စောနေစိုးမြ နဲ့ ငြိမ်းချမ်းရေးကြော်ငြာ

"စစ်မှန်သောငြိမ်းချမ်းရေးလိုလားသူ စောနေစိုးမြ" လို့ မြန်မာဘာသာနဲ့ ရေးထားတဲ့ ကားတစီးကို မြ၀တီ ၊ ကော့ကရိတ် ဘက်မှာ တွေ့ကြမှာပါ။

(ဓာတ်ပုံများ - ဧရာဝတီ)

အဲဒါက စောနေစိုးမြရဲ့ကား ဖြစ်ပါတယ်။ သူက သူ့ကားမှာသာမက သူ့အင်္ကျီမှာပါ အဲဒီစာတန်း ထိုးထားပါတယ်။ ငြိမ်းချမ်းရေးကား၊ ငြိမ်းချမ်းရေးအင်္ကျီနဲ့ စောနေစိုးမြကို မနေ့ကမြ၀တီမြို့မှာကျင်းပ တဲ့ နယ်ခြားစောင့်တပ် အခမ်းအနားတခုမှာ တွေ့ကြရပါတယ်။

စောနေစိုးမြဟာ ဖခင်ဖြစ်သူနဲ့ ရုပ်ဆင်းအင်္ဂါ အင်မတန်ဆင်တူပါတယ်။ သူ့ဖခင်ကတော့ ကရင်အမျိုးသား အစည်းအရုံး (KNU) ခေါင်းဆောင် ဗိုလ်ချုပ်ကြီး စောဘိုမြ ဖြစ်ပါတယ်။

အခုတော့ သူက သူ့ဦးလေး တော်စပ်တဲ့ ဗိုလ်ချုပ်ထိန်မောင်နဲ့ ပူးပေါင်းနေပါတယ်။ (ဗိုလ်ချုပ်ထိန်မောင်ဟာ ကရင်လက်နက်ကိုင်အဖွဲ့အများအပြားထဲက တခုဖြစ်တဲ့ "KNU/KNLA ငြိမ်းချမ်းရေးကောင်စီ" ရဲ့ ခေါင်းဆောင် ဖြစ်ပါတယ်။)

အဖွဲ့အမည်မှာ ငြိမ်းချမ်းရေး ဆိုတာ ပါဝင်နေသလို ကား နဲ့ အင်္ကျီတို့မှာပါ စစ်မှန်သောငြိမ်းချမ်းရေး ဆိုတာ ပါဝင်နေပါတယ်။
။

စစ်မှန်သောငြိမ်းချမ်းရေး ဆိုတာ မရသေးတဲ့ ကရင်ပြည်နယ်မှာ စောနေစိုးမြတို့ ဘာတွေ လုပ်ဆောင်နေတယ် ဆိုတာကို စာနယ်ဇင်းများမှာ မတွေ့ရပါဘူး။

၂၀၀၉ ခုနှစ်တုန်းကတော့ အစိုးရသတင်းစာ၊ ရုပ်သံတို့မှာ သူ့ရဲ့ လှုပ်ရှားမှုတွေကို အလေးပေး ဖော်ပြခဲ့ဖူး ပါတယ်။

ဗိုလ်ကြီးစောနေစိုးမြ သူ့ဦးလေးနဲ့ သွားရောက်ပူးပေါင်းတဲ့သတင်း တပုဒ်မှာတော့ သူအပါအ၀င် အင်အား ၇၁ဦးဟာ လက်နက်မျိုးစုံ ၂၄ လက်နဲ့ အတူ ထို့ကော်ကိုးကျေးရွာမှာ ရှိတဲ့ KNU/KNLA ငြိမ်းချမ်းရေးကောင်စီ အဖွဲ့ကို သွားရောက် ပူးပေါင်းခဲ့ကြပါတယ် တဲ့။ (၂၀၀၉ ဧပြီ ၄ သတင်းစာ)

စောနေစိုးမြက ၂၀၁၀ ရွေးကောက်ပွဲ အောင်မြင်ရေးအတွက် အစိုးရနဲ့ ပူးတွဲလုပ်ဆောင်မယ် တဲ့။ (၂၀၀၉ ဧပြီ ၁၉ အစိုးရရုပ်မြင်သံကြား)

