ဦးသိန်းစိန်လက်ထက် ငြိမ်းချမ်းရေးအုတ်မြစ်ပဲ ချနိုင်တော့မည်ဟုဆို

သမ္မတ ဦးသိန်းစိန်အစိုးရ လက်ထက်မှာ တိုင်းရင်းသားလက်နက်ကိုင်အဖွဲ့တွေ နဲ့ ငြိမ်းချမ်းရေးအုတ်မြစ်ပဲ ချနိုင်တော့မယ်လို့ မြန်မာငြိမ်းချမ်းရေးစင်တာက ကောက်ချက်ချ ပြောကြားလိုက်ပါတယ်။
နေပြည်တော်မှာ အောက်တိုဘာ ၁၈၊ ၁၉ နှစ်ရက် ကျင်းပပြုလုပ်ခဲ့တဲ့ ငြိမ်းချမ်းရေးဖြစ်စဉ်နဲ့ လွှတ်တော်အခန်းကဏ္ဍဆိုင်ရာ အလုပ်ရုံဆွေးနွေးပွဲမှာ အမ်ပီစီက ခုလို ကောက်ချက်ချခဲ့တာလို့ ဆွေးနွေးပွဲတက်ခဲ့တဲ့ မကွေးတိုင်း၊ အမျိုးသားလွှတ်တော်အမတ် ဦးလှဆွေက ပြောပါတယ်။

ကျပ်သိန်း ၁၆,၀၀၀ မပေးဘဲ တိမ်းရှောင်နေသော ပဲလုပ်ငန်းရှင် ၂၀ ရာခိုင်နှုန်း ပြန်ပေးမည်ဟု ကတိပြု

မန္တလေးမြို့ ပဲလောက အတွင်း ကျပ်သိန်းပေါင်း တစ် သောင်းခြောက်ထောင်ကျော် မပေးချေဘဲ တိမ်းရှောင်နေသည့် ကုန်သည်က ၂၀ ရာခိုင်နှုန်း ပြန် လည်ပေးဆပ်မည်ဟု သဘောတူ ညီမှုရထားကြောင်း မန္တလေးမြို့ ပွဲစားကုန်သည်စက်ပိုင်များ မဟာ ကထိန်တော်အသင်း(မန္တလေး ကုန်စည်ဒိုင်)မှ တာဝန်ရှိသူများက ပြောသည်။

၂၀၁၄ ခုနှစ် ဇူလိုင်လကုန် ပိုင်းကတည်းက တိမ်းရှောင်နေခဲ့သည့် ကုန်သည်သည် အသင်းတိုက် တာဝန်ရှိသူများနှင့် ညှိနှိုင်းခဲ့ပြီးနောက် ကုန်သည် ၄၄ ဦးအား ၎င်းပေးချေရမည့် ငွေပမာဏ၏ ၂၀ ရာခိုင်နှုန်းကို ပြန်လည်ပေး ချေမည်ဟု သဘောတူညီမှုယူ ထားကြောင်း မန္တလေးမြို့ ပွဲစား ကုန်သည်စက်ပိုင်များ မဟာက ထိန်တော်အသင်း(မန္တလေးကုန် စည်ဒိုင်) အတွင်းရေးမှူးဦးကျော် သွင်က ပြောသည်။ ‘‘နှစ်ဦး သဘောတူညှိနှိုင်းထားတဲ့ သဘောပါ။ ကျေနပ်တဲ့သူလည်း ရှိတယ်။ မကျေနပ်တဲ့သူလည်း တရား ဆက်စွဲကြမယ်ထင်တယ်’’ ဟု ၎င်းကပြောသည်။

ခိုတောင်းကျွန်းလူသတ်မှု ဗြိတိန်တိုက်ရိုက်ဝင်မပါဘူးလို့ ထိုင်းဝန်ကြီးချုပ်ပြောလေသလား

