ထိုင်နိုင်ငံ လိပ်ကျွန်း လူသတ်မှုအတွက် ထိုင်းအစိုးရက တရားလိုပြ သက်သေအဖြစ် ထိန်းသိမ်းထားတဲ့ မောင်မောင် အပါအဝင် မြန်မာသုံးဦးကို အောက်တိုဘာလ ၁၄ ရက်နေ့ ညနေက စပြီးတော့ လွတ်လပ်စွာ သွားလာခွင့် ပြုလိုက်ပြီ ဖြစ်တယ်လို့ မြန်မာသံရုံး ကိုယ်စားလှယ် အဖွဲ့ဆီကနေ သိရပါတယ်။
တရာလိုပြ သက်သေအဖြစ် အစိုးရက အောက်တိုဘာလ ၁၄ ရက်နေ့က ကော့စမွီ တရားရုံးမှာ ကြိုတင် သက်သေ ထွက်ဆို ခိုင်းခဲ့တဲ့ မောင်မောင်အပါအဝင် ဖမ်းဆီးခံ မြန်မာနှစ်ဦးရဲ့ သူငယ်ချင်းတွေ ဖြစ်ကြတဲ့ အောင်ဇော်လင်း၊ ညီညီအောင် တို့ကို ပြန်လွှတ်ပေးလိုက်တာပါ။ အောင်ဇော်လင်းနဲ့ ညီညီအောင်တို့ဟာ တရားဝင် လာရောက် အလုပ်လုပ်ကိုင်နေသူတွေ ဖြစ်တဲ့အတွက် မူလနေရာသို့ ပြန်သွားကြပြီ။ မောင်မောင်ကိုတော့ သံရုံးကိုယ်စားအဖွဲ့က ထိန်းသိမ်းစောင့်ရှောက်ထားပြီး ဖြစ်တယ်လို့ ကိုယ်စားလှယ် အဖွဲ့ဆီကနေ သိရပါတယ်။
The Voice Weekly
No comments:
Post a Comment