အစိုးရနဲ့ ငြိမ်းချမ်းရေးယူရတာဟာ သူ့ဖခင် KNU ခေါင်းဆောင် ဗိုလ်ချုပ်ကြီး စောဘိုမြ ချမှတ်ထားတဲ့ လမ်းစဉ်ကို အကောင်အထည် ဖော်ခြင်းဖြစ်တယ်၊ ပြီးတော့ ဒီလမ်းစဉ်ကို ဦးလေး ဗိုလ်ချုပ်ထိန်မောင်က လုပ်ဆောင်နေတာ ထိရောက်မှုရှိတာကို တွေ့ရပါတယ် လို့ ရုပ်မြင်သံကြားမှာ သူက ပြောပါတယ်။

KNU အဖွဲ့ကြီးကတော့ စောနေစိုးမြ ဘက်ပြောင်းသွားတဲ့အတွက် သူတို့ ကြီးကြီးမားမား ထိခိုက်မှု မရှိပါဘူးလို့ ဆိုပါတယ်။ သူ KNU မှာ တပ်ခွဲမှူး တာဝန်ယူတုန်းက တပ်နဲ့ နီးနီးကပ်ကပ် မနေခဲ့ဘူး၊ ဒါကြောင့် သူ့ဆီမှာ လက်နက်ကိုင်အင်အား ၁၀ ဦးလောက်ပဲ ရှိမယ် တဲ့။ သို့သော်လည်း ဗိုလ်ချုပ်ကြီး စောဘိုမြရဲ့ မိသားစုဝင်တယောက်ကို ရတယ် ဆိုပြီးတော့ အစိုးရက ပုံကြီးချဲ့ခွင့်၊ ၀ါဒဖြန့်ခွင့် ရသွားတယ်လို့ တုံ့ပြန်ပါတယ်။

သူဘက်ပြောင်းပြီး လအနည်းငယ် အကြာမှာ KNU ရဲ့ တပ်မဟာ ၇ နယ်မြေထဲက တပ်စခန်းတချို့ကို အစိုးရတပ် နဲ့ DKBA တပ်များက ၀င်တိုက်၊ ၀င်သိမ်းပါတယ်။ ဘာကြောင့်သိမ်းရတယ် ဆိုတာကို အစိုးရက သတင်းထုတ်ပြန်ပါသေးတယ် -
စောနေစိုးမြရဲ့ လက်ကျန်အဖွဲ့ဝင်တွေ ငြိမ်းချမ်းရေးယူချင်တာကို KNU က ဟန့်တားတဲ့အတွက် တိုက်ရတာပါ တဲ့။

စစ်တိုက်လို့ ငြိမ်းချမ်းရေးရချင်၊ ငြိမ်းချမ်းရေးရဖို့ စစ်တိုက်နေခဲ့ရတဲ့ ကရင်ပြည်နယ်ထဲမှာ ခုတလော သေနတ်သံတွေ တိတ်နေပါတယ်။ စောနေစိုးမြပြောတဲ့ စစ်မှန်သောငြိမ်းချမ်းရေးရဖို့ပဲ လိုပါတော့တယ်။

အဲဒီ "စစ်မှန်သောငြိမ်းချမ်းရေး" ဆိုတာ ရပြီ ဆိုရင်တော့ ကရင်ပြည်နယ် အနှံ့ ထောင်ထားကြတဲ့ မြေမြှုပ်မိုင်းများ ဖယ်ရှားရှင်းလင်းရေး၊ ဒုက္ခသည်များ နေရပ်ပြန်ရေး ဆိုတာတွေကို နှစ်အတန်ကြာအချိန်ယူ လုပ်ဆောင်ရဦးမှာပါ။

အနာဂတ်မှာ ဒီလို လုပ်ဆောင်ဖို့ စောနေစိုးမြတို့မှာ အစီအစဉ်တွေ၊ ပြင်ဆင်မှုတွေ၊ လေ့လာမှုတွေ ရှိနေမယ် ဆိုရင်တော့ ဖခင် စောဘိုမြက တမလွန်ကနေ ကျေနပ်နေမှာဖြစ်ပါတယ်။