မြန်မာနိုင်ငံတွင် အရွယ်ရောက်ပြီးသူ ၉၅ ရာခိုင်နှုန်း၏ ၀င်ငွေမှာ ၁၀ ဒေါ်လာအောက် လျော့နည်းနေပြီး အသေးစား ငွေကြေးလုပ်ငန်းများ အောက်ခြေအထိ ပြန့်နှံ့စေခြင်းဖြင့် အကျိုးများနိုင်ဟု သိရ

မြန်မာနိုင်ငံတွင် အရွယ်ရောက်ပြီးသူ ၉၅ ရာခိုင်နှုန်း၏ ၀င်ငွေမှာ ၁၀ ဒေါ်လာအောက် လျော့နည်းနေပြီး အသေးစားငွေကြေးလုပ်ငန်းများ အောက်ခြေအဆင့်အထိ ပြန့်နှံ့အောင် လုပ်ခြင်းဖြင့် နိုင်ငံ့လူဦးရေ အများစုကို အကျိုးများစေမည်ဟု ကုလသမဂ္ဂ ဖွံ့ဖြိုးရေးအစီအစဉ် UNDP နှင့် ကုလအရင်းအနှီး ဖွံ့ဖြိုးတိုးတက်ရေး ရန်ပုံငွေ UNCDF တို့ ပူးပေါင်းကောက်ယူခဲ့သော Making Access Possible (MAP) စစ်တမ်းအရ သိရသည်။

၎င်းတို့စစ်တမ်း၏ တွေ့ရှိချက်အရ အစိုးရ၊ ရင်းနှီးမြှုပ်နှံသူများနှင့် နိုင်ငံတကာ အလှူရှင်များကို အဆိုပါ နယ်ပယ် တွင် အာရုံစိုက်စေမည်ဖြစ်ပြီး ပုံစံတကျ ဖွဲ့စည်းထားသည့် ငွေကြေးဝန်ဆောင်မှုကို ရရှိခြင်းဖြင့် နိုင်ငံ့လူဦးရေ အများစုမှာ အကျိုးကျေးဇူးများ ခံစားရစေမည်ဟု ဆိုသည်။

အဆိုပါစစ်တမ်းကို နိုင်ငံအနှံ့ ကိုယ်စားပြုနိုင်သည့် နိုင်ငံသားပေါင်း ၅၁၀၀ နှင့် အခြားအဖွဲ့အစည်းများ၊ ကိုယ်တိုင် သွားရောက် ကြည့်ရှုလေ့လာမှုများ၊ အင်တာဗျူးများပြုလုပ်ပြီး ယမန်နှစ်အတွင်း ကောက်ယူ ထားခြင်းဖြစ်ကြောင်း သိရသည်။

စစ်တမ်းက လက်ရှိငွေကြေး ၀န်ဆောင်မှုများ၏ အနေအထားမှာ သုံးစွဲလိုသူများ၏ လိုအပ်ချက်နှင့် ကိုက်ညီမှု မရှိ ဟု ဆိုသည်။

စစ်တမ်းအတွက် ဖြေကြားခဲ့သူများ၏ ၁၀ ရာခိုင်နှုန်းမှာ ရွှေ၊ မွေးမြူရေး၊ သို့မဟုတ် ငွေသားအတိုင်း စုဆောင်းထား သူများ ဖြစ်ကြပြီး ကျန်သုံးပုံနှစ်ပုံမှာ ငွေကြေးလုံးဝ စုဆောင်းထားခြင်း မရှိဟု ဆိုသည်။

ပုံစံတကျ ဖွဲ့စည်းလည်ပတ်စေရန် ပြုလုပ်ထားသော ငွေကြေးစနစ်တစ်ခုရှိလျှင် နိုင်ငံသားများ၏ စုဆောင်းငွေ များကို စုစည်းနိုင်မည်ဖြစ်ပြီး နိုင်ငံဖွံ့ဖြိုး တိုးတက်မှုအပေါ် သက်ရောက်မှုရှိစေမည်ဟု စစ်တမ်းက အကြံပြုထားသည်။

မြန်မာနိုင်ငံတွင် စီးပွားရေး လုပ်ကိုင်ရန်မှာ ငွေသားပေါ်တွင် များစွာအမှီအခို ပြုနေသည့် ဈေးကွက်ကြောင့် စရိတ်ကြီးမြင့်နေရပြီး ဘဏ်လုပ်ငန်းများတွင် စာရွက်စာတမ်းများစွာ လိုအပ်နေခြင်းနှင့် ငွေချေးယူနိုင်ရန် အတားအဆီးများစွာ ရှိနေခြင်း၊ စည်းမျဉ်းများ အထူးများပြားနေခြင်းတို့ကြောင့် ဈေးကွက်များဖြစ်ပေါ်လာရန် ဆွဲချသကဲ့သို့ ဖြစ်နေကြောင်း ထောက်ပြထားသည်။ အဆိုပါ အချက်များကြောင့် ပုံစံတကျ မဟုတ်သော ငွေချေးယူမှုများစွာ ဖြစ်ပေါ်နေရခြင်းဖြစ်သည်။

“လက်ရှိ မြန်မာနိုင်ငံမှာ ငွေကြေးဝန်ဆောင်မှုအဆင့်က အလွန်ကို နိမ့်ပါးနေပါတယ်။ ဒါက နိုင်ငံဖွံ့ဖြိုးမှု အတွက် လိုအပ်တဲ့ ငွေရင်းတွေ ရရှိစေဖို့ကို ဆိုင်းကြိုးဆွဲထားသလို ဖြစ်နေစေပါတယ်။ ပုံစံတကျ ဖွဲ့စည်း ထားတဲ့ ငွေကြေးဝန်ဆောင်မှုလုပ်ငန်းတွေ နိုင်ငံအတွင်းမှာ ဖြစ်ပေါ်လာဖို့ ထိရောက်တဲ့ ကြိုးပမ်းအားထုတ် မှုကြီး လိုအပ်နေပါတယ်” ဟု UNCDF မှ Inclusive Finance  ဒါရိုက်တာ မစ္စတာဟင်နရီဒွမ်မဲလ် က ပြောကြားသည်။

၎င်းတို့ပြုလုပ်ခဲ့သည့် စစ်တမ်းက နိုင်ငံကို မည်သည့်အပိုင်းတွင် အာရုံထားကာ ဖွံ့ဖြိုးအောင် လုပ်ဆောင်ရမည်ကို ညွှန်ပြထားသည်ဟု ဆိုသည်။    

Eleven Media Group