ညွှန်ကြားရေးမှုးလက်သီးနှင့်အထိုးခံရသည့်ကိစ္စ ပြည်နယ်အစိုးရက စစ်ဆေးရမည်ဟု ဦးရဲထွဋ်ပြော

ရခိုင်ပြည်နယ်အစိုးရအဖွဲ့ဝင် ၀န်ကြီးတစ်ဦးက ပြည်နယ်ပညာရေးမှုးရုံးမှ ခေတ္တ တာဝန်ခံညွှန်ကြားရေးမှုး အား လက်သီးနှင့်ထိုးသည့်ကိစ္စကို ပြည်နယ်အစိုးရက စစ်ဆေးဆုံးဖြတ်ရမယ့် ကိစ္စရပ်ဖြစ်သည် ဟု နိုင်ငံတော် သမ္မတ၏ ပြောရေးဆိုခွင့်ရှိသူ ဦးရဲထွဋ်က မေလ ၃၀ ရက်နေ့ ပြည်မြို့တွင် သတင်းထောက် များနှင့် တွေဆုံစဉ် ပြောကြားလိုက်သည်။

ဝန်ကြီးက မူလတန်းပြဆရာများ ပြောင်းရွှေ့ရေးကိစ္စအမိန့်ထုတ်ခိုင်းသည်ကို ခေတ္တတာဝန်ခံ ညွှန်ကြားရေး မှုး က ပညာရေးဝန်ကြီးဌာန ညွှန်ကြားချက် စောင့်ရန်လိုအပ်ကြောင်း ပြောဆိုသဖြင့် ယင်းညွှန်ကြားရေးမှူး ကို လက်သီးနှင့်ထိုးပြီး ၀င်ရောက်ပြောဆိုသူ လက်ထောက်ကြီးကြပ်ရေးမှုးကို ပါးရိုက်လိုက်သဖြင့် ပြည်နယ် ၀န်ကြီးချုပ်ထံ တင်ပြထားသည်ဟု ပြည်နယ်ပညာရေးဌာနမှ ဆိုသည်။

ဆန္ဒပြပွဲများကို တားဆီးရန် ထိုင်းနိုင်ငံတွင် စစ်သားများနှင့် ရဲများချထား

ဘန်ကောက် - စစ်တပ်ကို အာခံကာ ဆန္ဒပြမည်ဟု ခြိမ်းခြောက်ထားသော အာဏာသိမ်းခြင်းကို ဆန့်ကျင်သည့် ဆန္ဒပြသူများကို တားဆီးရန် အာဏာပိုင်များက ကြိုးစားကာ ဇွန်လ ၁ ရက်တွင် ဘန်ကောက်မြို့တစ်ဝန်း ရဲတပ်ဖွဲ့များနှင့် စစ်သားအင်အား ၆၀၀၀ ခန့်ချထားသည်ဟု ထိုင်းအရာရှိတစ်ဦးက ပြောသည်။
မေလ ၂၂ ရက်က အရပ်သားအစိုးရထံမှ စစ်တပ်က အာဏာသိမ်းလိုက်ပြီးနောက် ဘန်ကောက်မြို့တွင် ဆန္ဒပြပွဲအသေးစားများ နေ့စဉ် နေ့တိုင်း ဖြစ်ပွားခဲ့သည်။ ဆန္ဒပြသူများမှာ ၎င်းတို့၏ မိသားစုဝင်များပင်ဖြစ်စေ တင်းကျပ်သည့် စစ်ဥပဒေများဖြင့် အပြစ်ပေးခံရမည်ဟု စစ်ဘက်ဆိုင်ရာ အကြီးအကဲ ပရာယွတ်ချန်အိုချာက သတိပေးထားသည်။ သို့သော် ဆန္ဒပြသူများစွာကို ဖမ်းဆီးခြင်းသာ ရှိပြီး အင်အားသုံး နှိမ်နင်းခြင်း မရှိခဲ့ကြောင်း သိရသည်။

ဘင်္ဂလားဒေ့ရ်ှဘက်မှ ပြောကြားချက်များ မမှန်ကန်ကြောင်း မြန်မာအစိုးရ သတင်းထုတ်ပြန်

ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်များ မြန်မာ-ဘင်္ဂလားဒေ့ရ်ှနယ်စပ်တွင် မေလ ၃၀ ရက်က ကင်းလှည့်နေသည်ကို တွေ့ရစဉ် (THEDAILYSTAR)

