စစ်တပ်က မီဒီယာကို အမိန့်ပေးနိုင်သလား

စစ်တပ်သည် စည်းကမ်းကို အခြေပြုသည့် အဖွဲ့အစည်းဖြစ်ပြီး အမိန့်နှင့် အုပ်ချုပ်သည်။ “ရေဘူးပေါက်တာ မလိုချင်ဘူး၊ ရေပါတာပဲ လိုချင်တယ်” ဟူသည့် စကားသည် စစ်တပ်သဘောကို စကားလုံးကျစ်ကျစ်နှင့် အဓိပ္ပာယ် ဖော်ဆောင်ခြင်းဟု မြန်မာပြည်သူ အများစုက နားလည်ထားကြသည်။

တစ်ခေတ်ကတော့ စစ်အာဏာရှင်များက သေနတ်ပြောင်းဝ ပြည်သူ့ဘက် လှည့်ထားခြင်းဖြင့် အုပ်ချုပ်ခဲ့ကြ သဖြင့် ပြည်သူများသည်လည်း စစ်ဖိနပ်အောက်တွင် ရှိခဲ့ကြသည်။ ပြည်သူများကြား ရှင်သန်နေထိုင်ခဲ့ ရသော မီဒီယာများသည်လည်း ထိုဒဏ်မှ မလွတ်ကင်းခဲ့ပါ၊ စစ်ထောက်လှမ်းရေးများက ကြီးကြပ် စစ်ဆေးသော စာပေ စိစစ်ရေး ကင်ပေတိုင်များနှင့် အလုပ်လုပ်ကြရသည်၊ မချစ်သော်လည်း အောင့်ကာ နမ်းရသည်၊ အမိန့်ပေး စေခိုင်းသည့်အတိုင်း လိုက်နာလုပ်ဆောင်ရသည်။ မဟုတ်လျှင် ထောင်နန်းစံရကိန်း ရှိလေသည်။

၂၀၁၁ မတ် ၃၀ တွင် ဗိုလ်ချုပ်ကြီးဟောင်း သမ္မတဦးသိန်းစိန် ဦးဆောင်သော အစိုးရတစ်ရပ် တက်လာခဲ့ သည်။ စာပေစိစစ်သည့် အခြေအနေကို ရုပ်သိမ်း ရပ်စဲလိုက်သည်။ ခေတ်က တောင်းဆိုသည့် သဘော ဖြစ်သည်။

စစ်တပ်တွင် ကိုယ်ပိုင် သတင်းစာ၊ ရုပ်သံဌာန ရှိသည်။ စစ်နှင့် ပတ်သက်၍ စိတ်ကြိုက်ဝါဒဖြန့် စည်းရုံးနိုင် သည်။ ပြည်သူကြည့်အောင် ဖတ်အောင် လုပ်ရမည်က ၎င်းတို့၏ တာဝန်သာ ဖြစ်သည်။ ပြည်သူလက်မခံ လျှင်တော့ မည်သို့မျှ တတ်နိုင်မည် မဟုတ်ပါ။

၂၀၁၅ မေ ၃ တွင် တပ်မတော် သတင်းမှန် ပြန်ကြားရေးအဖွဲ့က “ကိုးကန့်သောင်းကျန်သူအဖွဲ့၏ ထုတ်ပြန် ကြေညာချက်များကို သတင်းမီဒီယာများတွင် ထည့်သွင်း ဖော်ပြမှု မရှိစေရေး” ဟု ဆိုကာ မြန်မာနိုင်ငံ စာနယ်ဇင်းကောင်စီ (ယာယီ) သို့ လိပ်မူပြီး စာပို့သည်။ စစ်တပ်က မိမိတို့ တိုက်နေသော သူပုန်အဖွဲ့နှင့် ပတ်သက်၍ သတင်းစာ၊ ရုပ်သံတို့က ဘာမျှ မရေးရ၊ မလွှင့်ရဟု ပြောခြင်းဖြစ်သည်။ ရေးခြင်း၊ လွှင့်ခြင်း လုပ် လျှင် ဥပဒေနှင့် အရေးယူမည်ဟု ခြိမ်းခြောက်သည်၊ ခြိမ်းခြောက်ခြင်း သဘောသာလျှင် အဓိပ္ပာယ် ရှိလေသည်။

