ပြီးခဲ့တဲ့ ဇန်န၀ါရီ ၁၂ ရက်နေ့က အမေရိကန်စစ်တပ်နဲ့ ထောက်လှမ်းရေး ဌာနတွေရဲ့ Twitter နဲ့ YouTube အကောင့်တွေ ထိုးဖောက်ဝင်ရောက်ခံ ရပေမယ့် လျှို့ဝှက်ချက် ကြီးကြီးမားမား ထိခိုက် ပေါက်ကြား မှုတော့ မရှိခဲ့ဘူးလို့ အမေရိကန်အလယ်ပိုင်းစစ်ဌာနချုပ်က ပြောဆိုပါတယ်။
အိုင်အက်စ်အကြမ်းဖက်အဖွဲ့က လုပ်ဆောင်ခဲ့တာလို့ ဖော်ပြထားပြီး အရေးမကြီးတဲ့ဌာနတွင်း အချက် အလက် ပေါက်ကြားမှုတော့ ရှိခဲ့ပါတယ်။
ဘယ်လိုပဲဖြစ်ဖြစ် ဒီထိုးဖောက်မှုဟာ နည်းပညာအကြမ်းဖက်မှု ဖြစ်တယ်လို့ အလယ်ပိုင်းစစ်ဌာနရဲ့ ကြေ ညာ ချက်မှာ ဖော်ပြပါတယ်။
တိုက်တိုက်ဆိုင်ဆိုင်ပဲ အမေရိကန်သမ္မတအိုးဘားမားက အမေရိကန် အရေးကြီးဌာနတွေရဲ့ အင်တာနက် လုံခြုံရေးအတွက် သတိပေးချိန်မှာပဲ ထိုးဖောက်ခံခဲ့ရတာပါ။
ဒါပေမယ့် သမ္မတအိုဘားမားရဲ့ ပြောခွင့်ရကတော့ ထိုးဖောက်ခံရရတဲ့ အချက်အလက် တွေဟာ အရင် ကတည်းကလည်း လျှို့ဝှက်ထားတဲ့ အချက်အလက်တွေ မဟုတ်ဘူးလို့ ပြောဆိုပါတယ်။
Twitter အကောင့်လောက်ကို ဖျက်လိုဖျက်ဆီး ထိုးဖောက်ခံရတာနဲ့ အရေးကြီးဌာနတွေရဲ့ လျှို့ဝှက်ချက် တွေ ထိုးဖောက်ခံရတာနဲ့တော့ မတူဘူးလို့လည်း ပြောဆိုပါတယ်။
ဒီဗွီဘီ
No comments:
Post a Comment