လူတစ်ဖက်သားပြောတာကို နားထောင်ပေးတာဟာ သူပြောနေတာကို ကိုယ်ကကြားနေရုံသာ မဟုတ်ပါ ဘူး။ ပြီးတော့ လူအများထင်ကြသလို နားထောင်တတ်တာဟာ သဘာဝအရ သူ့အလို အလျောက် တုန့် ပြန်မှု တစ်ခုလည်းမဟုတ်ပါ။ တကယ်တော့ ကျွန်တော်တို့ဟာ လူတစ်ဖက်သားပြောတာကို နားထောင်ပေး တဲ့ အခါမှာ အမှားတွေ လုပ်နေကြပါတယ်။
ဥပမာလူတစ်ယောက်နဲ့ အကြောင်းအရာတစ်ခု ဆွေးနွေးတဲ့အခါ ကိုယ်ပြောချင်တာနဲ့ ကိုယ့်ရှုထောင့်ကိုပဲ ဦးစားပေး ပြောတတ်ကြပါတယ်။ ကျွန်တော်တို့ အများစုက စိတ်ကိုဖွင့်ပြီး နားမထောင်တတ်ကြပါဘူး။ ကျွန်တော်တို့က ကိုယ်ပြောတဲ့အဆိုကို မှန်တယ်လို့ပြောဖို့အတွက်သာ တစ်ဖက်သားကို နားထောင်နေတာ များပါတယ်။ သင်နားထောင်သူ ကောင်းတစ်ယောက်ဖြစ်လာဖို့ အထောက်အကူပြုနိုင်မယ့် အောက်ပါ အချက်လေးတွေကို ကြည့်ရအောင်။
၁။ သင့်စိတ်ကို ရှင်းလင်းထားပါ - နားမထောင်ခင် သင့်စိတ်ထဲမှာ ရှိနေတဲ့ ခံစားချက်၊ အထင်မြင်တွေနဲ့ တရားသေ အတွေးအခေါ်တွေကို စဉ်းစားကြည့်ပါ။ သင်ဒီစကားဝိုင်းကို ဘယ်လို မျှော်လင့်ထားသလဲ။ သင့်ခံစားချက်၊ အတွေးအမြင်တွေကို ဘေးခဏ ဖယ်ထားပြီး တစ်ဖက်က ပြောတာကို နားထောင်ကြည့်ပါ။ ကိုယ်နဲ့အမြင်မတူတဲ့ သူတစ်ယောက်ရဲ့ အချက်လက်တွေကို နားထောင်ကြည့်ပါ။
၂။ အချက်အလက် စုံစုံလင်လင်နဲ့ပြန်ဖြေရမယ့် မေးခွန်းမျိုးမေးပါ - ဥပမာ- "ကျွန်တော်အကြံပြုခဲ့တာမျိုး ခင်ဗျားလုပ်ခဲ့သလား" လို့ပြောမယ့်အစား "ခင်ဗျားဘာလုပ်ဖို့ ဆုံးဖြတ်ခဲ့သလဲ" လို့ပြောကြည့်ပါ။ "ခင်ဗျား စိတ်ညစ် သွားသလား"လို့ပြောမယ့်အစား 'ခင်ဗျားဘယ်လို ခံစားရသလဲ" လို့ပြောပါ။ "ခင်ဗျားဒီနည်းအတိုင်း လုပ်နိုင်မလား"လို့မေးမှာထက် "ကျွန်တော်တို့ ဒါကို ဘယ်လိုဖြေရှင်းကြမလဲ"လို့မေးပါ။
၃။သင်ပါးစပ်မှ မပြောမပြပဲ အာရုံစိုက်နေကြောင်းပေါ်လွင်အောင်လုပ်ပါ။ နားနဲ့ နားထောင်နေရုံသာမကပဲ ကိုယ်ခန္ဓာအစိတ်အပိုင်းတွေနဲ့ပါ နားထောင်ပါ။ ပြောနေသူနဲ့ မျက်လုံးချင်း ဆုံနေပါစေ။ ရှေ့သို့ ကိုယ်ကို ကိုင်းထားပါ။ ပြောနေသူမှတစ်ပါး မည်သည်ကိုမှ အာရုံမရောက်ပါစေနဲ့။ ခေါင်းညိတ်တာမျိုး လုပ်ပါ။
၎။ သင်နားလည်ကြောင်းပြောပါ - နားထောင်ပြီးပါက သင်တစ်ဖက်သားမှ ဆိုလိုသည်ကို နားလည်ကြောင်း အချက်ပြန်ပြပါ။
၅။ တစ်ဖက်သားပြောတာကို သင်ဘက်မှ နားထောင်ပေးနေကြောင်း တစ်ဖက်သား သေချာစွာ ခံစား မိပါစေ။ တစ်ဖက်သားမှ ပြောနေသည်ကို သင်နားထောင်နေကြောင်း ထိုသူမှ ထင်ပါသလား၊ ခံစားမိပါ သလား ဆိုတာကို အမြဲမေးပါ။
၆။ ခဏတဖြုတ်နားပါ - အစစအရာရာ နားထောင်လို့ အဆင်မပြေဘူးဆိုလျှင် ( သင်သဘောမတွေ့လျှင်) ခဏနားလိုက်ပါ။ သင်ကောင်းကောင်မွန်မွန်နဲ့ ပြန်နားထောင်လာနိုင်ပါလိမ့်မယ်။
နားထောင်ပေးတာဟာ ကြားနာရုံတင် မကပါဘူး။ နားထောင်တာဟာ အလေ့အကျင့် လုပ်လုပ်ဖို့လိုတဲ့ ဖြစ် စဉ် တစ်ခုပါပဲ။ နားထောင်ပေးတာဟာ သူတစ်ဖက်သားကို ကိုယ်ဖက်က ပေးနိုင်တဲ့ အကောင်းဆုံး လက်ဆောင် တစ်ခုလည်း ဖြစ်ပါတယ်။
Ref:psychcentral
Trend Myanmar
No comments:
Post a Comment