ယာဉ်အိုယာဉ်ဟောင်းဖျက်သိမ်းသော စီမံကိန်းစတင်သည့်အချိန်မှစ၍ ရန်ကုန်မြို့တွင် ကားအစီးရေ ပိုမို များပြား လာပြီး ယာဉ်ကြောကျပ်တည်းမှုသည် ရန်ကုန်မြို့၏ အဓိကပြဿနာဖြစ်လာသည်။ (ဓာတ်ပုံ − နစ်ကီ)
ရန်ကုန်မြို့တွင် ယာဉ်ရပ်နားရန်နေရာရှိမှသာ ကားတင်သွင်းရန် သတ်မှတ်လိုက်ပြီးနောက် ယခင်က တစ်လလျှင် အစီးရေ ၁၅,၀၀၀ မှ ၂၀,၀၀၀ ကြား ၀င်ရောက်နေရာမှ ယခု ကားအစီးရေ ၁,၅၀၀ မှ ၂,၀၀၀ ကြားသာ ၀င်ရောက်လျက်ရှိ ကြောင်း ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက ပြောသည်။
ပြည်ပမှ ကားတင်သွင်းမှု ပမာဏကို ထိန်းချုပ်ရန် အဆိုပါ အစီအစဉ်ကို ၂၀၁၅ ဇန်န၀ါရီ ၁ ရက်တွင် စတင်ခဲ့ရာ လေးလအတွင်း တစ်လလျှင် ယခင်က ထက် ၁၀ ပုံ ၁ ပုံသာ ကျန်တော့ခြင်း(၉၀ ရာခိုင်နှုန်း လျော့ကျခြင်း)ဖြစ်ကြောင်း ဦးမြင့်ဆွေက မေလ ၄ ရက် ရန်ကုန်တိုင်းဒေသကြီး အစိုးရအဖွဲ့ရုံးတွင် ကျင်းပ ပြုလုပ်သော အများပိုင်ဘတ်စ်ကားလိုင်းများ ရှယ်ယာခေါ်ယူခြင်းပွဲ၌ ထည့်သွင်းပြောကြားသွားသည်။
ယခင်က တစ်နိုင်ငံလုံး၏ ၈၀ ရာခိုင်နှုန်း ကားအားလုံးမှာ ရန်ကုန်မြို့တွင် ၀င်ရောက်နေခြင်း ကြောင့် လျော့ကျစေရန် ကား ပါကင်ထောက်ခံချက် အစီအစဉ်ကို လုပ်ဆောင်ခဲ့ခြင်းကြောင့် ရန်ကုန်မြို့၏ ယာဉ် ကြော ကျပ်တည်းမှုကို တစ်စိတ်တစ်ပိုင်း ဖြေရှင်းနိုင်သည်ဟု ရန်ကုန်တိုင်းဒေသကြီး အစိုးရအဖွဲ့က ဆိုသည်။
စီမံချက်စတင်ခဲ့သည့် လေးလတာ ကာလအတွင်း ကားပါကင်ထောက်ခံချက် ၈,၅၀၀စောင် ထုတ်ပေးခဲ့ပြီး တစ်လလျှင် ထောက်ခံချက် ၂,၀၀၀ ကျော်နှုန်း ထုတ်ပေးခဲ့ကြောင်း ရန်ကုန်တိုင်း ဒေသကြီး အစိုးရအဖွဲ့၏ စာရင်းများအရ သိရသည်။
ကားအစီးရေ လျော့ကျ သည်မှာ မှန်ကန်သော်လည်း ကားပါကင်ထောက်ခံချက်မလိုဘဲ စလစ်ဖြင့် တင် သွင်းသည့် ကားများမှာ လျော့ကျခြင်းမရှိဘဲ ပါကင်ထောက်ခံချက်မလိုသောကြောင့် အစီးရေ အမြောက် အမြား တင်သွင်းထားကြောင်း မော်တော်ယာဉ်တင်သွင်းသူများက ထောက်ပြသည်။
ကားပါကင်ထောက်ခံချက်မှာလည်း ကားထားမည့်နေရာနှင့် အမှန်တကယ် ကားသွင်းလာသည့်နေရာတို့ မှန်ကန်စွာ ဖော်ပြထားခြင်းမရှိသည့် ပါကင်ထောက်ခံချက်များ ယခုကဲ့သို့ဈေးကွက်အတွင်း အရောင်း အ၀ယ် ဖြစ်နေခြင်းမှာ ရန်ကုန်တိုင်းဒေသကြီး၏ ကားပါကင်မူဝါဒ မအောင်မြင်သည့် လက္ခဏာဖြစ်ကြောင်း ကားတင်သွင်းသူများက သုံးသပ်သည်။
