အစိုးရသစ် လှိုင်းသုံးလှိုင်း ဆောင်ရွက်မှု အားရကျေနပ်စရာ နည်းပါးဟု လွှတ်တော်ကိုယ်စားလှယ် အချို့ပြော

အစိုးရသစ်သက်တမ်းတွင် ဆောင်ရွက်လျက်ရှိသည့် တတိယလှိုင်း စီမံချက်လုပ်ဆောင်မှုများ ကြီးကျယ် သော အောင်မြင်မှု ရရှိခဲ့သည်ဟု သမ္မတရုံး ဒုတိယဝန်ကြီးက အမျိုးသားလွှတ်တော်တွင် ဖြေကြားခဲ့ သော် လည်း လွှတ်တော်ကိုယ်စားလှယ်များကမူ ထိုဆောင်ရွက်မှုကို အားရမှုမရှိဘူးဟု ပြန်လည်တုန့်ပြန် လိုက်သည်။

“လှိုင်းသုံးခုကို အစိုးရကတော့ အောင်မြင်မှုတွေ ရှိတယ်လို့ ပြောတယ်။ ဒါပေမယ့် အစိုးရသစ် လက်ထက် မှာတော့ အောင်မြင်မှုတွေက အတိုင်းအတာ တစ်ခုထိတော့ မရသေးဘူး။ ဆက်ပြီးတော့ ကြိုးစားရဦးမယ်” ဟု အမျိုးသားလွှတ်တော်ကိုယ်စားလှယ် ဦးခက်ထိန်နန်က ပြောသည်။

ယနေ့ ပထမအကြိမ် အမျိုးသားလွှတ်တော် ၁၂ ကြိမ်မြောက် အစည်းအဝေး ၅၀ ရက်မြောက်နေ့တွင် ကချင်ပြည်နယ်၊ မဲဆန္ဒနယ်အမှတ်(၁)မှ ဦးခက်ထိန်နန်၏ ပထမအဆင့် ပြုပြင်ပြောင်းလဲရေး (First Wave )၊ ဒုတိယအဆင့်ပြုပြင်ပြောင်းလဲရေး (Second Wave )နှင့် တတိယအဆင့် အရှိန်အဟုန်မြှင့် ပြုပြင် ပြောင်းလဲရေး (Third Wave )တို့အပေါ် မေးမြန်း ခဲ့ခြင်းဖြစ်သည်။

    သမ္မတရုံးဝန်ကြီးဌာန ဒုတိယဝန်ကြီး ဦးကျော်ကျော်ဝင်းက "တတိယအဆင့် ပြုပြင်ပြောင်းလဲမှု ဖြစ်သည့် ပြည်သူ့ရေးရာ စီမံခန့်ခွဲမှု ပြုပြင်ပြောင်းလဲရေးသည် အရေးကြီးဆုံးဖြစ်ပြီး ကောင်းမွန်သော အုပ်ချုပ်ရေး ရှိသော သန့်ရှင်းသော အစိုးရ ဖြစ်ရေး၊ ပွင့်လင်းမြင်သာမှုရှိရေး၊ တာဝန်သိမှု၊ တာဝန်ယူမှု၊ တာဝန်ခံမှု ရရှိ စေရေး စသည့် ယန္တရားကို ပြည့်ဝစွာ အကောင်အထည်ဖော်ခြင်းအားဖြင့် ပြည်သူများ လက်တွေ့ခံစားရုံ သာမက တာဝန်ခံမှု(Accountability) ရှိစေရေး အချိန်အဟုန်မြှင့် ဆောင်ရွက် သွားမည်’’ ဟု ပြောသည်။

ပထမအဆင့်တွင် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်များ ပေါ်ပေါက် လာခြင်း၊ လက်နက်ကိုင် အဖွဲ့အစည်းများ အားလုံးနီးပါးနှင့် အပစ်အခတ် ရပ်စဲ၍ ငြိမ်းချမ်းရေး ဆွေးနွေးပွဲ များ ကျင်းပနိုင်ပြီး ရေရှည်တည်တံ့ခိုင်မြဲသည့် ငြိမ်းချမ်းရေးရရှိရန် အလွန်နီးစပ်နေခြင်းနှင့် Political Inclusiveness ဟု ခေါ်ဆိုနိုင်သည့် နိုင်ငံရေးပါတီများက  ဒီမိုကရေစီနိုင်ငံ ထူထောင်ရာတွင် ပါဝင် ဆောင်ရွက် နေခြင်းများ ဖြစ်သည်ဟု ဆိုသည်။

