စစ်တပ်အာဏာသိမ်းစဉ် ထိုင်းအိမ်ရှေ့မင်းသား အင်္ဂလန်ရှိကြယ်ငါးပွင့် ဟိုတယ်၌သွားရောက်အနားယူနေ

ထိုင်းနိုင်ငံတွင် နိုင်ငံရေးမငြိမ်သက်မှုများ ဖြစ်နေစဉ် ထိုင်းအိမ်ရှေ့မင်းသား မဟာဗာ ဂျီရာလောင်ကွန်သည် အင်္ဂလန်နိုင်ငံ ဟမ်ရှိုင်းယားဒေသရှိ ဟို တယ်တစ်ခု၌ လာရောက်နား ခိုနေကြောင်း ဗြိတိန်သတင်းမီဒီယာများက ရေးသားဖော်ပြ လိုက်ပါသည်။

ပြီးခဲ့သည့်သီတင်းပတ်က ခြောက်လကြာဆန္ဒပြမငြိမ်သက် မှုအပြီးတွင် ထိုင်းတရားရုံးက ၀န် ကြီးချုပ် ယင်လပ်ကို အာဏာအ လွဲသုံးစားမှုဖြင့် ရာထူးမှ ဖယ်ရှား ခဲ့သည်။ ထို့နောက်စစ်အုပ်ချုပ် ရေးကြေညာခဲ့ပြီး နှစ်ရက်အကြာကြာသာပတေးနေ့ကမူ စစ်အာ ဏာသိမ်းကြောင်း ကြေညာကာညမထွက်ရ အမိန့်ထုတ်ပြန် ခဲ့ပါ သည်။ ထို့ကြောင့် နိုင်ငံတကာက ထိုင်းနိုင်ငံ၏ အခြေအနေကို စိုး ရိမ်တကြီး စောင့်ကြည့်နေကြ သည်။

ယင်းအချိန်တွင် လက်ရှိဘူမိ ဘောဘုရင်၏ အရိုက်အရာဆက် ခံရမည့် အိမ်ရှေ့မင်းသားက အင်္ဂ လန်ကျေး လက်ဒေသကြယ်ငါး ပွင့်ဟိုတယ်ကြီး၌ ၎င်း၏ လုံခြုံ ရေးအဖွဲ့အပြည့်အစုံဖြင့် လာ ရောက်နေထိုင်ခြင်းဖြစ်သည်။ မင်းသားသည် တစ်ညလျှင် အခန်းခ စတာလင်ပေါင် ၅၃၀ (အမေရိကန်ဒေါ်လာ ၈၉၂) ပေးရသော ဟိုတယ်တွင် တည်းခို နေခြင်းဖြစ်သည်။

မင်းသားနှင့် အဖွဲ့သည် ပြီးခဲ့သော ရက်သတ္တပတ်ခန့်က ရောက်လာခြင်းဖြစ်ပြီး ၎င်းတို့နှင့်ဝန်စည်စလယ်အများအပြားပါ လာသည်ဟုဆိုသည်။ မြင်တွေ့ရသူတစ်ဦးက ‘‘သေတ္တာတွေရာနဲ့ ချီပြီးပါလာတယ်။ ကြည့်ရတာ ကြာကြာနေဦးမယ် ထင်တယ်။Thai 1 လို့ နံပါတ်ပြားတပ်ထား တဲ့ အကောင်းစားမာစီးဒီးကားနှစ် စီးရပ်ထားတဲ့ ယာယီကားရုံလည်း တွေ့တယ်’’

အရောင်စုံယူနီဖောင်းဝတ် အစောင့်များက ဟိုတယ်အတွင်း အပြင် စောင့်နေကြပြီး အခြား ဧည့်သည်များ၏ လှုပ်ရှားမှုကို စောင့်ကြည့်နေကြ၏။ ည ကိုးနာရီတွင် ၎င်းဟိုတယ်သို့ ပြန်ရောက် သည့်အခါ ဟိုတယ်ဝင်ပေါက် ကြီးကို ကားများဖြင့် ပိတ်ကာ ထားပေးပြီး ဟိုတယ်အခန်းထဲ သို့ ၀င်ရောက်မည့် အခြားဝင် ပေါက်များကိုလည်း ၀န်ထမ်း များက ခဏပိတ်ထားခဲ့ကြသည်။ သုံးမိနစ်ခန့်ကြာမှ တံခါးများ ပြန် ပွင့်လာပြီး ပုံမှန်ဖြစ်သွားသည်။

ဟိုတယ်ဝန်ထမ်းတစ်ဦးက လည်း မင်းသားရောက်ရှိနေ ကြောင်းကို အတည်ပြုခဲ့သည်။

‘‘ဟုတ်တယ်၊ ထိုင်းအိမ်ရှေ့ မင်းသားက ဒီမှာတည်းနေတာ၊ လူ ၃၀ လောက်လည်း သူနဲ့ပါလာ တယ်။ သူတို့က အရမ်းသီးသန့် နေကြတော့တွေ့ရခဲတယ်။ သူတို့ ရောက်နေတာ ၁၀ ရက်လောက် ရှိပြီ။ အရင်တုန်းကတော့ ရောက် ဖူးဟန်မတူဘူး’’

