အစည်းအဝေးတစ်ခုတွင်တွေ့ရသည့် တစညပါတီဝင်များ (ဓာတ်ပုံ - ငြိမ်းချမ်းနိုင်/အီးပီအေ)
တိုင်းရင်းသားစည်းလုံး ညီညွတ်ရေးပါတီ(တစည)သည် ပြည်နယ်အချို့တွင် ဖွင့်လှစ်ထား သော ပါတီရုံး အချို့ ပြန်ရုပ်သိမ်း ခဲ့ရသဖြင့် လေးနှစ်အတွင်း ပါတီ ဝင်အင်အားနှစ်သိန်းခွဲခန့် လျော့ ကျခဲ့ကြောင်း သတင်း ရရှိသည်။
‘‘ကျွန်တော်တို့အနေနဲ့ ပါတီ ဝင်အင်အားစာရင်းတွေကို ခြောက် လတစ်ကြိမ်စိစစ်ပါတယ်။ ပါတီ အနေနဲ့ ၂၀၁၀ မတိုင်မီက ပါတီ ဝင်ခုနစ်သိန်းကျော်ရှိပြီး ၂၀၁၄ ဇွန်လအထိ စိစစ်မှုအရ လက်ရှိ မှာ ပါတီဝင် အင်အားလေးသိန်း ငါးသောင်းခုနစ်ထောင်ကျော်ရှိပါ တယ်’’ဟု ၎င်းက ဆိုသည်။
ယခုလ ၂၄ ရက်တွင် ကျ ရောက်သည့် တစညပါတီ (၂၆) နှစ်ပြည့် အထိမ်းအမှတ်အခမ်းအနား မကျင်း ပမီပြုလုပ်သည့် သတင်းစာရှင်းလင်းပွဲ၌ ဦးဆောင်ရှင်းလင်းသူ ဦးဟန်ရွှေက မီဒီယာများ၏ မေးမြန်း ချက် များကို ဖြေကြားရာတွင် အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။
တိုင်းရင်းသားစည်းလုံးညီ ညွတ်ရေးပါတီသည် မြန်မာနိုင်ငံ အား ၂၆ နှစ်တိုင် တစ်ပါတီစနစ် ဖြင့် အုပ်ချုပ် ခဲ့သော မြန်မာ့ဆို ရှယ်လစ် လမ်းစဉ်ပါတီအား အမွေခံဖွဲ့စည်းခဲ့သည့်အတွက် နိုင်ငံတော်နှင့် ဆက်နွှ ယ်သော ငွေကြေးများ၊ အဆောက်အအုံ၊ ပစ္စည်းများကို နဝတအစိုးရ တက်စတွင်ပင် ရှင်းလင်းထားခဲ့သဖြင့် လက်ရှိတွင် ပါတီအနေဖြင့် မည်သည့် စီးပွားရေးလုပ်ငန်းမှမရှိဘဲ ရှိသည့်ပစ္စည်းများကို ထုခွဲရောင်းချနေ ရသည့် အထည်ကြီးပျက်ပုံစံ မျိုးဖြစ်နေကြောင်း ဦးဟန်ရွှေက ပြောသည်။
၎င်းပါတီကို ၁၉၈၈ ခုနှစ် တွင် စတင်ဖွဲ့စည်းခဲ့ပြီး ၁၉၉၀ ပြည့်နှစ်ရွေးကောက်ပွဲတွင် ဝင် ရောက်ယှဉ်ပြိုင်ခဲ့ပြီး အမျိုးသား ဒီမိုကရေစီအဖွဲ့ချုပ်ပါတီ (NLD)၏ တစ်ခုတည်းသောပြိုင်ဘက် ပါတီအဖြစ် မဲဆန္ဒနယ်အများ အပြားတွင် ဝင်ရောက်ယှဉ်ပြိုင်ခဲ့ ပြီး ကိုယ်စားလှယ်ဦးရေအားလုံး ၏ တစ်ရာခိုင်နှုန်းသာ အနိုင်ရရှိ ခဲ့သည်။
ထို့အတူ NLD မပါဝင်သော ၂၀၁၀ ရွေးကောက်ပွဲတွင်လည်း မဲဆန္ဒနယ်အများစုတွင် ဝင် ရောက် ယှဉ်ပြိုင် ခဲ့သော်လည်း လက်ရှိအာဏာရပါတီဖြစ်သော ပြည်ခိုင်ဖြိုးပါတီကို ရှုံးနိမ့်ခဲ့ပြီး လွှတ်တော်အသီးသီးရှိ ကိုယ် စား လှယ်နေရာ ၄၀ ကျော်တွင်သာ အနိုင်ရရှိခဲ့သည်။
7Day DAILY
No comments:
Post a Comment