ဒုတိယအဆင့်တွင် နိုင်ငံရေးပြုပြင်ပြောင်းလဲမှု ရလဒ်များမှာ ၂၀၁၂ ခုနှစ်၊ ကြားဖြတ် ရွေးကောက်ပွဲကို အောင်မြင်စွာ ကျင်းပပေးနိုင်ခဲ့ခြင်း၊ ပြည်တွင်းလက်နက်ကိုင်အဖွဲ့များနှင့် ငြိမ်းချမ်းရေး တည်ဆောက် နိုင်ခြင်း၊ ပြစ်ဒဏ်ကျခံနေသော အကျဉ်းသားများကို လွတ်ငြိမ်း ချမ်းသာခွင့်ပေးခြင်း၊ သတင်းမီဒီယာများ အတွက် အကန့်အသတ်များကို ပယ်ဖျက်ပေးခြင်း၊ ပုဂ္ဂလိက သတင်းစာ ထုတ်ဝေခွင့်နှင့် ပြည်သူများ၏ ဆန္ဒသဘောထားများကို ဥပဒေနှင့်အညီ ထုတ်ဖော်ခွင့်ပေးခြင်း ဖြစ်သည်ဟု ဒုတိယဝန်ကြီးက လွှတ်တော် တွင် ပြောသည်။

အမျိုးသားလွှတ်တော် ကိုယ်စားလှယ် ဦးလှဆွေက "ရောင့်ရဲတင်းတိမ်နိုင်ရင်တော့ ကျေနပ်စရာပေါ့။ အကန့် အသတ်နဲ့ ဖြည်းဖြည်းသွားတာ ပိုကောင်းတယ်။ ဗွမ်းကနဲ လုပ်လိုက်ရင် ကျွန်တော်တို့ နိုင်ငံအနေ အထားက ကောက်ရိုးမီး လုပ်တတ်တဲ့ အနေအထား ရှိတယ်။ ပြီးကျမှ ဘွာတေးခေါ်လို့က ခက်တယ်။ အဲဒါမျိုး မဖြစ်အောင် Key Player တွေက ချိန်ဆပြီးတော့ မြေကို နင်းသင့်တယ်။ ဒီလမ်းကြောင်းဟာ မိုင်းရှိသလား၊ ဆူးရှိသလားပေါ့။ ခြေလှမ်းတိုင်း ခြေလှမ်းတိုင်းမှာ ချိန်ဆပြီးတော့ နင်းသင့်တယ်။ အစိုးရက ဒီလိုသွားနေတယ်လို့တော့ မြင်တယ်’’ဟု ပြောသည်။

တတိယလှိုင်းအဖြစ် ၂၀၁၄ ခုနှစ်၊ ဇွန်လ ၁၀ ရက်က စတင်ခဲ့ပြီး တတိယအဆင့် အရှိန်အဟုန်မြှင့် ပြုပြင်ပြောင်းလဲရေးတွင်လည်း နိုင်ငံ့ဝန်ထမ်းအားလုံး၏ တာဝန်သိမှု၊ တာဝန်ယူမှုနှင့် တာဝန်ခံမှုများအပြင် ပုဂ္ဂလိကကဏ္ဍအသီးသီးမှ အဖွဲ့အစည်းများ၊ စီးပွားရေးလုပ်ငန်းရှင်များ အားလုံး ပူးပေါင်းပါဝင်မှုကြောင့် ၂၅ ကြိမ်မြောက် အာဆီယံထိပ်သီး အစည်းအဝေးနှင့် ဆက်စပ် အစည်းအဝေး များကို ကြီးကျယ်အောင်မြင်စွာ ကျင်းပနိုင်ခဲ့ခြင်းသည် လှိုင်းသုံးလှိုင်းအတွက် အောင်မြင်မှုများ ဖြစ်သည်ဟု ဒုတိယဝန်ကြီးက ဆက်လက် ပြောကြားခဲ့သည်။

အဆိုပါ လုပ်ဆောင်လျက်ရှိသည့် လှိုင်းသုံးလှိုင်း စီမံချက်သည် လက်ရှိအစိုးရသက်တမ်း ကာလ ပြီးဆုံး မည်ဖြစ်ပြီး ၂၀၁၆ ခုနှစ်တွင် သက်တမ်းကုန်ဆုံးမည်ဟု ဆိုသည်။

Mizzima - News in Burmese​