ထိုင်းနိုင်ငံမှာ သတ်ဖြတ်ခံခဲ့ရတဲ့ ဗြိတိန်နိုင်ငံသား ၂ ဦးရဲ့ မိသားစုတွေ ကအဲ့ဒီပြစ်မှုကို လက်ရှိ ဖမ်းဆီး ထားတဲ့ မြန်မာနိုင်ငံသား ၂ ဦးကကျူးလွန် ခဲ့ကြောင်း အထောက် အထားတွေ ခိုင်လုံနေတယ်လို့ မနေ့က ထုတ်ဖေါ်ပြော ကြားလိုက်ပါတယ်။
ဒီအမှုအတွက် စကော့တလန်ယဒ်ခေါ် ဗြိတိန်ရဲတပ်ဖွဲ့က ထိုင်းနိုင်ငံကို သွားရောက်စုံစမ်းခဲ့ပြီးနောက် မိသားစု တွေကို သူတို့ရဲ့ ရှာဖွေတွေ့ရှိချက်တွေ ပေးအပ်ခဲ့ပါတယ်။
သက်သေအထောက်အထားတွေအရ စက်တင်ဘာလက ဖြစ်ပွားခဲ့တဲ့ အဲ့ဒီလူသတ်မှုကိုမြန်မာနိုင်ငံသား ကိုဇော်လင်းနဲ့ ကိုဝင်းဇော်ထွန်းတို့ ကျူးလွန် ခဲ့ကြောင်းပေါ်လွင် ထင်ရှားပါတယ်လို့ မိသားစုဝင်တွေက သောကြာနေ့ မနေ့က ပြောပါတယ်။ ဒါပေမယ့်မိသားစုဝင်တစ်ဦး ကတော့ နှစ်ဖက်သက်သေ ထွက်ချက်တွေကို စောင့် ကြည့်လေ့လာသင့်ကြောင်းပြောပါတယ်။
မြန်မာနိုင်ငံသား ၂ ဦးက အဲဒီ လူသတ်မှုကိုသူတို့ကျူးလွန်ခဲ့ခြင်းမရှိကြောင်းနဲ့ ထိုင်းရဲတွေက ညှင်းပမ်း နှိပ်စက်ပြီးအဓ္ဓမ ဝန်ခံခိုင်းခဲ့ကြောင်း ပြောဆို ထားပါတယ်။ ဒီအမှုကို တနင်္လာနေ့ မှာထိုင်းနိုင်ငံတရားရုံးက စတင်ကြားနာစစ်ဆေးမှာဖြစ် ပါတယ်။
RFA Burmese
No comments:
Post a Comment