အထက်ပေါင်းလောင်းလျှပ်စစ်ဓာတ်အားပေးစီမံကိန်းလုပ်ငန်းခွင်ကို တွေ့ရစဉ် (ဓာတ်ပုံ − ကျင်ဆောင်)
နေပြည်တော်၊ ဇေယျာသီရိမြို့နယ်အတွင်း တည်ဆောက် လျက်ရှိသော လျှပ်စစ်ဓာတ်အား ပေးစီမံကိန်း တစ်ခုဖြစ်သည့် အထက်ပေါင်းလောင်း ရေအားလျှပ်စစ်စီမံကိန်းမှ ယခုနှစ်ကုန်တွင် လျှပ်စစ်ဓာတ်အားစတင် ထုတ်လွှတ်ပေးနိုင်တော့မည် ဖြစ် ကြောင်း သတင်းရရှိသည်။
‘‘စက်တင်ဘာလအတွင်းမှာ စက်အမှတ် (၁) ကိုစတင်စမ်းသပ် လည်ပတ်မှာဖြစ်ပါတယ်။ စက် အမှတ် (၂) ကိုတော့ အောက်တို ဘာလအတွင်းမှာ နေရှင်နယ် ဂရုပ်အတွင်းမှာ ထည့်ပြီးတော့ စမ်းသပ်လည်ပတ် သွားမယ်’’ဟု ဦးအောင်ဇော်မင်းကပြောသည်။
လက်ရှိတွင် ဓာတ်အားထိန်း ချုပ်ရေးတပ်ဆင်မှုနှင့်လုပ်ငန်း အချောသတ်ပြင်ဆင်မှု အပိုင်းသာ ကျန်ရှိတော့ သည်ဟုဆိုသည်။
စီမံကိန်း ပြီးစီးသွားပါက ယင်းစီမံကိန်းမှတပ်ဆင်စက်အင် အား ၁၄၀ မဂ္ဂါဝပ်ထွက်ရှိမည် ဖြစ်ပြီး တစ်နှစ် ပျမ်းမျှဓာတ်အား ထုတ်လွှတ်မှု ၄၅၄ သန်းကီလိုဝပ် ရှိမည်ဖြစ်သည်။
အထက်ပေါင်းလောင်း ဓာတ်အားပေးစက်ရုံမှ ထုတ်လွှတ်ပေးသည့် လျှပ်စစ်ဓာတ်အားများ ကို နန်ချောင်၊ အောက်ပေါင်း လောင်းရေအားလျှပ်စစ်ဓာတ် အားပေးစက်ရုံများမှတစ်ဆင့် ပျဉ်းမနားဓာတ်အား လိုင်းခွဲ စက်ရုံ သို့ ပို့ဆောင်ပေးမည်ဖြစ်ကာ ထိုမှ တစ်ဆင့်နိုင်ငံအတွင်း ဓာတ်အားလိုအပ်လျက်ရှိ သည့် ဒေသ များသို့ ဖြန့်ဖြူးပေးသွားမည်ဖြစ်သည်။
အထက်ပေါင်းလောင်း ရေအားလျှပ်စစ်စီမံကိန်းတည် ဆောက်ရန်အတွက် ဘတ်ဂျက် ငွေကျပ်သန်းပေါင်း ၃၁၂ ဘီလီယံ သုံးစွဲရန်လျာထားပြီး လက်ရှိတွင် ၂၈၀ ဘီလီယံကုန်ကျသုံးစွဲထားသည်။ တရုတ်နိုင်ငံမှ စက်ပစ္စည်းများဝယ်ယူကာ ဆွစ်ဇာလန်နိုင်ငံ ကိုလံဘိုကုမ္ပဏီ၏နည်းပညာများ ဖြင့် တည်ဆောက်လျက် ရှိသည်။
7Day DAILY
No comments:
Post a Comment