ပြည်ထောင်စုနှင့် ပြည် နယ်၊ တိုင်းလွှတ်တော်များ အသင်းအဖွဲ့စိတ်ဖြင့် ပူးပေါင်းဆောင်ရွက် ရန်နှင့် ဥပဒေ ပြုဇယားများ ပြင်ဆင်ရန် ပြည်ထောင်စု လွှတ်တော်နာယက သူရဦးရွှေမန်းနှင့် ပြည်နယ်၊တိုင်း လွှတ်တော် ဥက္ကဋ္ဌများ တွေ့ဆုံဆွေးနွေးခဲ့ ကြောင်း သတင်းရရှိသည်။
ပြည်ထောင်စု လွှတ်တော်နာယက သူရဦးရွှေမန်းက ပြည်ထောင်စုလွှတ်တော်နှင့် တိုင်းဒေသကြီး၊ ပြည်နယ်လွှတ်တော်များအကြား အသင်းအဖွဲ့စိတ်ဓာတ်ဖြင့် ပူးပေါင်းဆောင်ရွက်ကြရန် နှင့် အရည်အသွေး မြှင့်တင်ကြရန်၊ လွှတ်တော် လုပ်ငန်းဆိုင်ရာလိုအပ်ချက်များရှိပါက ပွင့်ပွင့်လင်း လင်းတင်ပြဆွေးနွေးကြရန် ဒီဇင်ဘာ ၂၀ က ပြုလုပ်သော အစည်းအဝေးတွင် ပြောကြားခဲ့သည်။
ပြည်ထောင်စုလွှတ်တော်က အတည်ပြု ဆုံးဖြတ်ပြီးဖြစ်သည့် ခြောက်ပွင့်ဆိုင် တွေ့ဆုံဆွေးနွေးရေး အရေး ကြီးအဆိုနှင့် စပ်လျဉ်းသည့်ကိစ္စများ ဆောင်ရွက်ရာတွင် အလေးအနက်ထား ဆောင်ရွက်ကြရန် ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီဗဟိုက တိုင်းဒေသကြီးနှင့် ပြည်နယ်အသီးသီးမှ ပါတီဥက္ကဋ္ဌ များထံလိပ်မူ၍ အသိပေးအကြောင်းကြားသည့် စာတစ်စောင်ကို ယခုလ ၁၃ ရက်၌ ထုတ်ပြန် အကြောင်း ကြားထားသည်။
ပါတီ၏မူဝါဒကို ထိခိုက်မှု မရှိစေရေးအတွက် ယင်းကဲ့သို့ အသိပေးစာ ထုတ်ပြန်ရခြင်းဖြစ် သည်ဟု ယင်းစာ တွင် ဖော်ပြပါရှိ ထားပြီး ရန်ကုန်တိုင်းနှင့် စစ်ကိုင်း တိုင်းဒေသကြီး လွှတ်တော်တို့ တွင် ၁၂ ပွင့်ဆိုင် သာဖြစ်ရန် တင် ပြအတည်ပြုခဲ့သည်များကို ရည်ရွယ်၍ အသိပေးခြင်းဖြစ်ကြောင်း ပါတီတိုင်းတာဝန်ခံ တစ်ဦးက ဆို သည်။
သို့ရာတွင် ဒီဇင်ဘာ ၂၀ ရက် အစည်းအဝေး၌မူ အဆိုပါကိစ္စ နှင့်ပတ်သက်၍ ဆွေးနွေးမှုကို မပြောကြားနိုင် ကြောင်း အစည်းအ ဝေးတက်ရောက်သူ လွှတ်တော် ဥက္ကဋ္ဌအချို့က ပြောသည်။
‘‘ကျွန်တော်တို့ကတော့ ရှမ်း ပြည်နယ်လွှတ်တော်က အရေးပေါ်အစည်းအဝေးခေါ်တဲ့ကိစ္စက ဘတ်ဂျက် ဥပဒေကြမ်းကို အတည်ပြုဖို့ပါဆိုပြီး လွှတ်တော်ရဲ့ လုပ်ငန်းတွေကို တင်ပြခဲ့ပါတယ်’’ ဟု ရှမ်းပြည်နယ် လွှတ်တော် ဥက္ကဋ္ဌ ဦး စိုင်းလို့စိုင်းက ပြောသည်။
ထို့ပြင် အခြေခံဥပဒေပါ ပြည်ထောင်စုနှင့် ပြည်နယ်၊တိုင်းများ၏ ဥပဒေပြုခွင့် ဇယားများ ပြင်ဆင် ရာတွင် ပြည်နယ်၊ တိုင်းများ၏ ပြင် ဆင်လိုသည့်အချက် များကို ထပ်မံတင်ပြ၍ ညှိနှိုင်းခဲ့ခြင်းဖြစ်ကြောင်းသိရသည်။
‘‘အခြေခံဥပဒေပြင်ဆင်တဲ့ အခါမှာဇယားတွေက အပြောင်းအလဲတွေရှိနိုင်တဲ့အတွက် ညှိနှိုင်းတာပါ။ ညှိနှိုင်း ပြီး တကယ်လို့ ဥပ ဒေပြင်ပြီးသွားရင် ပြည်နယ်၊ တိုင်းတွေဘက်က ဥပဒေပြုခွင့်ပိုရလာမယ့် အခြေအနေ ဖြစ်နိုင်ပါတယ်’’ ဟု ရှမ်းပြည်နယ်လွှတ်တော်ဥက္ကဋ္ဌဦးစိုင်းလို့စိုင်းက ဆက်လက်ပြော ကြားသည်။
7Day DAILY
No comments:
Post a Comment