ဂျပန်အစိုးရ အဖွဲ့ဝင် ဝန်ကြီးများ အဖွဲ့မှအကြီးအကဲ ယိုရှီ ဟီဒဲဆူဂါသည် အစိုးရ အဖွဲ့ဝင် ဝန်ကြီးသစ်များ ခန့်အပ်မှု အစီအစဉ်ကို စက်တင်ဘာ ၃ရက်တွင် ထုတ်ဖော် ပြောကြားခဲ့သည် ဟုသိရသည်။
အဆိုပါ ရာထူးခန့်အပ်မှုတွင် ဒေသတွင်း စီးပွားရေးဖွံ့ဖြိုး တိုးတက်မှု ဝန်ကြီးအဖြစ် ရှီဂီရူဘီရှီဘာကို ခန့်အပ်ခဲ့ပြီး LDPပါတီ၏ မူဝါဒရေးရာ အကြီးအကဲဟောင်း ဆာနာအဲ တာခါဘီချီကို ပြည်တွင်းရေးရာနှင့် ဆက်သွယ်ရေး ဝန်ကြီးအဖြစ် ခန့်အပ် ခဲ့ကြောင်း သိရသည်။
ထို့အတူ အသက် ၅၈ နှစ်အရွယ်ရှိ အာခီနိုရီ အီတိုကို ကာကွယ်ရေး ဝန်ကြီး အဖြစ် လည်းကောင်း၊ ကျန်းမာရေး၊ အလုပ်သမားနှင့် လူမှုရေးရာ ဝန်ကြီးအဖြစ် ယာဆူဟီသာ ရှီအိုမာကီအား လည်းကောင်း၊ စိုက်ပျိုးရေး၊ သစ်တောနှင့် မွေးမြူရေး ဝန်ကြီးအဖြစ် ကိုယာ နီရှီကာဝါအား လည်းကောင်း၊ စီးပွားရေး၊ ကုန်သွယ်ရေးနှင့် စက်မှု ဝန်ကြီးအဖြစ် ယူကို ဘိုဘူချီအား လည်းကောင်း၊ တရားရေး ဝန်ကြီး အဖြစ် မီဒိုရီ မာဆူရှီမာတို့အား လည်းကောင်း အသီးသီး ခန့်အပ်ခဲ့ကြောင်း သိရသည်။
မြ၀တီ
No comments:
Post a Comment