သားသမီးချင်းစာနာစိတ်နဲ့ စွန့်ပစ်ခံမွေးကင်းစကလေးငယ်ကို ကူညီခဲ့တဲ့ ချံချံ

ဒဂုံအရှေ့မြို့နယ်၌ မိဘများစွန့်ပစ်ထားသောကြောင့် မျက်နှာတွင် ပုရွက်ဆိတ်ကိုက်ခံထားရသော မွေးကင်း စကလေး ငယ်လေးကို သားသမီးချင်းကိုယ် ချင်းစာသည့်စိတ်ဖြင့် သွားရောက် လှူဒါန်းခဲ့ကြောင်း ချံချံကပြောသည်။

‘‘ကလေးလေးကို ပုရွက်ဆိတ်ကိုက်ထားတာမြင်တော့ ဘယ်လိုမှ စိတ်မချမ်းသာဘူး။ ချံချံတို့ဆိုသမီးကို ကိုက်တောင် မကိုက်ရသေးဘူး  စိတ်ဆိုးနေပြီ။ ကလေးအနှီးမှာ ပုရွက်ဆိတ်မြင်တာနဲ့ ငရဲကြီးရင်ကြီးပါစေ၊ ပုရွက်ဆိတ်ကို အမှုန့်တောင်မမြင်ရ အောင်ခြေပစ်တာ’’ဟု မကြာမီက သမီးငယ်တစ်ဦးပိုင်ဆိုင်ထားသော   မိခင်ဖြစ်သူ ချံချံက  ပြော သည်။

အဆိုပါကလေးငယ်၏ သတင်းကြားသည့်အချိန်ကတည်းက ၎င်း၏ သူငယ်ချင်းများ ထဲမှ မိခင်လောင်းများ နှင့် ကလေးမိခင်များထံမှ ကလေးပစ္စည်းများ အလှူခံထားကြောင်း ပြောသည်။

‘‘မထက်ထက်ဝင့်က ငွေလှူတယ်။ ချံချံက ချံချံရဲ့ကလေးပစ္စည်းတွေသွားလှူတာ။ သူငယ်ချင်းတွေကို အလှူခံထားတာတွေတော့မလာသေးဘူး။ တော်ကြာဆေးရုံက ဆင်းသွားရင် ဘယ်ကို လိုက်လှူရမှန်း မသိမှာစိုးလို့ အခြေအနေတစ်ချက်လောက်သွားကြည့်မယ်ဆိုပြီး ဒီနေ့သွားလှူ လိုက်တာ’’ဟု ဒီဇင်ဘာ ၅ ရက်က ရန်ကင်းကလေးဆေးရုံသို့ သွားရောက်လှူဒါန်းခဲ့သည့် ချံချံကပြောသည်။

ဒီဇင်ဘာ ၅ ရက်တွင် ကလေး၏ ကျန်းမာရေးအခြေအနေမှာ ကောင်းမွန်လျက်ရှိပြီး ကိုယ်အလေးချိန်    လေးပေါင်ကျော်ကျော်သာရှိသော်လည်း သန်သန်မာမာလေးဖြစ်ကြောင်း ၎င်းတွေ့ ခဲ့ရသည့် ကလေးငယ် အကြောင်းကို ပြောပြသည်။ ပုရွက်ဆိတ် ကိုက်ခံထားရသည့် ကလေးငယ်ကို ရန်ကင်းကလေးဆေးရုံတွင် ဆေးကုသပေးနေခြင်းဖြစ်ပြီး ယင်းဆေးရုံက ကလေးငယ်ကို စန္ဒာစိုး ဟု အမည်ပေးထားကြောင်း ၎င်းက ပြောသည်။

မိဘများက စွန့်ပစ်ထားသည့် မွေးကင်းစကလေးကို ဒီဇင်ဘာ ၁ ရက်က ဒဂုံအရှေ့မြို့နယ်တွင် စည်ပင်သာယာဝန်ထမ်းတစ်ဦးက တွေ့ရှိခဲ့ခြင်းဖြစ်ပြီး ကလေးငယ်ကို စတင်တွေ့ရှိချိန်၌  ပုရွက်ဆိတ်များ ကိုက်ထားသောကြောင့် မျက်နှာတစ်ခုလုံး နီရဲလျက်ရှိသည်။  ၎င်းကလေး၏ ဓာတ်ပုံနှင့် အကြောင်းအရာကို ဖေ့စ်ဘွတ်ခ်သုံးစွဲသူတစ်ဦးက ၎င်း၏ဖေ့စ်ဘွတ်ခ်တွင် တင်ခဲ့ရာမှပျံ့ နှံ့သွားခဲ့ပြီး ကလေးငယ်ကို စာနာ သနားခဲ့ကြခြင်း ဖြစ်သည်။

7Day DAILY