နိုင်ငံလုံးဆိုင်ရာ အပစ်အခတ်ရပ်စဲရေး လက်မှတ်ရေးထိုးပြီး နောက်ပြုလုပ်မည့် နိုင်ငံရေး ဆွေးနွေးနွေးပွဲ များတွင် အသုံးပြုမည့် မူဘောင်များချမှတ်နိုင်ရေးအတွက် အစိုးရ၊ တိုင်းရင်းသား လက်နက်ကိုင် များနှင့် နိုင်ငံရေး ပါတီများ ပါဝင်သော သုံးပွင့်ဆိုင် ဆွေးနွေးပွဲကို ထပ်မံပြုလုပ်ပေးရန် ဖက်ဒရယ်ဒီမိုကရေစီ မဟာမိတ် FDA က တောင်းဆိုလိုက်ကြောင်း အဆိုပါအဖွဲ့ဝင် အမျိုးသား ဒီမိုကရေစီ အင်အားစု NDF အဖွဲ့ဝင် ဦးခင်မောင်ဆွေက ပြောကြားသည်။
“အပစ်အခတ်ရပ်စဲရေး ညှိနှိုင်းပွဲ ပြီးမြောက်တာနဲ့ နိုင်ငံရေးဆွေးနွေးပွဲ မူဘောင်တွေကို ပိုမိုပွင့်လင်းမြင် သာစွာ အဖွဲ့အစည်း အသီးသီးက သိရှိနိုင်ဖို့ အစိုးရ၊ တိုင်းရင်းသား လက်နက်ကိုင်များနှင့် နိုင်ငံရေးပါတီများ ဒုတိယအကြိမ် သုံးပွင့်ဆိုင် တွေ့ဆုံပြီး သဘောထားရယူဖို့ တိုက်တွန်းတာပါ” ဟု ၎င်းကဆိုသည်။
အစိုးရနှင့် တိုင်းရင်းသား လက်နက်ကိုင်များအကြား နိုင်ငံလုံးဆိုင်ရာ အပစ်အခတ်ရပ်စဲရေး လက်မှတ်ရေး ထိုးရေးနှင့် နိုင်ငံရေးဆွေးနွေးပွဲ မူဘောင်များ ချမှတ်နိုင်ရေးကို တစ်ပြိုင်တည်း ပြုလုပ် ရန် နှစ်ဖက် အဖွဲ့အစည်းများက သဘောတူညီထားပြီး နိုင်ငံရေးဆွေးနွေးပွဲများ ပြုလုပ်နိုင်ရေးအတွက် အစိုးရ၊ တိုင်းရင်း သား လက်နက်ကိုင်များနှင့် နိုင်ငံရေးပါတီများ ပါဝင်သော သုံးပွင့်ဆိုင် ဆွေးနွေပွဲကို သြဂုတ်လ တတိယ ပတ်အတွင်း ပြုလုပ်ထားသည်။
အစိုးရနှင့် တိုင်းရင်းသား လက်နက်ကိုင်များအကြား နိုင်ငံလုံးဆိုင်ရာ အပစ် အခတ်ရပ်စဲရေး လက်မှတ်ရေး ထိုးပြီး နောက်တွင် ပြုလုပ် မည့် နိုင်ငံရေး ဆွေးနွေး ပွဲ များကို ၂၀၁၅ ခုနှစ် နှစ်ဆန်းပိုင်းတွင် စတင်ရန် အစိုးရက ဆန္ဒ ရှိကြောင်း ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယ ဥက္ကဋ္ဌ ဦးအောင်မင်းက သြဂုတ်လ တတိယပတ် အတွင်း ပြောကြားထားသည်။
The Voice Weekly
No comments:
Post a Comment