ရန်ကုန်မြစ်၏အလှအပကို ကြည့်ရှုခံစားနိုင်သည့် ဆိပ်ကမ်းသာပန်းခြံကို ခြံခတ်ပိတ်ဆို့ ထားသော အေးရှားဝေါလ်ထံမှ ရန်ကုန်မြို့တော် စည်ပင်ပြန်လည်သိမ်းယူ

ရန်ကုန်တိုင်းဒေ သကြီး ကြည့်မြင်တိုင်မြို့နယ် ဗား ကရာကမ်းနားလမ်းပေါ်ရှိ ရန်ကုန် မြစ်၏အလှအပကို ကြည့်ရှုခံစားနိုင် သည့်ဆိပ်ကမ်းသာပန်းခြံနေရာကို ခြံခတ်ပိတ်ဆို့ထားသည့် အေးရှားဝေါလ် ထံမှ ရန်ကုန် မြို့တော်စည်ပင် သာယာရေးကော်မတီက စည်ပင်ပိုင်မြေအဖြစ်ကြေညာ၍ ပြန်လည်သိမ်းယူခဲ့ကြောင်း ရန်ကုန်မြို့တော်စည် ပင်သာယာရေးကော်မတီမှ ကော်မ တီဝင် ဦးခင်လှိုင်က ပြောသည်။

ယင်းပန်းခြံမြေနေရာတွင် ယ ခင်က ရန်ကုန်မြစ်၏အလှအပကို လာရောက်ကြည့်ရှုရင်း အပန်းဖြေကြ လေ့ ရှိသော်လည်း ၂၀၀၁ ခုနှစ်နောက် ပိုင်း Asia World Port Management Co.,Ltd က မြန်မာ့ဆိပ်ကမ်း အာဏာပိုင်ထံတင်ပြကာ သွပ်ပြား များဖြင့် ဝင်းခြံများခတ်ခဲ့ခြင်းဖြစ်ပြီး ခွင့်ပြုချက်မရှိဘဲ မြေနေရာများ တိုးချဲ့ မှုများ ဆောင်ရွက်နေခြင်းဖြစ် ကြောင်း ၎င်းက ပြောသည်။

ရန်ကုန်မြို့တော်စည်ပင်သာယာရေးကော်မတီမှ ကော်မတီဝင် ဦးခင်လှိုင်က ''ပန်းခြံကို ဧပြီ ၆ရက် စည်ပင် လက်ထဲပြန်အပ်ဖို့ အသိပေးစာကုမ္ပဏီ ကိုပို့ခဲ့ပေမယ့် တန်းလျား တစ်ခုနဲ့တဲအိမ်တစ်လုံး ကျန်နေသေး တယ်။ ကျွန်တော်တို့က အရင်က စည်ပင်ပိုင်မြေဖြစ်ကြောင်း ကပ်ခွင့် မရှိဘူး။ ခုကပ်ခွင့်ရှိလို့ ကပ်ထားပါ ပြီ။ ဒီပန်းခြံက ခုဆိုရင် ပြည်သူတွေ ပိုင်ဖြစ်သွားပါပြီ။ မြစ်ရဲ့အလှအပကို ပြည်သူတွေခံစားနိုင်တော့မှာ ဖြစ် ပါတယ်''ဟု ပြောသည်။

ယင်းပန်းခြံကို အေးရှားဝေါလ် ကုမ္ပဏီမှ အပြီးဖယ်ရှားရှင်းလင်း ပြီးပါက အဆင့်မြင့်ပန်းခြံအဖြစ် ဆောင်ရွက် သွားမည်ဖြစ်ပြီး ဖယ်ရှား ရှင်းလင်းခြင်းမရှိလျှင် အေးရှားဝေါလ် ကုမ္ပဏီကို စည်ပင်သာယာ အက်ဥပဒေများ အတိုင်း အရေးယူဆောင်ရွက်သွားမည်ဖြစ်ကြောင်း သိရသည်။

