၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းသည် KNU/KNLA ငြိမ်းချမ်းရေး ကောင်စီအဖွဲ့နှင့် သြဂုတ် ၂၁ ရက်က သင်္ဃန်းကျွန်းမြို့နယ်ရှိ ၈၈ မျိုးဆက် အဖွဲ့ရုံးခန်းတွင် တွေ့ဆုံခဲ့ကာ ငြိမ်းချမ်းရေး ဖော်ဆောင်မှု ကိစ္စများတွင် ပူးပေါင်းဆောင်ရွက်နိုင်ရေးတို့ကို ဆွေးနွေးခဲ့ကြောင်း သိရသည်။
ဆွေးနွေးပွဲတွင် ၈၈ မျိုးဆက်အဖွဲ့မှ ဦးမင်းကိုနိုင်၊ ဦးမြအေး၊ ဦးပြုံးချို၊ ဦးအံ့ဘွယ်ကျော်တို့ ပါဝင်ခဲ့ပြီး KNU/KNLA ငြိမ်းချမ်းရေး ကောင်စီအဖွဲ့မှ အလုပ်အမှုဆောင် အဖွဲ့ဝင်၊ လူထု ဆက်ဆံရေးနှင့် နိုင် ငံခြားရေးရာခေါင်းဆောင် ဗိုလ်မှူးချုပ် တီမိုသီလက်ခလမ်းဒီဒီနှင့် အဖွဲ့တို့ ပါဝင်ခဲ့ပြီး ဆွေးနွေးမှုမှာ တစ်နာရီခန့် ကြာမြင့်ခဲ့ကြောင်း သိရသည်။"အဓိကကတော့ ငြိမ်းချမ်းရေး ဖော်ဆောင်မှု ကိစ္စတွေမှာ ပူးပေါင်းဆောင်ရွက်နိုင်မှု၊ အားလုံး ကျယ် ကျယ်ပြန့်ပြန့် ကိုယ်စားပြု ပါဝင်နိုင်ရေးကို ဆန္ဒရှိကြတယ်။ ကျွန်တော်တို့ဘက်ကတော့ ပြီးခဲ့တဲ့ ရှစ်လေးလုံး အခမ်းအနား ကြေညာစာတမ်းမှာပါတဲ့ အချက်သုံးချက်နဲ့ ပတ်သက်ပြီး အဓိကထား ဆွေးနွေးတယ်" ဟု တွေ့ဆုံ မှုတွင် ပါဝင်ခဲ့သူ ဦးပြုံးချိုက ပြောကြားသည်။
ရှစ်လေးလုံး ဒီမိုကရေစီ အခမ်းအနား ကြေညာချက်တွင် ကိုယ့်ကြမ္မာ ကိုယ်ပြဋ္ဌာန်းပိုင်ခွင့်ရှိ၍ တန်းတူညီမျှမှုရှိသော ဒီမိုကရက်တစ် ဖက်ဒရယ်ပြည်ထောင်စု နိုင်ငံတော်သစ်ကို ထူထောင်ရန်၊ ၂၀၀၈ ခုနှစ် ဖွဲ့စည်းပုံ အခြေခံဥပဒေကို ပြင်ဆင်ပြောင်းလဲရန် သို့မဟုတ် အသစ်ပြန်လည် ရေးဆွဲရန်၊ ငြိမ်းချမ်းရေးနှင့် အမျိုးသားပြန်လည် သင့်မြတ်ရေးကို ဦးတည်သော အမျိုးသား အင်အားစုအားလုံး ပါဝင်သည့် ညီလာခံတစ်ရပ်ကို ကျင်းပရန် လိုအပ်သည်ဟူသော အချက်များ ပါဝင်သည်။
Eleven Media Group
No comments:
Post a Comment