ကားပါကင်ထောက်ခံချက် ရရှိရန် လက်ရှိတွင် အချိန်ကြာမြင့်စွာ စောင့်ဆိုင်းနေရသောကြောင့် ပြင်ပ၌ ပါကင်ထောက်ခံချက် တစ်စောင်လျှင် ကျပ်သုံးသိန်းမှ ကျပ်ခြောက်သိန်းအထိ ကားအရောင်းအ၀ယ် ပြုလုပ် သူများ အကြားတွင် ဖြစ်ပေါ်နေပြီး ပါကင်ထောက်ခံချက် ထုတ်ပေးသည့်နေရာတွင်လည်း စိစစ်ထုတ်ပေး ခြင်း ရှိ၊မရှိ အစိုးရက ပြန်လည် စစ်ဆေးပေးသင့်ကြောင်း တစ်နိုင်တစ်ပိုင် ကားတင်သွင်းသူ ဦးဝင်းမြတ် ကပြောသည်။
ကားပါကင်ထောက်ခံချက်ကို အချိန်ကုန်မခံဘဲ ပြင်ပတွင် ဈေးကောင်းပေးလိုက်လံဝယ်ယူနေသူအများစုမှာ Brand Now ကားအရောင်းပြခန်းပိုင်ရှင် အများစုဖြစ်ကြောင်း ၎င်းကပြောသည်။‘‘လသာမှာ နေတဲ့သူက သူ့ရဲ့ကားပါကင်ထောက်ခံချက်ကို တောင်ဒဂုံမှာနေရာပြထားတယ်။ ဒါတွေက ဖြစ်နိုင်ပါ့မလား။ သေချာပြန် စစ်သင့်နေပြီ။ ထောက်ခံချက်ကလည်း နားလည်မှုတွေနဲ့ လုပ်ပေးနေတာ’’ဟု ဦးဝင်းမြတ်ကဝေဖန်သည်။
ရန်ကုန်တိုင်းဒေသကြီးအစိုးရအဖွဲ့က ရန်ကုန်မြို့၏ ယာဉ်ကြောကျပ်တည်းမှုကို ဖြေလျှော့ရန် ကားပါကင် ထောက်ခံချက်များဖြင့် တင်းကျပ်ခြင်းအပြင် ရန်ကုန်တွင် အသုံးပြုနေသော နယ်ကျော်ကားများကို မြို့ဝင် ကြေး ကောက်ခံခြင်းများ ပြုလုပ်ခဲ့ပြီး ရန်ကုန်၏ ယာဉ်ကြောကျပ်တည်းမှုကို ဖြေလျှော့ရန် လုပ်ဆောင် နေသည်။
ကားပါကင်ထောက်ခံချက်အတွက် မြေနေရာကို ဆလွန်း၊ မီနီ၊ ၀က်စ်ဂွန်းများအတွက် အ လျား ၁၅ ပေ၊ အနံ ၈ ပေ ရှိရမည် ဖြစ်ပြီး လိုက်ထရပ်၊ ဒယ်ဘယ်ကပ်၊ ပစ်ကပ်အစရှိသောကားများအတွက် အလျား ၂၀ ပေ၊ အနံ ၁၀ ပေ ရှိရမည်ဖြစ်သည်။
ကားပါကင်ထောက်ခံချက်များ၌ လိမ်လည်တင်ပြမှုများရှိပါက စစ်ဆေးအရေးယူမှုများ ပြု လုပ်မည်ဖြစ်ပြီး ထောက်ခံချက် ပေးထားသည့်နေရာတွင် ကားထားခြင်းမရှိသည်ကို စစ်ဆေးတွေ့ရှိပါက လိမ်လည်မှုအပြင် အခြား ပြစ်မှု၊ ပြစ်ဒဏ်များဖြင့် အရေးယူရန် စီစဉ်နေကြောင်း ကားပါကင် ထောက်ခံချက် စစ်ဆေးရေးအဖွဲ့ မှ အရာရှိတစ်ဦးကပြောသည်။
7Day DAILY
No comments:
Post a Comment