ကျောင်းဖွင့်ချိန် ရောက်သော်လည်း အခြေခံပညာကျောင်းအချို့ ပြဋ္ဌာန်းစာအုပ် မလုံလောက်သေး

၂၀၁၄-၂၀၁၅ ပညာသင်နှစ် စတင်ပြီဖြစ်သော်လည်း ရန်ကုန်တိုင်းဒေသကြီးအပါအဝင် နိုင်ငံတစ်ဝန်း အခြေခံ ပညာ ကျောင်းအချို့တွင် ပြဋ္ဌာန်းစာအုပ်များလုံလောက်စွာ မပေးနိုင်သေးကြောင်း ပညာရေးအသိုင်း အဝိုင်းထံမှ စုံစမ်းသိရှိရသည်။

လမ်းပန်းဆက်သွယ်ရေး လွယ်ကူသော ရန်ကုန်မြို့လယ်ရှိ မူလတန်းနှင့် အလယ်တန်းအဆင့် အခြေခံပညာ ကျောင်း အချို့တွင်ပင် ပြဋ္ဌာန်းစာအုပ်များ လိုအပ်နေသေးကြောင်း အမည်မဖော်လိုသူ ကျောင်းအုပ် ဆရာကြီး တစ်ဦးက The Voice သို့ ပြောကြားသည်။

ပညာရေးဝန်ကြီးဌာန လက်အောက် အခြေခံပညာကျောင်းများသည် ဇွန်လ ၂ ရက်နေ့တွင် စတင်ဖွင့်လှစ် မည် ဖြစ်သည်။

“ကျောင်းသား သုံးရာလောက် ရှိတဲ့ ကျောင်းကို ၁၂ ဦးစာပဲ ဖတ်စာအုပ်တွေ လာပေးထားတယ်” ဟု အဆိုပါ ကျောင်းအုပ်ဆရာကြီးက ဆက်လက် ပြောကြားသည်။

ရန်ကုန်မြို့တော်တွင် ယင်းအခြေခံပညာကျောင်းနည်းတူ ပြဋ္ဌာန်းစာအုပ် မလုံလောက်သော ကျောင်း အချို့ရှိကြောင်း ၎င်းကဆိုသည်။

ယင်းကိစ္စနှင့် ပတ်သက်၍ ပညာရေးစီမံကိန်းနှင့် လေ့ကျင့်ရေး ဦးစီးဌာနသို့ ဆက်သွယ်မေးမြန်းရာ ဝေးလံ သော ဒေသများရှိ အခြေခံပညာကျောင်းများကို ကျောင်းဖွင့်ရာသီအမီ ပြဋ္ဌာန်းစာအုပ်များ ပေးပို့ ထားပြီး ဖြစ်ကြောင်း ယင်းဌာနမှ တာဝန်ရှိသူတစ်ဦးက ရှင်းပြသည်။

ပဲခူးတိုင်းဒေသကြီး ပြည်မြို့နှင့် မကွေးတိုင်းဒေသကြီး ပခုက္ကူခရိုင် အတွင်းရှိ ဆိပ်ဖြူမြို့နယ် အခြေခံပညာ မူလတန်းလွန် ကျောင်းများတွင်မူ ပြဋ္ဌာန်းစာအုပ်များ အပြည့်အစုံ ရောက်ရှိနေပြီ ဖြစ်ကြောင်း အဆိုပါ ကျောင်းအသိုင်းအဝိုင်းထံမှ စုံစမ်းသိရှိရသည်။

ယင်းအပြင် ယခု ၂၀၁၄-၂၀၁၅ ပညာသင်နှစ်တွင် ပြဋ္ဌာန်းစာအုပ်များ လက်ဝယ်ရရှိမှု နောက်ကျသည့် အပြင် ဒီဇိုင်းသစ် ပြဋ္ဌာန်းစာအုပ်များကို ကျောင်းသားတိုင်း မရရှိကြောင်း ကျောင်းသားမိဘ အသိုင်းအဝိုင်းက ဆိုသည်။

“ရှေ့အတန်း (A ခန်း) က ကျောင်းသားတွေကို အသစ်ပေးတယ်။ နောက်တန်းရောက်တဲ့ ကလေးတွေ ကျတော့ အဟောင်းတွေ ပေးတယ်။ ဘာတွေမှန်းလဲ မသိဘူး။ ပေးတာ ယူခဲ့ရတာပဲ” ဟု ဒဂုံမြို့သစ် (တောင် ပိုင်း) မြို့နယ်ရှိ ကျောင်းသားမိဘတစ်ဦးက ပြောဆိုသည်။

အခြေခံပညာကျောင်းများသို့ ပေးပို့ထားသော ပြဋ္ဌာန်းစာအုပ်များတွင် ယခင် ပညာသင်နှစ်က လက်ကျန် ရှိသော ပြဋ္ဌာန်းစာအုပ်၊ နောက်ဆက်တွဲ ပြင်ဆင်ချက်များ ထည့်သွင်းထားသော ပြဋ္ဌာန်းစာအုပ်နှင့် ကျောင်း ဖွင့်ရာသီအမီ ရိုက်နှိပ်ထားသော ဒီဇိုင်းသစ် ပြဋ္ဌာန်းစာအုပ်အဖြစ် သုံးမျိုး ကွဲပြားနေကြောင်း ပညာရေး စီမံကိန်းနှင့် လေ့ကျင့်ရေးဦးစီးဌာန တာဝန်ရှိသူတစ်ဦးက The Voice သို့ ရှင်းလင်း ပြောကြား သည်။

ပညာရေးဝန်ကြီးဌာနက ၂၀၁၄-၂၀၁၅ ပညာသင်နှစ်တွင် မူလတန်းနှင့် အလယ်တန်းအဆင့် ကျောင်းသား၊ ကျောင်းသူများအတွက် ပြဋ္ဌာန်းစာအုပ်နှင့် ကျောင်းလခကြေးများ အခမဲ့ ပံ့ပိုးထားပြီး သူငယ်တန်းမှ စတုတ္ထတန်းအတွက် ငွေကျပ် တစ်ထောင်နှင့် ဗလာစာအုပ် ၆ အုပ်ကို အပိုဆောင်း ထောက်ပံ့ပေးမည် ဖြစ်ကြောင်း ကြေညာထားသည်။

The Voice Weekly