ဘာတေးလစ်တနာနှင့် မြန်မာ့နိုင်ငံရေး တစေ့တစောင်း အပိုင်း (၁)

(ဓာတ်ပုံ - တင်ဇာအောင်၊ မဇ္ဈိမ)

တင်ဇာအောင် တွေ့ဆုံမေးမြန်းသည်။

၂၀၁၅ ရွေးကောက်ပွဲကနေပြီးတော့ အရမ်းကြီး မမျှော်လင့်စေချင်ပါဘူး .. . .။

သမ္မတ ဦးသိန်းစိန် အစိုးရသစ်တက်လာပြီးနောက်ပိုင်း မြန်မာ့နိုင်ငံရေးမှာ အပြောင်းအလဲတွေ လုပ်လာပါတယ်။ အပြောင်းအလဲ ရှိခဲ့တာတွေ ရှိသလို မပြောင်းလဲခဲ့တာတွေလည်း ရှိနေပါတယ်။ ၂၀၁၄ ခုနှစ်မှာတော့ အပြောင်းအလဲ ရပ်တန့်လာတယ်။ တုံ့ဆိုင်းနေတယ် ဆိုပြီး လေ့လာသုံးသပ်သူတွေက ဆိုကြပါတယ်။ အစိုးရသစ် လက်ထက် မြန်မာ့နိုင်ငံရေး အပြောင်းအလဲ၊ လာမယ့်၂၀၁၅ ရွေးကောက်ပွဲ အခြေအနေ၊ ဖြစ်လာနိုင်တဲ့ အခြေအနေတွေနဲ့ ငြိမ်းချမ်းရေးစတဲ့ မြန်မာ့နိုင်ငံရေး အကြောင်းတွေကို

မြန်မာနိုင်ငံရေးနှင့် ပတ်သက်၍ နှစ်ပေါင်းများစွာ လေ့လာခဲ့သူ၊ တိုင်းရင်းသားအရေးနှင့် မြန်မာ့နိုင်ငံရေး ကျွမ်းကျင်သူ သတင်းစာဆရာ ဘာတေးလစ်တနာနှင့် မဇ္ဈိမက သီးသန့်တွေ့ဆုံခဲ့သည်ကို ကောက်နုတ်တင်ပြထားပါတယ်။

ဘာတေးလစ်တနာသည် မြန်မာနိုင်ငံနှင့် ပတ်သက်သည့် စာအုပ်များကို ရေးသားခဲ့ပြီး ၈၈ အရေးတော်ပုံ အကြောင်းရေးသားခဲ့ သည့် ဒေါမာန်ဟုန် စာအုပ်နှင့် ကချင်ပြည်နယ်နှင့် ပတ်သက်သည်များကို ရေးသားထားသည့် ကျောက်စိမ်းမြေစာအုပ်များမှာ ထင်ရှားသည်။

အမေး။ ။ မြန်မာနိုင်ငံမှာ အစိုးရသစ်တက်လာပြီး နောက်ပိုင်း နိုင်ငံရေးပြုပြင်ပြောင်းလဲမှုတွေက တကယ့်အပြောင်းအလဲ ဖြစ်ရဲ့လား။

