖွင့်နိုင်ခဲ့ပြီ ဖြစ်တာကြောင့် တောင်ကြောဒေသကို ဆေးနဲ့ ရိက္ခာတွေ စတင်ရောက်ရှိလာနေပြီလို့ ရာဇစ်ဒီလူမျိုး တိုက် ခိုက်ရေး သမားတဦးက ပြောဆိုပါတယ်။
အိုင်အက်စ်တွေ သိမ်းပိုက်ခဲ့တဲ့ အီရတ်နိုင်ငံမြောက်ပိုင်းက ကာဒ့်နယ်မြေ အများစုကို ကာဒ့်တပ်ဖွဲ့ဝင်တွေက ပြန်လည်သိမ်းပိုက်နိုင်ခဲ့ပြီ ဖြစ်ပေမယ့် အီရတ်အလယ်ပိုင်းနဲ့ အနောက်ပိုင်းမှာတော့ အင်အားချိနဲ့နေတဲ့ အီရတ်စစ်တပ်နဲ့ အိုင်အက်စ်အကြမ်းဖက်တွေ ကတော့ သူနိုင်လိုက်၊ ကိုယ်နိုင်လိုက်နဲ့ ရှေ့မတိုးနိုင်ပဲ ဖြစ် နေပါတယ်။
DVB
No comments:
Post a Comment