ရှမ်းတို့နှင့်ပေါင်းမရသဖြင့် "၀" ပြည်နယ်အဖြစ် မြန်မာနိုင်ငံကို ပြည်နယ် ၈ ခုနှင့် အခြေခံဥပဒေတွင် ထည့်သွင့်ပြဌာန်းရန် ၀ တိုင်းရင်းသားများ တောင်းဆို

မြန်မာနိုင်ငံတွင် ပြည်နယ် ၇ ခုရှိသည့်အနက် ၀ ပြည်နယ်အဖြစ် Constitution တွင် ထပ်တိုးပြဌာန်းရန် ရှမ်းများနှင့် ဘာသာစကားမတူသဖြင့် အတူတကွ ပူးတွဲနေထိုင်ရင် မဖြစ်နိုင်ကြောင်း မြန်မာနိုင်ငံ၏ လက်ရှိ ပြည်နယ်တစ်ခုအဖြစ် ခွဲထွက်ခွင့်ပေးရန် တောင်းဆိုပါကြာင်း ၀ ကိုယ်စားသမ္မတတွေ့ဆုံပွဲတွင် လာရောက် သည့် 'ဝ' အမျိုးသားစည်းလုံးညီညွတ်ရေးပါတီမှ အထွေထွေအတွင်းရေးမှူး ဦးဆိုင်ပေါင်းနပ် ကပြောသည်။

အဆိုပါကိစ္စနှင့် ပတ်သက်ပြီး ရန်ကုန်တိုင်းဒေသကြီးအစိုးရုံး မင်္ဂလာခန်းမတွင် မေ ၁၈ ရက် ကပြုလုပ်သည့် နိုင်ငံရေးပါတီတွေ့များတွေဆုံပွဲ ဒုတိယပိုင်းတွင် ယင်းကဲ့သို့ တင်ပြခြင်းဖြစ်ကြောင်း သိရသည်။

ပြည်နယ်တစ်ခုတောင်းဆိုသော်လည်း မြန်မာပြည်မှ ခွဲထွက်ရန် ဆန္ဒမရှိဟု လက်ရှိပြည်မတွင် ထွက်ပေါ် နေသည့် ကောလဟ များအတွက် စိတ်မကောင်းဖြစ်မိကြောင်း ၄င်းက ဆက်လက်ပြောဆိုသည်။

ယင်းက``ပြည်နယ်ကိုတောင်းဆိုတာကလည်း အခုမှတောင်းဆိုတာလည်း မဟုတ်ဘူး။ အခု လက်နက် ကိုင်ပြီးမှ တောင်းဆိုတာမဟုတ်ဘူး။ ၀ ကပြည်နယ် တစ်ခု တည်ထောင်သင့်တယ်။ ကျနော်တိုရှမ်းတွေနဲ့ ပေါင်းလို့မရဘူး။ ဘာသာစကားမတူတဲ့ကြောင့် ပထ၀ီအနေအထားခြင်း မတူလို့ဖြစ်တယ်။ ဒီအတွက် ပြည်နယ်တစ်ခုအနေနဲ့ ပေးဖို့ တောင်းဆိုပေမယ် မြန်မာပြည်ကနေ ခွဲထွက်ဖို့ လုံးဝမစဉ်းစားဘူး။ မြန်မာပြည်မှာပဲ အရင်လိုပဲ အေးအတူပူအမျှ ကျနော်တိုနေချင်တဲ့ အကြောင်း ပြောကျလို့ ကျနော်လည်း ဒီမှာလာတင်ပြတာဖြစ်တယ်။အဲ့တော့ ၀ တွေက ပြည်နယ်တောင်းတဲ့အခါမှာ ကျနော်တိုကိုယ်ပိုင် သီးခြား ထူထောင်ဖို့လည်းမဟုတ်ဘူး။ ကျနော်တိုဟာ တကယ်ကိုယ်မင်း ကိုယ်ချင်းနဲ့ လုပ်ဆောင်လိုတဲ့ကြောင့် မဟုတ်ဘူးဆိုတဲ့ အကြောင်း ပြောချင်ပါတယ်´´ ဟု ပြောသည်။

