ရခိုင်ပြည်နယ် စစ်တွေမြို့၌ ဩဂုတ် ၆ ရက်က လူအုပ်စုတစ်စုက လူနှစ်ဦးအား ဖမ်းဆီး ခေါ်ဆောင်သွားပြီး ရိုက်နှက်ညှဉ်းပန်းနှိပ်စက်ခဲ့သည့်အပြင် သွားရောက် တားဆီး ကယ်ဆယ်သော လုံခြုံရေးတပ်ဖွဲ့ဝင်များအား ရန်ပြုသဖြင့် ပြန်လည်ခုခံပစ်ခတ်ရာမှ လူတစ်ဦးသေဆုံးသွားခဲ့သည့် ဖြစ်စဉ် ဖြစ်ပွားခဲ့ကြောင်း သိရသည်။
စစ်တွေမြို့နယ်ရှိ အမှတ် (၃၆) လုံခြုံရေး ရဲတပ်ဖွဲ့ခွဲသို့ ဩဂုတ် ၆ ရက် ည ၇ နာရီ ၄၅ မိနစ်ခန့်တွင် လူနှစ်ဦးရောက်ရှိလာပြီး ည ၇ နာရီခန့်က ဆွေတာဟာမက် (ခ) မောင်စိန်၏ သားများဖြစ်သော အလူလာလုံ (၂၁) နှစ်နှင့် လာဘာဟူစွန်း(၁၃)နှစ်တို့သည် မှန်စီ ကယ်ဆယ်ရေးစခန်းရှိ ကွမ်းယာဆိုင်သို့ ကွမ်းယာသွားဝယ်စဉ် ကယ်ဆယ်ရေးစခန်းရှိ လူအုပ်စုတစ်စုက ပစ္စည်းခိုးဝှက် တတ်သူများဖြစ်ကြော င်းပြော ဆိုကာ ဖမ်းဆီး၍ ကြိုးနှင့် တုပ်ပြီး ရိုက်နှက်ညှဉ်းပန်းနေကြောင်း လာရောက်တိုင်တန်းခဲ့သည်။သို့ဖြစ်၍ ယင်းလူအုပ်စုသည် ရဲအရေးပိုင်သည့် ပြစ်မှုဆိုင်ရာ ဥပဒေပုဒ်မ ၃၄၂ မတရားချုပ်နှောင်မှုကို ကျူးလွန်နေေ ကြာင်း သိရှိရသဖြင့် လုံခြုံရေးရဲတပ်ဖွဲ့မှ တပ်ဖွဲ့ဝင်များက မတရား ချုပ်နှောင်ခံထားရသူ များအား ကယ်ဆယ်ရန် သွားရောက် ခဲ့ကြောင်း၊ ယင်းနေရာသို့ရောက်ရှိစဉ် မှန်စီကယ်ဆယ်ရေးစခန်းရှိ လူ ၇၀ ခန့်က တုတ်၊ ဓား၊ လေးခွများ ကိုင်ဆောင်လျက် ဆူပူအော်ဟစ်နေသည့်အတွက် လူစုခွဲရန်သတိပေးပြီး လူစု ခွဲစေခဲ့ကြောင်း သိရသည်။
လူစုခွဲရန် သတိပေးသည့်အမိန့်ကို မနာခံဘဲ လူအုပ်စုက ကြိုးတုပ်ဖမ်းဆီးထားသူ နှစ်ဦးအား လယ်ကွင်းပြင်ဘက်သို့ ဆွဲခေါ်သွားခဲ့သဖြင့် လုံခြုံရေးတပ်ဖွဲ့ဝင်များက ယင်းလုပ်ရပ်မှာ လူသတ်မှု ကျူးလွန်ရန် အားထုတ်နေခြင်းဖြစ်သည့်အတွက် ထိုသူနှစ်ဦး၏ အသက်အန္တရာယ်ကို ကာကွယ်နိုင်ရန် ပြစ်မှုဆိုင်ရာ ဥပဒေပုဒ်မ ၁၀၀ ကာကွယ် ခုခံပိုင်ခွင့် အရ သေနတ်ဖြင့် ငါးချက်သတိပေးပစ်ခတ်ခဲ့ကြောင်း၊ သို့ရာတွင် လူအုပ်စုက ကြိုးတုပ် ဖမ်းဆီးထားသူနှစ်ဦးအား လယ်ကွင်းဘက်သို့ ဆက်လက်ဆွဲခေါ်သွား သဖြင့် လုံခြုံရေး တပ်ဖွဲ့က အဓိကရုဏ်းနှိမ်နင်းရေး ၁၂ ဗို့ သေနတ်ဖြင့် တစ်ချက်ထပ်မံ ပစ်ခတ်ခဲ့ကြောင်း။
ထို့နောက် လူအုပ်စုသည် နောက်ဆုတ်မသွားဘဲ ရှေ့တိုးလာကာ တပ်ဖွဲ့ဝင်များအား အော်ဟစ်ဆဲဆိုပြီး ခဲများဖြင့် ပစ်ပေါက်ရန်ပြုလာသောကြောင့် အဓိကရုဏ်း နှိမ်နင်းရေး သေနတ်ဖြင့် လေးချက်ထပ်မံပစ်ခတ် တားဆီးခဲ့သည့်အတွက် လူအုပ်စုမှာ အနည်းငယ် ရှင်းလင်း သွားသောကြောင့် ဖမ်းဆီးခံထားရသူနှစ်ဦး အား ဆွဲထုတ်ကယ်ဆယ်နိုင်ခဲ့ကြောင်း သိရသည်။
ဆက်လက်၍ ဓားကိုင်ထားသည့် ရှောင်ရှအာလောင် အသက် (၃၀)၊ အဒူကဖူ (၅၂) နှစ်၊ အဇူမာလစ် (၄၇) နှစ်တို့အား ဓားလွှတ်ချရန်ပြောဆိုပြီး ထိန်းသိမ်းရန်ကြိုးစားစဉ် ရှောင်ရှ အာလောင်က လုံခြုံရေးတပ်ဖွဲ့ ဝင် များအား ဓားမဖြင့် အတင်းဝင်ရောက်ခုတ်ခဲ့သဖြင့် တပ်ဖွဲ့ဝင် တစ်ဦးက ခုခံကာကွယ်သည့် အနေဖြင့် သေနတ်ဖြင့် တစ်ချက်ပစ်ခတ်ခုခံရာ ၎င်းမှာသေနတ်ထိမှန်ပြီး နေရာတွင်ပင် သေဆုံး သွားခဲ့ကြောင်း သိရသည်။
ကျန်ဓားကိုင်ထားသည့် အဒူကဖူနှင့် အဇူမာလစ်တို့ အပါအဝင် ပြစ်မှုကျူးလွန်သူများအား ဥပဒေနှင့်အညီ အမှုဖွင့်အရေးယူရန် စစ်တွေမြို့မရဲစခန်းက ဆက်လက် ဆောင်ရွက်လျက် ရှိကြောင်း၊ လုံခြုံရေးတပ်ဖွဲ့ ဝင်များ အနေဖြင့် ဆူပူအကြမ်းဖက်မှုများနှင့်ပတ်သက်၍ တရားဥပဒေ လုပ်ထုံးလုပ်နည်းများနှင့်အညီ ထိန်း သိမ်းနိုင်ရေး ဆက်လက် ဆောင်ရွက် သွားမည်ဖြစ်ကြောင်း ပြည်ထဲရေးဝန်ကြီးဌာနမှ သတင်းရရှိသည်။
Yangon Media Group
No comments:
Post a Comment