၂၀၁၄ခုနှစ်ဇွန် ၂၄ရက်တွင် Asia World Port Manag-ement Co.,Ltd ကယင်းပန်းခြံနေရာတွင် စားအုန်းဆီအတင်အချ ဆိပ်ခံတံတားနှင့် ဆီသိုလှောင်ကန်များတည်ဆောက်ကာ စားအုန်းဆီ သိုလှောင် ဖြန့်ဖြူးခြင်း လုပ်ငန်းများ ဆောင်ရွက်ရန် မြန်မာ့ဆိပ်ကမ်းအာဏာပိုင်က ထောက်ခံပေး ခဲ့သော်လည်း ရန်ကုန် တိုင်းဒေသကြီးအစိုးရအဖွဲ့က အနာ ဂတ်စီမံကိန်းရှိ၍ စားအုန်းဆီအတင် အချ ဆိပ်ခံတံတား မဆောက်သင့် ကြောင်း သဘောထားမှတ်ချက်ထုတ် ပြန်ခဲ့ကြောင်း သိရသည်။ 

အေးရှားဝေါလ်ကုမ္ပဏီအနေ ဖြင့် ယင်းပန်းခြံတွင်း၌ စီမံကိန်းဆိုင် ရာရုံးများသာထားရှိခြင်းဖြစ်ကြောင်း Asia World Port Management Co.,Ltd မှလုံခြုံရေးအရာရှိတစ်ဦး က ပြောသည်။

''ကျွန်တော်ကတော့ ဘာမှတ် ချက်မှ မပေးချင်ပါဘူး။ အပေါ်ကပဲ သိနိုင်မှာပါ။ စဖျက်ပေးနေပါတယ်။ တစ်ညလုံးဖျက်နေတာပါ။ ပေးထားတဲ့ အချိန်က နည်းနေတော့ အကုန်မပြီး သေးတာပါ'' ဟု ၎င်းက ပြောသည်။

ယင်းဆိပ်ကမ်းသာပန်းခြံတွင် အေးရှားဝေါလ်ကုမ္ပဏီမှ အပြီးတိုင် ဖယ်ရှားပေးပြီးလျှင် လူအများကို စည်းကမ်း တကျသွားလာနိုင်ရန် အ သိပေးမှုများဆောင်ရွက်သွားမည် ဖြစ်ကြောင်း ကြည့်မြင်တိုင်မြို့နယ်မှ ရပ်မိရပ်ဖဦးဝင်းဇော်က ပြောသည်။ 

''ပန်းခြံထဲကို ဝင်ထွက်ခွင့်ရ သွားပြီဆိုပြီး မှောင်ရိပ်ခိုတာတွေ၊ အ မှိုက်လာစွန့်ပစ်တာတွေ မရှိရအောင် ဆောင်ရွက်သွားမှာ ဖြစ်ပါတယ်''ဟု ၎င်းက ပြောသည်။

မြန်မာ့ဆိပ်ကမ်းအာဏာပိုင်မှ ဆိပ်ကမ်းသာပန်းခြံကို ရန်ကုန်မြို့ တော် စည်ပင်သာယာရေးကော်မတီ ပိုင်အဖြစ် ၁၉၉၆ခုနှစ်က စတင်လွှဲ ပြောင်းပေး ခဲ့ခြင်းဖြစ်ခြင်းကြောင့် ပြန်လည်သိမ်းယူခဲ့ခြင်းဖြစ်ကြောင်း ဦးခင်လှိုင်က ပြောသည်။

Asia World Port Management Co.,Ltd က သွပ်ပြားများဖြင့် ပိတ်ထားခဲ့သည့် ယင်းပန်းခြံသည် အရှည်ပေ ၁၀၀ဝခန့်ရှိပြီး အဆိုပါ ပန်းခြံကို ရန်ကုန်မြို့တော်စည်ပင် သာယာရေး ကော်မတီပိုင်မြေဖြစ် ကြောင်း ဆိုင်းဘုတ်များကို ဧပြီ ရရက် က ခရိုင်ကော်မတီဝင်သုံးဦးအပါအ ဝင် မြို့နယ်စည်ပင် သာယာရေး ကော် မတီမှ ဝန်ထမ်းများက လိုက်လံကပ် ခဲ့ကြကြောင်း သိရသည်။

TTMT

Democracytoday