ဘင်္ဂလားဒေ့ရ်ှနိုင်ငံနှင့်နယ်စပ်၌ဖြစ်ပွားနေသော ပြဿနာနှင့်ပတ်သက်၍ မြန်မာအစိုးရက ပထမဆုံးအကြိမ်သတင်းထုတ်ပြန်ချက်ကို ဇွန်လ ၁ ရက်တွင်ထုတ်ပြန်လိုက်သည်။
နယ်စပ်၌ဖြစ်ပွားခဲ့သောပြဿနာများနှင့်ပတ်သက်၍ ဘင်္ဂလားဒေ့ရ်ှဘက်မှ ပြောကြားချက်များ မမှန်ကန်ဘဲ၊ မြန်မာနိုင်ငံက မိမိ၏အချုပ်အခြာအာဏာနှင့် နယ်မြေပိုင်ဆိုင်မှုကိုထိပါးလျှင် လုံးဝလက်ခံမည်မဟုတ်သလို နှစ်နိုင်ငံအကြားရှိရင်းစွဲချစ်ကြည်ရေး၊ အိမ်နီးချင်းကောင်းဆက်ဆံရေးတို့ကို အခြေခံ၍ သံတမန်နည်းလမ်းအရ ငြိမ်းချမ်းစွာညှိနှိုင်းဆောင်ရွက်သွားမည်ဟုဖော်ပြထားသည်။

ဘင်္ဂလားဒေ့ရှ် နယ်စပ်ပြဿနာ မြန်မာမမှားဟု သမ္မတရုံး တာဝန်ရှိသူပြော

  မြန်မာ-ဘင်္ဂလားဒေ့ရှ် နယ်စပ်တိုက်ခိုက်မှုများတွင် မြန် မာလုံခြုံရေး တပ်ဖွဲ့နှင့် တပ်မ တော်မှာ လုံးဝ မအမှားအယွင်း မရှိခဲ့ဘဲ မိမိပိုင်နက်ကို လက်နက် ကိုင်တပ်ဖွဲ့များ ကျူးကျော်လာ ခြင်းကြောင့် ပစ်ခတ်ခဲ့ခြင်းသာ ဖြစ်ပြီး နှစ်နိုင်ငံဆက်ဆံရေးကို အ ထိအခိုက်မခံလိုသည့် မြန်မာနိုင်ငံ ၏ မူဝါဒအရ ပြဿနာကို သံတမန်နည်းဖြင့် အေးချမ်းစွာဖြေရှင်းရန် ဘင်္ဂလားဒေ့ရ်ှအစိုးရကို ကမ်းလှမ်းထားကြောင်း သမ္မတရုံးညွှန်ကြားရေးမှူး ဦးဇော်ဌေးက ပြောကြားသည်။
ထို့အပြင် မြန်မာနိုင်ငံက ပစ်ခတ်ဖမ်းဆီးရမိခဲ့သော ရုပ်အ လောင်းမှာ RSO တပ်ဖွဲ့ဝင်ဖြစ် ကြောင်း သိသော်လည်း တစ်ဖက် က BGB ဟု ပြောကာတောင်းနေသဖြင့် ရေရှည်နယ်စပ်တည်ငြိမ်ရေး၊ နှစ်နိုင်ငံ ဆက်ဆံရေးနှင့် ကုန်သွယ်ရေးတို့ကို ရှေးရှု၍ အ လောင်းကို ယနေ့နံနက် (မေလ ၃၁ ရက်) တွင် ဘင်္ဂလားဒေ့ရ်ှသို့လွှဲပြောင်းပေးခဲ့ကြောင်း ၎င်းက အတည်ပြုပြောကြားသည်။

တရုတ်နိုင်ငံသားပိုင် ကံကောင်းခြင်းရတနာ သစ်အချောထည်စက်ရုံ အလုပ်သမားများ စက်ရုံထဲသို့ ၀င်ခွင့်မရဘဲ ဒုက္ခသည်စခန်းတွင် ဆက်လက်နေထိုင်ရပြီး စားဝတ်နေရေးအတွက် အခက်အခဲများ ဖြစ်ပေါ်

ကံကောင်းခြင်းရတနာ သစ်အချောထည်စက်ရုံမှ အလုပ်သမား မေ ၂၇ ရက်တွင် သတင်းစာရှင်းလင်းပွဲ ပြုလုပ်နေစဉ်

တရုတ်နိုင်ငံသားပိုင် စဥ့်ကိုင်မြို့နယ်ရှိ ကံကောင်းခြင်းရတနာ သစ်အချောထည်စက်ရုံမှ အလုပ်သမားများအနေဖြင့် လက်ရှိအချိန်အထိ စက်ရုံထဲသို့ ပြန်ဝင်ခွင့်မရသေးဘဲ ဒုက္ခသည်စခန်းတွင် ဆက်လက်နေထိုင်နေရပြီး စားဝတ်နေရေးအတွက် အခက်အခဲများစွာ ဖြစ်ပေါ်နေကြောင်း သိရသည်။

ကျူးကျော်လာသော ရန်သူကို ပြန်လည်တုံ့ပြန်ရန် အင်အားအပြည့်အ၀ရှိဟု တာဝန်ရှိသူတစ်ဦးပြော

မြန်မာနယ်ခြားစောင့်တပ်ဖွဲ့ဝင်များ မြန်မာ−ဘင်္ဂလားဒေ့ရ်ှနယ်စပ်တွင် ကင်းလှည့်နေသည်ကို တွေ့ရစဉ် (ဓာတ်ပုံ − HlaOo's Blog)