ခိုတောင်းကျွန်းပေါ်၌ ဗြိတိန်နှစ်ဦး အသတ်ခံရသည့်ကိစ္စကို စုံစမ်းစစ်ဆေးရာတွင် ဗြိတိန်ရဲများ တိုက်ရိုက်ပါဝင် ပတ်သက်မှုမရှိကြောင်း ထိုင်းနိုင်ငံ ဒုတိယ၀န်ကြီးချုပ် ပရာဝတ်ဝမ်ဆူဝန်က စနေနေ့တွင် ငြင်းပယ်ပြောဆိုလိုက် ကြောင်း သိရသည်။ 
ဗြိတိန်တာဝန်ရှိသူများ အနေဖြင့် ထိုင်းနိုင်ငံတွင် လေ့လာသူအဖြစ်သာ ရှိနေကြမည်ဖြစ်ကြောင်း ကာကွယ်ရေးဝန်ကြီးအဖြစ်လည်း တာဝန်ထမ်းဆောင်နေသည့် ဒုတိယ၀န်ကြီးချုပ် ဗိုလ်ချုပ်ကြီး ပရာဝတ်က ရှင်းလင်းပြောဆိုခဲ့ သည်။ ထိုင်းရဲများ ကိုင်တွယ်နေသည့်အမှုကို ဗြိတိန်နိုင်ငံမှ ယုံကြည်စိတ်ချမှုရှိသည်ကို ပြသရန် ရည်ရွယ်၍ ဗြိတိန်ရဲများ လာရောက်လည်ပတ်ခြင်းဖြစ်ပါကြောင်း ပရာဝတ်က ဆိုပြန်သည်။
အမှုအားစုံစမ်းစစ်နေမှုကိုလည်း ဗြိတိန်ထောက်လှမ်းရေးများအနေဖြင့် ကြားဝင်စွက်ဖက်ကြမည်မဟုတ်ကြောင်း ဒုတိယ၀န်ကြီးချုပ်ပရာဝတ်က ဆိုသည်။ ပရာဝတ်သည် ရဲတပ်ဖွဲ့အပါအ၀င် လုံခြုံရေးကိစ္စများကို တာဝန်ယူ ထားသူဖြစ်သည်။ 

မြန်မာတွင် အလုပ်သမားခဈေးပေါမှု တခုတည်းမကြည့်ရန် ဂျပန်ဝန်ကြီးချုပ်ကတော်ပြော

ဂျပန်ဝန်ကြီးချုပ်ကတော်က ဂျပန်စီးပွာရေးသမားများအနေနဲ့ မြန်မာနိုင်ငံမှာ စီးပွားရေး အလုပ်သမားခ ဈေးပေါတာတခုတည်းကို မကြည့်ဘဲ ရေရှည် စီးပွားရေးဘက်အဖြစ် မျှော်မှန်းလုပ်ဆောင်ဖို့ တိုက်တွန်းခဲ့ပါတယ်။
ဂျပန်နိုင်ငံ တိုကျိုမြို့မှာ အောက်တို ဘာ ၁၈ ရက်နေ့က မြန်မာ ပွဲတော် ရဲ့  စီးပွားရေးဖို ရမ် ဆွေးနွေး ပွဲမှာ ဂျပန်ဝန်ကြီးချုပ်ကတော် မစ္စ အခိအယ် အာဘေး က ပြောကြားခဲ့တာပါ။

ဖြူး သုံးလောင်းပြိုင်လူသတ်မှု ကျူးလွန်သူဟု ဆိုသူကို ဖမ်းမိပြီ

ပဲခူးတိုင်းဒေသကြီး ဖြုးမြို့နယ် အိုးဘိုကုန်းကျေးရွာမှာ အောက်တိုဘာလ ၁၈ ရက်နေ့ ညနေ ၅ နာရီ မိနစ် ၃၀ ခန့်က ဖြစ်ပွားခဲ့တဲ့ သုံးလောင်းပြိုင်လူသတ်မှု ကျူးလွန်သူဟု ဆိုသူကို ငါးနာရီအတွင်း ဖမ်းမိတယ်လို့ ဖြူးမြို့နယ် မြို့မရဲစခန်း တာဝန်ရှိသူတစ်ဦးက ပြောပါတယ်။
“မျိုးသိန်း(ခ)ငမျိုးကို အိုးဘိုကုန်းရွာ အပြင်ဘက် လယ်ကွင်းထဲမှာ ည ၁၀ နာရီခွဲလောက်မှာ ကိုင်းခုတ်ဓားနဲ့အတူ ဖမ်းမိတာ။ လောလောဆယ်တော့ ဖြူးဆေးရုံကြီးမှာ တင်ထားတယ်” လို့ သူက ဆိုပါတယ်။
လွန်ခဲ့တဲ့ ငါးနှစ်ခန့်က စိတ်ကျန်းမာရေး အားနည်းမှုကြောင့် ခွဲစိတ်ကုသမှု ခံယူထားရတဲ့ မျိုးသိန်းက တစ်ရွာတည်းနေ မိခင်နဲ့ ညီမအပါအဝင် သံဃာတော်တစ်ပါးကို ကိုင်းခုတ်ဓားဖြင့် ခုတ်သတ်ခဲ့တာ ဖြစ်တယ်လို့ အိုးဘိုကုန်းကျေးရွာ ဒေသခံတွေ ဆီကနေ သိရပါတယ်။

