နျူကလီးယားလက် နက်များထုတ်လုပ်ရာတွင် အဓိက ပါဝင်သော ကုန်ကြမ်းဖြစ်သည့် ယူရေနီယံသတ္တု အများအပြား ထွက်ရှိသောနေရာကို မြန်မာ နိုင်ငံ၌ တူးဖော်ရှာဖွေတွေ့ရှိ ထားပြီဖြစ်ကြောင်း ထူးကုမ္ပဏီ ဥက္ကဋ္ဌဦးတေဇကပြောသည်။
အဆိုပါ ဓာတ်သတ္တုကို မိုးကုတ်မြို့အနောက်ပိုင်းမှ သုံးနာရီခွဲခန့် ကားမောင်းသွားနိုင်သော ဟုန်ကန်ကျေး ရွာ အနီးတစ် ၀ိုက်တွင် တွေ့ရှိထားကြောင်း
၎င်းက ယမန်နေ့ ညနေတွင် အင်းလျားလမ်းရှိ နေအိမ်တွင် ပြုလုပ်သောသတင်းစာ ရှင်းလင်းပွဲ၌ ပြော ကြားခဲ့သည်။ ယူရေနီယံများ တူးဖော်ရရှိသူများကို ဦးတေဇက လတ်တ လောတွင် ကျပ်သိန်းငါးရာစိုက် ထုတ်ပေးထားပြီး ယူရေနီယံသတ္တုတစ်ပြည်လျှင် ကျပ်သိန်းနှစ်ရာဖြင့် ၀ယ်ယူမည်ဖြစ်ကာ ၀ယ်ယူသည့် ပစ္စည်းများကို ကုမ္ပဏီက ကိုယ်ကျိုးအတွက် အသုံးပြုမည်မဟုတ်ဘဲ နိုင်ငံတော်သို့အပ်နှံသွားမည်ဟု ဦးတေဇ က ဆိုသည်။
‘‘မင်းတို့ တူးလို့ရတဲ့ပစ္စည်း တွေကို အခုလိုရန်ကုန်ထိလာအပ် စရာမလိုဘူး။ နောက်ပိုင်းကျရင် မန္တလေး တိုင်းမှာရှိတဲ့ သက်ဆိုင် ရာဌာနမှာပဲ ပေးအပ်လိုက်ပါ’’ဟု ဦးတေဇက ပစ္စည်းလာရောက် အပ်နှံသူများအား သတင်းထောက်များရှေ့တွင် ပြောသည်။
မြန်မာနိုင်ငံတွင် ယူရေနီယံသတ္တုကို ၁၉၈၂ ၀န်းကျင်က မိုးကုတ်မြို့နယ် ညောင်ပင်ရွာအနီး၌ နည်းပညာ ၀န်ဆောင်မှု ကော်ပိုရေးရှင်း အဖွဲ့တစ်ခုက ရှာဖွေတွေ့ရှိခဲ့သည်။
သို့သော် မြန်မာနိုင်ငံတွင် ထုတ်လုပ်ရန် နည်းပညာ မရှိသေးပေ။ ယင်းလုပ်ငန်းကို နိုင်ငံတော်အစိုးရက ပုဂ္ဂလိကအား ထုတ်လုပ်ခွင့်ပေးမည် မဟုတ်ကြောင်း ဘူမိဗေဒပညာရှင်တစ်ဦးက ပြောသည်။
ဟုန်ကန်ကျေးရွာနှင့် မိုး ကုတ်အနောက်ပိုင်းမှ လာရောက် သူများသည် ကျောက်မျက်တူး ဖော်ရှာဖွေရာ တွင် ထူးခြားသည့် သတ္တုများတွေ့ရှိသည့်အတွက် ထူးခြားသည်ဟု ယူဆ၍အဆက် အသွယ်များမှတစ်ဆင့် ဦးတေဇ ထံသို့ လာရောက်ရောင်းချခြင်း ဖြစ်ကြောင်း အဆိုပါဒေသမှ ကိုအောင်နိုင်က ပြောသည်။ အဆိုပါသတ္တုများ အိမ်ရောက်လာသည်မှာ သီတင်းသုံးပတ်ဝန်းကျင်ရှိနေပြီဖြစ်ကာ ကိုင်တွယ်စမ်းသပ် ထား၍ ဦးတေဇမှာ ယင်းသတ္တုများကြောင့် အဆိပ်သင့်နေပြီဟု ယူဆထား၍ ဂျပန်နိုင်ငံမှ ဆရာဝန်က နေအိမ်သို့ လာရောက်ကာ ဆေးကုသမှုပေးနေသည်ဟုဆိုသည်။
‘‘ဒါတွေကို ကျွန်တော်တို့ ကုမ္ပဏီက မတူးပါဘူး။ နိုင်ငံ တော်ကို ရှာပေးချင်လို့ လုပ်တာ ပါ’’ဟု ဦးတေဇက ပြောသည်။
‘‘အခု ကျွန်တော် ဒီဓာတ် သင့်ထားလို့ ကျန်းမာရေးသိပ်မ ကောင်းပါဘူး။ ဒါကြောင့် ဒီလို တွေ့ရှိထားတယ် ဆိုတာ မပြော လိုက်ရရင် လူတွေမသိမှာစိုးလို့ မီဒီယာကိုခေါ်ပြောတာပါ’’ဟု ဦး တေဇကပြောသည်။
လက်ရှိတွင် အဆိုပါသတ္တု များကို သုံးပိဿာခွဲခန့်အထိ တူး ဖော်ရရှိထားပြီဖြစ်ပြီး ကျန်ပစ္စည်း များကိုလည်း ဆက်လက်ရှာဖွေ တူးဖော်သွားမည်ဖြစ်ကြောင်း ဦးတေဇကပြောသည်။
တူးဖော်ရရှိသည့် အဆိုပါပစ္စည်း အားလုံးကို သိပ္ပံနှင့် နည်းပညာဝန်ကြီးဌာနသို့ အပ်နှံထားသည်ဟုဆိုသည်။
7Day DAILY
No comments:
Post a Comment