ထိုင်းတော်ဝင်မိသားစုများ သည် စနေ၊ တနင်္ဂနွေတွင် ညစာ ထွက်စားသော်လည်း ဒေသခံများ အခြားဧည့်သည်များနှင့် ခပ်တန်း တန်းနေကြပါသည်။ ဧည့်သည် တစ်ဦးက အောက်ပါအတိုင်း ပြောပါသည်။

‘‘သူတို့က ဟိုတယ်တစ်ခြမ်း လုံးကို ယူထားတယ်။ အဲဒီနေရာ မှာလည်း လုံခြုံရေးတွေ အပြည့်ပဲ ကျွန်တော်က ညစာစားတဲ့အခါ မင်းသားရဲ့ ဘေးက စားပွဲမှာထိုင် စားခဲ့တာ။ မင်းသားက အမျိုးသမီးတစ်ဦးနဲ့ အတူစားနေတယ်။ သူ တို့ကို လူတွေကကြည့်နေတယ်’’

အခန်းပေါင်း ၁၁၂ ခန်းရှိ မင်းသားတည်းခိုနေသည့် ဟိုတယ်ကြီးမှာ ၁၇၇၀ ပြည့်နှစ်က ဆောက်လုပ်ခဲ့ခြင်းဖြစ်ပြီး ၆၆ ဧကရှိ ဥယျာဉ်ကြီးပေါ်တွင် တည် ဆောက်ထားသည်။ အထဲအပြင် ရေကူးကန်များပါရှိပြီး စား သောက်ဆိုင်များ၊ ဘားခန်းများ လည်း ပါဝင်သည့် ဟိုတယ်ကြီး ဖြစ်သည်။

မဟာဗာဂျီရာလောင်ကွန် က အသက် (၆၁) နှစ်ရှိပြီဖြစ်ပြီး သြစတြေးလျတော်ဝင် စစ်ကော လိပ်တွင် တက်ရောက်ခဲ့သူ ဖြစ် သည်။ ၁၉၇၅ ခုနှစ်ကတည်းက ထိုင်းတော်ဝင်တပ်မတော်၌ အမှုထမ်းခဲ့သည်။ ထိုင်းမြောက်ပိုင်း တွင် ဖြစ်ပေါ်ခဲ့သည့် ကွန်မြူနစ်သူပုန်နှိမ်နင်းရေးနှင့် ကမ္ဘောဒီး ယားနိုင်ငံက ပိုပေါ့ခမာနီများသိမ်း ထားစဉ်က ကမ္ဘောဒီယားနယ် စပ်တစ်လျှောက် စစ်ရေးဆောင် ရွက်မှုများတွင် ပါဝင်ခဲ့သည်။

ထိုင်းမင်းသားမှာ မြာပွေ သည့် နာမည်သတင်းကျော်စော ပြီး ၂၀၀၉ ခုနှစ်တွင် သြစတြေးလျ ရုပ်သံလိုင်းတစ်ခုက ခန္ဓာကိုယ် အပေါ်ပိုင်းအ၀တ်အစား ၀တ်မထားသည့် လက်ရှိကြင်ယာ တော်မင်းသမီး ဆရီဆမီနှင့် အတူ၎င်း၏ခွေးလေးမွေးနေ့ပွဲ ကျင်းပနေသည့် ဗီဒီယိုခွေကို ထုတ် လွှင့်ပြသခဲ့ဖူးသည်။

ထိုင်းနိုင်ငံတွင် လက်ရှိစစ် အာဏာသိမ်းထားမှုက သက် တော် (၈၆) နှစ်ရှိပြီဖြစ်သော ထိုင်းဘုရင်ကွယ်လွန်သွားပါက မည်သို့ဆက်ဖြစ်လာမည်လဲဆိုသည့် အပေါ်မှာ စိုးရိမ်ပူပန်မှု တစ်ခုမြင်တွေ့နေရပါသည်။ ထိုင်းအိမ်ရှေ့ မင်းသားကို အများက ၀န်ကြီးချုပ်ဟောင်း သက်ဆင် ရှင်နာဝပ်ထရာနှင့် နီးစပ်သူဟု ယူဆကြပါ သည်။

ဝီကီလိခ်အင်တာနက်စာ မျက်နှာတွင် ပေါက်ကြားခဲ့သော အမေရိကန်သံတမန်ကြေးနန်း များအရ ထိုင်းအရာရှိများသည် မင်းသားဗာဂျီယာလောင်ကွန် ထီးနန်းဆက်ခံမည်ကို စိတ်ပူနေကြ သည်ဟု သိရသည်။ အချို့တော်ဝင်မိသားစုများက မင်းသားအစား ၎င်း၏ နှမတော် မင်းသမီးသီရိဒုံကို ထီးနန်းဆက်ခံစေချင်ကြသည်ဟု ဆိုကြသည်။

(London Evening Standard သတင်းစာပါ Taking refuge in 5-star Hampshire Hotel: Thailand's Crown Prince and his Retinue of 30 ကို ထားထားမြင့် ဘာသာပြန်ဆိုသည်)

ထိုင်းအိမ်ရှေ့မင်းသား မဟာဗာဂျီရာလောင်ကွန် (Britta Pedersen/EPA)

http://www.7daydaily.com/