ရန်ကုန်ဘူတာကြီးမှထွက်လာသည့် မြို့ပတ်ရထားတစ်စီး (ဓာတ်ပုံ − နစ်ကီ)
မြန်မာ့မီးရထားပိုင်ဘူ တာမြေများပေါ်ရှိ နေအိမ်အ ဆောက်အအုံ၊ ဆိုင်ခန်းများ ဖယ်ရှားပေးရန် အကြောင်းကြားထားပြီး ကျူးကျော်အိမ်ခြေနှင့် အဆောက်အအုံ စာရင်းများကို လိုက်လံ ကောက်ခံနေ ကြောင်း သတင်းရရှိသည်။
နယ်မြေအလိုက် တိုင်းအရာရှိများနှင့် သက်ဆိုင်ရာမြို့ နယ်ရဲတပ်ဖွဲ့၊ မြို့တော်စည်ပင် တို့က ကောက်ခံ နေပြီး တိုင်းဒေသ ကြီးအစိုးရ၏ ခွင့်ပြုချက်ဖြင့် အချိန်ပေးရှင်းလင်းသွားမည်ဖြစ် ကြောင်း မြန်မာ့မီးရထား တိုင်းမန် နေဂျာ ဗိုလ်မှူးစိုးမိုးအောင်က ပြောသည်။
‘‘မီးရထားနယ်မြေကို ဖွံ့ဖြိုး အောင်လုပ်တဲ့အခါ ငြိစွန်းနိုင်တဲ့ ကျူးကျော်တွေရဲ့ စာရင်းကို ကောက်တာပါ။ အနာဂတ်မှာ စီ မံကိန်းတွေအများရှိတဲ့အတွက် အခုကတည်းက ရှင်းလင်းနေ တာ’’ ဟု ၎င်းက ဆက်လက် ပြောသည်။
မီးရထားမြို့ပတ်လမ်းတစ် လျှောက်ဘူတာ ၂၀ ခန့်ရှိ ကျူး ကျော်အဆောက်အအုံများကို စာ ရင်းကောက်ခံနေပြီး နောက်ဆုံး ထားဖျက်သိမ်းပေးရမည့်နေ့ကို ထုတ်ပြန်သွားမည်ဖြစ်ကြောင်း ဗိုလ်မှူး စိုးမိုးအောင် ကပြော သည်။
မြန်မာ့မီးရထားပိုင်နက်မြေ ဘူတာအလိုက် ပေ ၇၀မှ ၃၅၀ အတွင်းရှိ မည်သည့်အဆောက် အအုံမဆို ဖျက်သိမ်းပေးရမည်ဖြစ် သည်။
‘‘ဖွံ့ဖြိုးအောင်လုပ်တဲ့အခါ မှာ အဲဒီဧရိယာမှာ ပါဝင်တဲ့ ကျူး ကျော်နေထိုင်သူတွေအပြင် အဆောက်အအုံ တွေ၊ ဘာသာရေး ဘုရားကျောင်း၊ စာသင်ကျောင်း၊ ကစားကွင်း၊ ဈေးတွေကို စာရင်းကောက်ပြီး သက်ဆိုင်ရာဌာနတွေ နဲ့ ညှိနှိုင်းပြီး စီမံချက်ရေးဆွဲနေ တယ်’’ဟု မြန်မာ့မီးရထားရန်ကုန် တိုင်းတာဝန်ခံက ပြောသည်။
ဥက္ကလာပဘူတာမှ မီးရထားပိုင်မြေပေါ်တွင် နှစ်ပေါင်း ၄၀ ခန့်နေထိုင်ခဲ့သူ ဦးငွေဦးက ‘‘စာရင်းကောက် သွားတယ်။ မြေ တိုင်းတယ်။ ဓာတ်ပုံတွေရိုက်သွား ပြီး ဖျက်ပေးရမယ်တဲ့။ ဦးတို့ ကိုး ကွယ်နေတဲ့ ဘုန်းကြီး ကျောင်း တောင် ဖျက်ရမှာ။ နေရာတော့ ပြန်ချပေးစေချင်တယ်။ အဝေး ကြီးလည်း မပြောင်းချင်ဘူး’’ဟု ဆိုသည်။ ကျူးကျော်အများစုကို မလွှကုန်း၊ ကြို့ကုန်း၊ ရွာသာကြီး ဘက်သို့ ရွှေ့ပြောင်းချထားပေး မည်ဟု သိထားကြောင်း နယ်ခံ အများစုက ပြောသည်။
ကျူးကျော်မြေများ ရှင်းလင်း ပြီးနောက် မြို့ပတ်ရထားလမ်း တစ်လျှောက်အန္တရာယ် ကင်းရှင်းစေရေး အတွက် အုတ်စည်းရိုး ကာရန်ငွေကျပ်သန်း ၆၀၀ အသုံးပြုသွားမည်ဖြစ်ကြောင်း မြန်မာ့မီးရထား မြို့ပြအင်ဂျင်နီယာဌာနမှ သိရသည်။
မြန်မာ့မီးရထားကို အဆင့် မြှင့်တင်ရာတွင် ရထားပြေးဆွဲမှု အမြန်နှုန်းမြင့်ခြင်း၊ ပြည်ပက ရထားများ အသုံးပြုပြေးဆွဲခြင်း၊ လမ်းချဲ့ခြင်းတို့အပြင် လျှပ်စစ် ရထားပြေးဆွဲနိုင်ရန် ထည့်သွင်းစဉ်းစားနေကြောင်း ဗိုလ်မှူး စိုးမိုးအောင်ကပြောသည်။
7Day DAILY
No comments:
Post a Comment