သင်္ခါရကို အလှခြယ်သူ

အအေးခန်းဟူသည့် ဆိုင်းဘုတ်အစိမ်းရောင်၏ အောက်တွင် အစိမ်းရောင် သံတံခါးနှစ်ချပ် ရှိသည်။ အစိမ်းရောင် သံတံခါးများပေါ်တွင်တော့ “တာဝန်မှအပ မဝင်ရ” ဟူသော စာတန်းနှင့် အလောင်းထုတ်ရန် နှစ်ဦးသာ ဝင်ခွင့်ပြုသည်ဆိုသည့် စာတန်းကို ရေးထိုးထားသည်။
ယင်းတံခါးနှစ်ချပ်၏ အနောက်ဘက် ကပ်လျက် အခန်းကျယ်၏ထိပ်တွင် ခုံတစ်လုံးနှင့်အတူ စည်ပင်ယူနီဖောင်းကို ဝတ်ထားသည့် အအေးခန်းကြီးကြပ်သူ တစ်ယောက် စာအုပ်တစ်အုပ်နှင့် အလုပ် ရှုပ်နေသည်။ သူနှင့် ခပ်လှမ်းလှမ်း တစ်နေရာတွင် နာမည်မျိုးစုံ ရေးထိုးထားသည့် သစ်သား အခေါင်းအချို့၊ မှန်ခေါင်းတလား အချို့ကို အပုံလိုက် ထပ်တင်ထားသည်။ ခေါင်းတလားများဘေးတွင် အလောင်းတင်သည့် ဆေးရုံသုံး တွန်းလှည်းသုံးခု ရှိနေသည်။ ဆေးရုံသုံး တွန်းလှည်းများ၏ ညာဘက်အခြမ်း တွင်တော့ “မ၀င်ရ” ဟူသည့် နောက်ထပ် ဆိုင်းဘုတ်တစ်ခုနှင့် ပိတ်ထားသော အခန်းငယ်တစ်ခု ရှိနေပြန်သည်။

ထပ်တိုးထီအက္ခရာများ ထီဆိုင်ကြီးအချို့ မရရှိဟုဆို

(၃၁၀) ကြိမ်မြောက် အောင်ဘာလေ သိန်းထီဖွင့်ပွဲအတွက် ထပ်မံတိုးမြှင့် ရိုက်နှိပ်ထားသော မြန်မာ့အောင်ဘာလေထီ အက္ခရာများကို အချို့သော ထီဆိုင်ကြီးများ ရရှိခြင်း မရှိကြောင်း ပြည်တွင်း ထီအရောင်းဆိုင်ကြီးများထံမှ သိရသည်။

မြန်မာအောင်ဘာလေထီကို ယခင်က အက္ခရာ ၃၃ လုံး (က မှ အ) အထိ ရိုက်နှိပ်ထုတ်ဝေရာမှ ယခု အောက်တိုဘာလမှ စတင်၍ (ကက မှ ကဇ အထိ) အက္ခရာခုနှစ်လုံး ထပ်မံရိုက်နှိပ်ခဲ့ပြီး ထပ်တိုးထုတ်ဝေသည့် အဆိုပါ အက္ခရာများကို အချို့သော ထီဆိုင်ကြီးများက ဝယ်ယူရရှိခြင်း မရှိကြောင်း မိတ္ထီလာမြို့နယ်ရှိ ရွှေမြန်မာ ထီအရောင်းကိုယ်စားလှယ် ဦးမင်းစိန်ဝင်းက ပြောကြားသည်။