အဖြေ။ ။ ကျွန်တော့ရဲ့ မြန်မာမိတ်ဆွေတစ် ယောက်ပြောသလိုမျိုးပြောရမယ် ဆိုရင်တော့ အရာရာကတော့ ခြားနားပါတယ်။ တကယ့် အပြောင်းအလဲတော့ မရှိပါဘူး။ လွတ်လွတ်လပ်လပ် ပြောရတာမျိုး၊ နိုင်ငံ ရေးပါတီရှိလာ တာမျိုးတော့ ရှိလာပါတယ်။ နောက်တစ်ခုက လွှတ်တော်မှာ ၂၅ ရာခိုင် နှုန်း (တပ်မတော်သားပါဝင်မှု) ဆို တဲ့အချက်က ဗီတိုအာဏာ အခွင့်အရေးလိုမျိုးရှိနေတယ်။ နောက်တစ်ခုက တပ်ကို ကြည့်မယ်ဆိုရင်နောက် ဆုံး အဆုံးအဖြတ်ကို ပြောနိုင်တယ်။ ကာကွယ်ရေးဝန်ကြီး ခန့်အပ်မှု၊ ပြည်ထဲရေးဝန်ကြီး ခန့်အပ်မှု၊ နယ်စပ် ရေးရာဝန်ကြီး ခန့်အပ်မှုတွေဟာ တပ်ကအခွင့်အရေးရှိပါတယ်။ လုံခြုံရေးနဲ့ ပတ်သက်ပြီး လုံခြုံရေးကို ကြီး ကြပ်ရတာမှာ ဒီဝန်ကြီးဌာနသုံးခုက အခရာကျတယ်။ ပြည်ထဲရေးဝန်ကြီးဌာနက ဆိုတာလည်း အရမ်းအ ရေးပါတယ်။ ကျွန်တော်တို့ အခြေခံ တည်ဆောက်မှုက မပြောင်းလဲပါဘူး။ နောက်တစ်ခုက လက်နက်ကိုင် အဖွဲ့များအနေနဲ့ ဆိုရင်လည်း ကာကွယ်ရေး ဦးစီးချုပ်ကိုပဲ တာဝန်ခံရတယ်။ ရွေးချယ်ခံ ထားရတဲ့အစိုးရ၊ လွှတ်တော်ကို တာဝန်မခံပါဘူး။ တပ်အနေနဲ့ ကြည့်မယ်ဆိုရင် Autonomous (ကိုယ်ပိုင်အုပ်ချုပ်မှု) ဖြစ်နေတယ်။ NLD အနေနဲ့ ရွေးကောက်ပွဲ နိုင်မနိုင်တော့ မသေချာပါဘူး။ နိုင်ခဲ့ရင်တောင် တပ်အပေါ်မှာ ပါဝါရှိမှာ မဟုတ်ပါဘူး။ အခြေခံကျတဲ့ အပြောင်းအလဲက လောလောဆယ် မရှိသေးဘူးလို့ ပြောချင်ပါတယ်။

အမေး။ ။ အစိုးရက ဒီမိုကရေစီ အပြောင်းအလဲ လုပ်တယ်လို့တော့ ပြောနေပါတယ်။ ဒါရဲ့နောက်ကွယ်မှာ တစ်စုံတစ် ယောက်ရှိနိုင်မလား။

အဖြေ။ ။ တချို့နိုင်ငံတကာ လေ့လာအကဲခတ်တဲ့သူတွေက ပြောတယ်။ ပြုပြင်ပြောင်းလဲရေးက နှောင့်နှေးနေတယ်။ တချို့ဆိုရင် ရပ်သွားတယ်တောင် ပြောကြတယ်။ တချို့ ဆို နည်းနည်းတောင်နောက်ဆုတ် နေသလားပြော ကြတာရှိတယ်။ တကယ်တော့ ပြောမယ်ဆိုရင် ရပ်သွားတာလည်း မဟုတ်ဘူး။ တုံ့ဆိုင်းသွားတာလည်း မဟုတ်ဘူး။ အဲဒီထက် ပိုမသွားရဘူးဆိုတဲ့ အနေအထားမျိုးပဲ ထားထားတာပါ။ ဒါပါပဲ။ နဂိုကတည်းက ရည်ရွယ်ထားတာက အဲဒီထက်ပိုသွားမယ်လို့ ရည်ရွယ်ထားတာ မဟုတ်တဲ့အတွက် ရပ်သွားတယ်လို့ပြောလို့ မရပါဘူး။

အမေး။ ။ အရင်အစိုးရ လက်ထက်က လမ်းပြမြေပုံ ခုနစ်ချက်နဲ့သွားမယ်လို့ဆိုခဲ့တာပေါ့။ အဲဒီ လမ်းပြမြေပုံမှာ အခု ဘယ်အခြေအနေရောက် နေပြီလဲ။ အဲဒါတွေဟာ မြန်မာ့နိုင်ငံရေး အတွက် ဂိမ်းတစ်ခု ဖြစ်မလား။

အဖြေ။ ။ သွားနေတာကတော့ လမ်းပြမြေပုံနဲ့ပဲ သွားနေတာပါ။ ဒါပေမဲ့ အဆင့်တွေ အနေနဲ့တော့ မတွေ့ပါဘူး။

အမေး။ ။ ၂၀၀၈ ဖွဲ့စည်းပုံ အခြေခံဥပဒေကို ပြင်ဖို့ ကြိုးစားနေပါတယ်။ အဲဒီအခြေအနေ ဘယ် လိုဖြစ်နိုင်ပါသလဲ။ မြန်မာ့နိုင်ငံရေးမှာ ဖွဲ့စည်းပုံပြင်ဖို့အပြင် အခြားအရေးကြီးတဲ့ အရာတွေ ဘာတွေရှိနေမလဲ။ ကျွန်တော် က ၂၀၀၈ ဖွဲ့စည်းပုံ ပြင်ရမလား။