သတင်းမီဒီယာ သဘောက ထိုသို့မဟုတ်၊ တစ်ဖက်ပိတ် (၀ါ) တစ်ဖက်သတ်လုပ်၍ မရ။ နှစ်ဘက်နှင့်ဆိုင် သော သတင်းရေးလျှင် နှစ်ဘက် အသံကို ထည့်ရသည်ချည်း ဖြစ်သည်။ ရှုထောင့်စုံ အမြင်စုံဖြင့် ဘက်မျှ အောင် ရေးသား တင်ဆက်ရသည်။ သတင်းထောက်၏ သဘာ၊ အယ်ဒီတာ၏ ဆင်ခြင်ဉာဏ်က အခရာ ကျသည်။ ချစ်၍ မုန်း၍ ရန်သူမို့ မိတ်ဆွေမို့ ခွဲခြားမရ။ တကယ့် မီဒီယာ သဘောပြောခြင်း ဖြစ်သည်။

အစိုးရ မီဒီယာသဘော၊ စစ်တပ် မီဒီယာသဘော မဟုတ်။ အစိုးရ မီဒီယာများနှင့် စစ်တပ် မီဒီယာတို့က ဝါဒဖြန့်သဘောသဘာဝ ပါသည်။

တစ်ခြား တစ်လမ်းတွင်လည်း လွတ်လပ်ပြီး အမှီအခိုကင်းသည့် သတင်းမီဒီယာများသည် အစိုးရ လက် အောက်မှာ မဟုတ်၊ စစ်တပ် လက်အောက်တွင်လည်း မရှိ၊ သဘာဝအရကပင်လျှင် လွတ်လပ်သည့် သဘော ဆောင်ရသည်။ အစိုးရ မီဒီယာ၊ စစ်တပ် မီဒီယာ၊ အစိုးရနှင့် နီးစပ်သည့် မီဒီယာ၊ အစိုးရကို ဖားပြီး စားရသည့် မီဒီယာ၊ စစ်တပ်နှင့် နီးစပ်သည့် မီဒီယာ၊ စစ်တပ်ကို ဖားပြီး စားရသည့် မီဒီယာတို့ကိုတော့ အစိုးရနှင့် စစ်တပ်က လွှမ်းမိုးနိုင်ကောင်းသည်။

ပုဂ္ဂလိက မီဒီယာများနှင့် သီးခြား လွတ်လပ်စွာ ရပ်တည်သော မီဒီယာများက စစ်တပ်စကားကို နားထောင် ကြမည်လား။ ဤသည်ကား အဆိုပါ ပုဂ္ဂလိက မီဒီယာများနှင့် လွတ်လပ်စွာ ရပ်တည်ကြသည့် မီဒီယာများ ကို စီမံခန့်ခွဲသူများ၏ ဆုံးဖြတ်ချက်နှင့် သဘောအတိုင်းသာ ဖြစ်ပေလိမ့်မည်။

အကယ်၍ စစ်တပ်စကားကို မီဒီယာတို့က လက်ခံကြမည်ဆိုလျှင် (၀ါ) လိုက်နာကြမည်ဆိုလျှင် အယ်ဒီတာ တို့ အလုပ် လုပ်စရာ မလိုတော့ပါ၊ သတင်းထောက်တို့ သတင်းရှာရသည့်ကိစ္စ၊ သတင်းလိုက်ရသည့် ကိစ္စ၊ သတင်းရေးရသည့် ကိစ္စများကို ကျွမ်းကျင်စရာ မလိုတော့ပါ။ အနှီစစ်တပ်မှ စစ်ဗိုလ်ကြီးငယ်များ၏ အမိန့်ညွှန်ကြားချက်အတိုင်း ခိုင်းစေရာကို လိုက်ပါ ဆောင်ရွက်ရုံသာ ရှိတော့သည်။

စစ်တပ်၏ လွန်ကျူးသော တောင်းဆို ခြိမ်းခြောက်မှုကို သတင်းစာသမားများနှင့် သတင်းမီဒီယာများဘက်မှ ရပ်တည် ရပ်ခံ ဆောင်ရွက်မည်ဟု မှတ်ထင်ထားသော အဖွဲ့အစည်းများမှ ခေါင်းဆောင်များ၏ တုံ့ပြန်မှု လေပျော့လေအေးများကလည်း သတင်းစာဆရာများမှ ဟုတ်ပါလေစဟုပင် သံသယပွားမိသည်။

မိမိတို့ မြန်မာနိုင်ငံသည် စစ်အာဏာရှင်များ၏ အမိန့် အာဏာအောက်တွင် ရှိနေဆဲ ဖြစ်သည်လား၊ မဟုတ် ပါ။ ရွေးကောက်ပွဲ လမ်းစဉ်ဖြင့် လူထုကိုယ်စားလှယ်များနှင့် ယင်း ကိုယ်စားလှယ်များက ရွေးချယ်သော ပြည်သူ့ကိုယ်စားပြု အစိုးရခေတ် ရောက်ရှိနေပြီ ဖြစ်ပါသည်။

Mizzima - News in Burmese​