ကျားကိုက်သေသူ ဆေးပညာမှတ်တမ်းဝင်ဖြစ်လာ

ကျားကိုက်လို့သေသည်၊ ဆင်နင်းလို့သေသည် စသည့် သေဆုံးမှုများသည် သိပ်မထူးဆန်းလှသော်လည်း လွန်ခဲ့တဲ့လက အိန္ဒိယ၌ ဖြစ်ပွားခဲ့သည့် နယူးဒေလီတိရစ္ဆာန်ရုံ ကျားကိုက်မှုသည် မူခင်းဖြေရှင်းနည်း သိပ္ပံအနေနှင့် လေ့လာရမည့် ကိစ္စတခုဖြစ်လာကြောင်း သိရသည်။ အိန္ဒိယဆေးသိပ္ပံကျောင်းမှ ဆရာဝန်များက ယင်းအမှုအား ထူခြားဖြစ်စဉ်အဖြစ် ရှုမြင်သည်။

နယူးဒေလီ တိရစ္ဆာန်ရုံ၌ အသက် ၂၀ အရွယ် မာဆု အမည်ရ အမျိုးသားတဦး မည်သို့မည်ပုံ ကျားလှောင်ရုံထဲရောက်သွားသည် ယခုတိုင် တိတိကျကျ မသိရသေးသော်လည်း ထိုသို့ ရောက်ရှိသွားပြီးနောက် မာဆုအား ကျားက ဘာလုပ်ရမှန်း မသိသဖြင့် ၁၀-၁၅ မိနစ်လောက်စူးစိုက်ကြည့်ရှုနေခဲ့သည်။ လူများ၊ တိရစ္ဆာန်ရုံတာဝန်ရှိသူများက ခဲများဖြင့် ဝိုင်းဝန်းပစ်ပေါက်ကြသည်တွင် ကျားက ရုတ်တရက် မာဆုကို ကိုက်ဆွဲ၍ ၎င်းတို့နှင့် ဝေးရာ လှောင်ရုံအတွင်းပိုင်းသို့ ထွက်ပြေးသွားခဲ့သည်။

မြေယာလျော်ကြေးကိစ္စမပြေလည်ပါက ကြေးစင်တောင်စီမံကိန်းဖျက်သိမ်းရေးတောင်းဆိုမည်ဟု ဒေသခံများပြောကြား

ချင်းတွင်းမြစ်တစ်ဖက် ကမ်း ဆားလင်းကြီးမြို့နယ်ရှိ စံ ပယ်တောင်၊ ကြေးစင်တောင် ကြေး နီစီမံကိန်းများအကောင်အ ထည်ဖော်ရန် လွန်ခဲ့သည့် နှစ်ပေါင်း ၃၀ ကျော်က သိမ်းဆည်း ခဲ့သော မြေယာများအတွက် လျော်ကြေးရရှိရန် မြေယာနစ်နာကြေး တောင်းဆိုနေသည်မှာ ပြေလည်မှု မရှိသေးဘဲ ပြေလည်အောင်ဖြေ ရှင်းမပေးပါက ကြေးစင်တောင် ကြေးနီစီမံကိန်း လုံးဝဖျက်သိမ်း ရေး တောင်းဆိုသွားမည်ဖြစ် ကြောင်း ဒေသခံမြေအသိမ်းခံ တောင်သူများကဆိုသည်။

‘‘လွန်ခဲ့တဲ့ ၁၉၉၁-၉၂ ၀န်း ကျင်တုန်းက ကြေးနီစီမံကိန်းအ တွင်း လယ်ယာမြေ ၆၂၅၃ဒသမ ၄ဧကကို ၂၉သိန်းသုံးသောင်းပြားငါးဆယ်ပေးလျော်ခဲ့တယ်လို့ သက်ဆိုင်ရာကပြောတယ်။ ဘယ်တုံးက ဘယ်သူ့ကို လျော်ခဲ့တာလဲတော့ မသိဘူး။ အဲဒီလျော်ကြေးက ဒီနေ့ခေတ်လယ်ယာမြေဈေးနဲ့ နှိုင်း ယှဉ်ရင်အရမ်းနည်းပါတယ်’’ဟုလက်ပံတောင်းတောင် ကြေးနီ စီမံကိန်း စုံစမ်းစစ်ဆေးရေးကော်မတီအဖွဲ့ဝင် ကံကုန်းကျေးရွာဒေသခံဦးဘိုသန်းက ပြောကြားခဲ့သည်။