ဟားမတ် စစ်ခေါင်းဆောင်သုံးဦးရဲ့ ရုပ်အလောင်းတွေကို သယ်ဆောင်လာစဉ်။ (သြဂုတ် ၂၁၊ ၂၀၁၄)
ဂါဇာကမ်းမြောင်ဒေသ တောင်ပိုင်းမှာ အစ္စရေးလေကြောင်းတိုက်ခိုက်မှု တခုကြောင့် ဟားမတ်အဖွဲ့ရဲ့ အကြီးတန်းစစ်ခေါင်းဆောင် သုံးဦး သေဆုံးသွား ပါတယ်။ Rafah မြို့က လေးထပ်တိုက်အဆောက်အဦးကို ကြာသာပတေးနေ့က ဗုံးထိမှန်ပြီး အဲဒီမှာပဲ သူတို့ သေဆုံးသွားတာပါ။ အဲဒီ စစ်ခေါင်းဆောင်တွေကို နှစ် ၂၀ လောက် အစ္စရေးအပေါ် စစ်ဆင်ရေးတွေကို ဦးဆောင်ခဲ့သူတွေ ဖြစ်ပါတယ်။ အဲဒီ တိုက်ခိုက်မှု အတွင်းမှာ နောက်ထပ် လူသုံးဦးထက် မနည်းလည်း သေဆုံးခဲ့ တယ်လို့ အစ္စရေး တာဝန်ရှိသူတွေက ပြော ပါ တယ်။ သေဆုံးသူတွေဟာ Mohammed Abu Shamaleh/ Raed al-Attar နဲ့ Mohammed Barhoum တို့ဖြစ်ကြတယ်လို့ ဟားမတ်အဖွဲ့ကလည်း အတည်ပြုခဲ့ပါတယ်။ အဲဒီသုံးဦးဟာဆိုရင် အစ္စရေးစစ်သားတွေ ကို သတ်ဖြတ်မှု၊ အစ္စရေးစစ်သား Gilad Shalit ကို ၂၀၀၆ ခုနှစ်တုန်းကက ပြန်ပေးဆွဲမှု စတဲ့ အစ္စရေး အပေါ် တိုက်ခိုက်မှုတွေမှာ တာဝန်ရှိသူတွေ ဖြစ်ကြတယ်လို့ အစ္စရေး ကာကွယ်ရေးဝန်ကြီး Moshe Yaalon က ပြောပါတယ်။
တနေ့တုန်းကလည်း အစ္စရေးလေကြောင်းတိုက်ခိုက်မှုတခုကြောင့် ဟားမတ်စစ်ခေါင်းဆောင် Mohammed Deif ရဲ့ဇနီးသည်နဲ့ မွေးကင်း ကလေးငယ်တို့ သေဆုံးသွားပါတယ်။ Deif ကတော့ အဲဒီအချိန် တိုက်ခိုက် ခံရတဲ့နေရာမှာမရှိလို့ အသက်ရှင်လွတ်မြောက်ခဲ့ပါတယ်။
ဗွီအိုအေ (မြန်မာပိုင်း)
No comments:
Post a Comment