အဖြေ။ ။ ပြင်ခြင်းသည် မှားလားမှန်လား ဆိုတာကိုတော့ ကျွန်တော် မပြောနိုင်ပါ ဘူး။ ဘာလို့လဲဆိုတော့ ဒါကမဖြစ်နိုင်ပါဘူး။ တပ်ရဲ့ထောက်ပံ့မှုမပါဘဲနဲ့ ဘယ်လို ပြင်မလဲ။ ၂၀၀၈ ဖွဲ့စည်းပုံကို ပြင်မယ်ဆိုရင် လွှတ်တော်အမတ် ၇၅ ရာခိုင်နှုန်းထက် ပိုပြီးလိုတယ်လေ။ ပြီးတော့ ဆန္ဒခံယူပွဲ ကလည်း လုပ်ရဦးမယ်။ ၂၀၀၈ ဖွဲ့စည်းပုံကို ပြင်မယ်ဆိုရင် အခုလောလောဆယ် မဖြစ်နိုင်သေးပါဘူး။ အတိုက်အခံအနေနဲ့ ရွေးကောက်ပွဲမှာ မဲတွေအများကြီး ရမယ်ဆိုရင် တပ်က ၂၀၀၈ ဖွဲ့စည်းပုံကို ပြင်လာ စိတ်ရှိအောင် တွန်းအားပေးကောင်းပေး နိုင်ပါလိမ့်မယ်။

အမေး။ ။ ၂၀၁၅ ခုနှစ် ရွေးကောက်ပွဲ ပြီးနောက်မှာ မြန်မာနိုင်ငံက အပြောင်းအလဲဖြစ်မယ် မျှော်လင့်ကြပါတယ်။ အဲဒီ အပြောင်း အလဲနောက်မှာ မြန်မာနိုင်ငံအခြေအနေ ဘယ်လို ဖြစ်နိုင်ပါသလဲ။ တပ်ကအာဏာပြန် သိမ်းသွားတာမျိုးရော ဖြစ်နိုင်ပါသလား။

အဖြေ။ ။ မဖြစ်နိုင်ဘူးလို့ ပြောလို့မရပါဘူး။ တပ်အနေနဲ့ဆိုရင် ဖွဲ့စည်းပုံအခြေခံ ဥပဒေက ပြဋ္ဌာန်းထားတဲ့ အခွင့်အရေး အပြည့်အဝ ရှိနေတာလေ။ သမ္မတအနေနဲ့ အနေအထားမထိန်းသိမ်းနိုင်တော့ဘူးဆိုရင် တပ်ကိုအာ ဏာလွှဲပြောင်းပေးတာမျိုး။ အာဏာသိမ်းတာမျိုးက ဟိုးအရင်က ပုံစံမျိုးဖြစ်ချင်မှ ဖြစ်မယ်။ ဖွဲ့စည်းပုံ အခြေ ခံဥပဒေအရ တပ်ကို အာဏာလွှဲပြောင်းပေးတာမျိုးပေါ့။ မဖြစ်နိုင်ဘူးလို့ ပြောလို့မရ ဘူး။ ဖြစ်နိုင်ခြေ လည်း ရှိပါတယ်။ လူတွေ တော်တော်များများအနေနဲ့ အပြောင်းအလဲဖြစ်ချင်တယ်။ အဓိပ္ပာယ်ရှိတဲ့ အပြောင်းအ လဲကို မျှော်လင့်ကြတယ်။ ဟုတ်ပါတယ်။ ဒါကိုလည်း ကျွန်တော်နားလည်ပါတယ်။ ဒါပေမဲ့ ၂၀၁၅ ရွေး ကောက်ပွဲ ကနေပြီးတော့ အရမ်းကြီး မမျှော်လင့်စေချင်ပါဘူး။ တပ်က ၂၅ ရာခိုင်နှုန်း လွှတ်တော်မှာရှိနေ တယ်။ တကယ်လို့သာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ က ရွေးကောက်ပွဲမှာ ၂၆ ရာခိုင်နှုန်း ရ တယ် ပဲထားပါတော့ ဒါဆို Majority  (အဓိကနေရာ) ရနေပြီလေ။ ရွေးကောက်ပွဲမှာ အင်အားစုက သုံးစု ရှိပါတယ်။ USDP ၊ NLD တိုင်းရင်းသားပါတီတွေ ရှိပါတယ်။ NLD အနေနဲ့ Majority ရနိုင်တဲ့ အလားအလာက တိုင်းရင်းသား ပါတီတွေနဲ့ ညွန့်ပေါင်းဖွဲ့စည်းခြင်းပဲ ဖြစ်ပါတယ်။ ဒါကလည်း ဖြစ်လာမယ်လို့ ပြောလို့ မရဘူးလေ။

ဆက်လက်ဖော်ပြပါမည်။

Mizzima - News in Burmese