`၀´သည် ပြည်နယ်တစ်ခုတောင်းဆိုပြီး ယင်းနှင့်နီးစပ်သည့် နိုင်ငံတစ်ခုနှင့် ပေါင်းစပ်ရန် ဆန္ဒရှိသဖြင့် ယခုကဲ့သို့ ပြည်နယ်တစ်ခုတောင်းဆိုခြင်းဖြစ်သည့် ဟု ပြည်မကြီး တွင် ပြော ဆိုနေခြင်းရှိသည့် အတွက် `၀´ လူထုနှင့် `၀´လက်နက်ကိုင်များအကြား စိတ်မကောင်းဖြစ် မိကြောင်း `၀´လူမျိုးများသည့် ပြည်မကြီး တွင် ဆိုသကဲ့သို့ တရုတ်လူမျိုးမဟုတ်ဘဲ မွန်-ပလောင်-၀ ဆိုသည့် မြန်မာနိုင်ငံတွင် ရှေးအကျဆုံးလူမျိုး များမှ ဆင်းသက် လာခြင်းဖြစ်ကြောင်း ယင်းကဆက်လက်ပြောသည်။

ဦးဆိုင်ပေါင်းနပ်က`` အမှန်က ကျွန်တော်တို့က ပြည်ထောင်စုကြီးရဲ့ ပြည်နယ်တစ်ခုအဖြစ် ရပ်တည်လို တာပါ။ Constitution မှာ ပြည်နယ် တစ်ခုအနေနဲ့ ထည့်သွင်းပေး ဖို့ တောင်းဆိုတာဖြစ်ပါတယ်။ ဆိုလို တာက ပြည်နယ်ရှစ်ခုအဖြစ် ကျွန်တော်တို့ကို ထည့်သွင်းပေးစေလိုတာပါ။ 'ဝ'စစ်တပ်ကိုကြည့်ရင် သိနိုင် ပါတယ်

ကျွန်တော်တို့တွေဟာ မြန်မာလူမျိုး မြန်မာပုံစံတွေသာ ဖြစ်ပါတယ်။ ကျွန်တော်တို့ ဘိုးဘေး ဘီဘင် လက်ထက် ကတည်းက မြန်မာနိုင်ငံရဲ့ တိုင်းရင်းသားလူမျိုးတစ်ခုအဖြစ် ဂုဏ်ယူစွာ ရပ်တည်ခဲ့တာပါ။ တောင်တန်းပြည်မဒေသဝေးကွာမှုတွေနဲ့ မတူညီတဲ့ သဘောထားရပ်တည်ချက်အချို့ကြောင့် လက်နက် ကိုင်နေကြပေမယ့် အဓွန့်ရှည်စွာ မြန်မာအဖြစ် ရပ်တည်နေကြသူတွေမို့ ကျွန်တော်တို့ရဲ့ သဘောထားကို မသိဘဲပြောဆိုစွပ်စွဲမှု တွေအပေါ် 'ဝ' စစ်တပ်ကရော၊ 'ဝ'လူမျိုးတွေ အားလုံးပါ စိတ်မကောင်း ဖြစ်ကြ ရတယ်´´ဟု ပြောသည်။

`၀´လူမျိုးများအနေဖြင့် ပြည်နယ်တစ်ခုအဖြစ်တောင်းဆိုခြင်းကို မေ ၁ ရက်မှ ၆ ရက်တွင် ပန်ဆိုင်းတွင် ပြုလုပ်ခဲ့သည့် ငြိမ်းချမ်းရေးဆွေးနွေးပွဲအတွင်း တောင်းဆိုခဲ့ခြင်းဖြစ်ပြီး ယင်း အပေါ်ယခုကဲ့သို့ မြန်မာပြည်မှ ခွဲထွက်မည်ဟူသည့် ဝေဖန်မှုများ ပေါ်ထွက် လာခြင်းဖြစ်ကြောင်း သိရသည်။

စိုင်းဟန်

The Ladies News Journal