မြန်မာ-ဘင်္ဂလားဒေ့ရ်ှ နှစ်နိုင်ငံနယ်ခြားမျဉ်းကို ကာကွယ်စောင့်ရှောက်နေသည့် မြန်မာ နယ်ခြားစောင့်ရဲတပ်ဖွဲ့၏ နောက် တွင် တပ်မတော်က အသင့်ရှိနေ ပြီး မည်သည့်ကျူးကျော်လာသော ရန်ကိုမဆို ပြန်လည်တုံ့ပြန်နိုင် သည့် အင်အားအပြည့်အ၀ရှိ ကြောင်း ကာကွယ်ရေးဝန်ကြီးဌာန မှ တာဝန်ရှိသူတစ်ဦးက ပြော ကြားသည်။

ရန်ကုန်မြို့အနီး တွံတေးမြို့ အနောက်တောင် ၁၀မိုင်ခန့်အကွာကို ဗဟိုပြု၍ အင်အား ရစ်ခ်ျတာစကေး ၄ ဒသမ ၇ ရှိ မြေငလျင်တစ်ခု လှုပ်ခတ်

ဇွန် ၁ ရက် နံနက် ၁၂ နာရီ ဝ၁ မိနစ် ၄၈ စက္ကန့်အချိန်၌ ရန်ကုန်မြို့အနီး တွံတေးမြို့ အနောက်တောင်ဘက် ၁ဝ မိုင်ခန့်အကွာ ကမ္ဘာအေးမြေငလျင်စခန်း၏ အနောက်တောင်ဘက် ၂၇ မိုင်ခန့်အကွာကို ဗဟိုပြု၍ ရစ်ခ်ျတာ စကေး ၄ ဒသမ ၇ ရှိ အင်အားအနည်းငယ်ရှိ မြေငလျင်တစ်ခု လှုပ်ခဲ့သည်။
အဆိုပါ မြေငလျင်လှုပ်ခတ်မှုကြောင့် တွံတေးမြို့နှင့် အနီးတစ်ဝိုက်၊ ဧရာဝတီမြစ်ဝကျွန်းပေါ်ဒေသအချို့နှင့် ရန်ကုန်မြို့တို့တွင် သက်ရောက်မှုများ ရှိခဲ့ပြီး လှုပ်ခတ်ချိန် ၁၂ စက္ကန့်ခန့် ကြာမြင့်ခဲ့ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာန၊မြေငလျင်ဌာနခွဲ မှ သိရသည်။

ဖွဲ့စည်းပုံပြင်ဆင်ရေးပြုလုပ်ရန် ကြိုးပမ်းဆောင်ရွက်နေမှုများကို စောင့်ကြည့်လေ့လာနေသည်ဟု ရေဒီယိုမိန့်ခွန်းတွင် သမ္မတ ပြောကြား

ရန်ကုန်မြို့ ယုဇနပလာဇာ၌ ပုဒ်မ ၄၃၆ ပြင်ဆင်ရေး ဆန္ဒပြုလက်မှတ်ရေးထိုးနေသူများကို မေ ၃၁ ရက်က တွေ့ရစဉ် (ဓာတ်ပုံ-ဇင်ဘိုလွင်)

ဖွဲ့စည်းပုံအခြေခံဥပဒေနှင့် ပတ်သက်ပြီး ဒီမိုကရေစီစံချိန်စံနှုန်းများ ပြည့်မီရေးအတွက် လိုအပ်သည့်ပြင်ဆင်မှုများ ပြုလုပ်ရန် ကြိုးပမ်းဆောင်ရွက်နေမှုများကို စဉ်ဆက်မပြတ် စောင့်ကြည့်လေ့လာလျက်ရှိသည်ဟု မေ ၃၁ ရက်တွင် သမ္မတ ဦးသိန်းစိန်က ရေဒီယိုမိန့်ခွန်းကတစ်ဆင့် ပြောကြားသည်။

မြန်မာ့ဒီမိုကရေစီအရေး ကန်အခိုင်အမာအားပေး

အမေရိကန် ကာကွယ်ရေးဝန်ကြီး Chuck Hagel (၁၃) ကြိမ်မြောက် အာရှလုံခြုံရေးညီလာခံမှာ တွေ့ရစဉ်။

ဒီမိုကရေစီနိုင်ငံတွေဟာ အမေရိကန်ပြည်ထောင်စုရဲ့ အနီးကပ်ဆုံး မိတ်ဆွေနိုင်ငံတွေဖြစ်ကြပြီး သူတို့ရဲ့ အိမ်နီးချင်းနိုင်ငံတွေနဲ့ ငြိမ်းငြိမ်း ချမ်းချမ်း နေထိုင်သွားဖို့ ပိုပြီး ဖြစ်နိုင်ခြေရှိတာကြောင့် ဒီမိုကရေစီ ဖြစ်ထွန်းတိုးတက်မှုတွေကို မိမိတို့ ကြိုဆိုပါတယ်လို့ဆိုရင်း မြန်မာနိုင်ငံကို ထည့်သွင်းဖော်ပြပြီးတော့ အမေရိကန်ကာကွယ်ရေးဝန်ကြီး Chuck Hagel ကပြောခဲ့ပါတယ်။