ပြည်သူပိုင်ပစ္စည်း အလွဲသုံးစားမှု၊ နိုင်ငံတော် အကြည်ညို ပျက်စေမှုတွေနဲ့ ဖမ်းဆီးခံထားရတဲ့ သာသနာရေး ၀န်ကြီးဌာန ၀န်ကြီးဟောင်း ဦးဆန်းဆင့်ဟာ ကျန်းမာရေး မကောင်းတာကြောင့် အာမခံပေး ဖို့ မန္တလေး တိုင်း ဒေသကြီး တရားလွှတ်တော်မှာ ဒီနေ့ တင်ပြခဲ့ပါတယ်။
"ဒက္ခိဏတရားရုံးမှာ ကျနော်တို့က အာမခံလျှောက်တယ်၊ အဲ့ဒီအာမခံလျှောက်တာကို ပယ်လိုက်တဲ့အတွက် မန္တလေးတိုင်းဒေသကြီး တရားလွှတ်တော်မှာ စပြီးတော့တင်တာ အာမခံ ထပ်လျှောက်တယ်၊ ကျန်းမာရေး ကို အကြောင်းပြပြီးလျှောက်တာ အခု ကျနော်တို့ တင်ပြီးပြန် လာခဲ့ပြီ သူကမကောင်းဘူး ဖြစ်နေတယ်၊ မမာမကျန်းဖြစ်တယ်လို့ အဲ့ဒါကိုတော့ ကျနော်တို့ အာမခံ ပြောပေးရတယ် ၊ သူ့ရောဂါ က နှလုံး၊ သွေးတိုး စုံနေတာပဲ၊ အတွင်းအနေအထားက ဘယ်လိုဖြစ်နေလဲဆိုတော့ ကျနော်တို့က မပြောနိုင်ဘူး"
ဦးဆန်းဆင့်ဟာ ရမည်းသင်းအကျဉ်းထောင်မှာ ထိန်းသိမ်းခံထားရပြီး သွေးတိုး၊ နှလုံး၊ မျက်စိ၊ ကျီးပေါင်းစတဲ့ ရောဂါတွေ ခံစားနေရတာဖြစ်ပါတယ်။ ဒီလ ၁၀ရက်နေ့က နှလုံးရောဂါပြင်းထန် လာတဲ့ အတွက် မန္တလေးတိုင်းဒေသကြီးဆေးရုံက အထူးကုဆရာဝန် ၂ ဦးက ကုသပေးခဲ့ရတယ် လို့ သိရပါတယ်။
ပြီးခဲ့တဲ့ ဇူလိုင်လ ၃၀ ရက်နေ့က ဒက္ခိဏသီရိခရိုင်တရားရုံးမှာ ကျန်းမာရေးအာမခံရရှိရေး တင်ပြခဲ့ပေမဲ့ တရားရုံးက ပယ်ချခဲ့တာဖြစ်ပါတယ်။
RFA Burmese
No comments:
Post a Comment