အီတလီ ကမ်းခြေစောင့်တပ်ဖွဲ့က ကယ်တင်လာခဲ့ရတဲ့ ရွှေ့ပြောင်းအခြေချ နေထိုင်သူ ၃၀၀၀ ကျော်ကို Lumpedusa ကျွန်းကို ခေါ်ဆောင်လာစဉ်။ (မေ ၂၊ ၂၀၁၅)
လစ်ဗျားနိုင်ငံအနီးက မြေထဲပင်လယ်ထဲမှာ လွန်ခဲ့တဲ့ ၂ ရက်အတွင်း ဥရောပတိုက်ကို တရားမဝင် ဝင်ဖို့ ကြိုး စားတဲ့ ရွေ့ပြောင်းနေထိုင်သူ ၁၀ ဦး သေဆုံးခဲ့ပါတယ်။ လူမှောင်ခိုကူးတဲ့သူတွေက တခါတရံမှာ အန္တရာယ် များတတ်တဲ့ ရေပြင်တည်ငြိမ်မှုကို အခွင့်ကောင်းယူပြီး ဥရောပတောင်ပိုင်း ကမ်းခြေတွေကို ခိုး သွင်းဖို့ ကြိုးစားတဲ့အချိန် ကယ်ဆယ်ရေးအဖွဲ့တွေက လူပေါင်း ၄,၈၀၀ ကိုလည်း ကယ်တင်နိုင်ခဲ့တယ်လို့ ဆိုပါတယ်။
ကယ်တင်လိုက်တဲ့သူတွေ အားလုံးကို အီတလီနိုင်ငံ တောင်ပိုင်းအစွန်က Lampedusa ကျွန်းအပါအဝင် Sicily နဲ့ Calabria ကျွန်းတွေကို သယ်ဆောင်သွားတယ်လို့ ဆိုပါတယ်။
စနေနေ့က ရွေ့ပြောင်း နေထိုင်သူပေါင်း ၃,၇၀၀ ကို ကယ်တင်ပြီးတဲ့နောက်မှာ တနင်္ဂနွေနေ့က ရွေ့ပြောင်း နေထိုင်သူတွေ တင်ဆောင်လာတဲ့ သင်္ဘော အနည်းဆုံး ၁၆ စင်းကို ဖမ်းမိခဲ့တယ်လို့ အီတလီ ကမ်းခြေ စောင့်တပ်ဖွဲ့က ပြောပါတယ်။
ပင်လယ်ရေပြင် တည်ငြိမ်နေတာနဲ့ ရာသီဥတု ကောင်းမွန်မှုတွေကြောင့် အခုနှစ်အတွင်း ရွေ့ပြောင်း နေထိုင်သူ ပေါင်း ၂၀၀,၀၀၀ လောက် ရောက်လာနိုင်တယ်လို့ အီတလီနိုင်ငံက မျှော်လင့်ထားတာပါ။ အဲဒီအရေအတွက်ဟာ မနှစ် ၂၀၁၄ ခုနှစ်ကထက်စာရင် ၃၀,၀၀၀ ပိုများလာတာလည်း ဖြစ်ပါတယ်။
ဗွီအိုအေ (မြန်မာဌာန)
No comments:
Post a Comment