ဓမ္မစေတီခေါင်းလောင်းတွေ့ပြီဟု သတင်းများထွက်ပေါ်နေ၍ ကမ်းစပ်တွင်စောင့်ကြည့်နေသူများကို သြဂုတ် ၂၆ ရက်က တွေ့ရစဉ် (ဓာတ်ပုံ − နစ်ကီ)
ဓမ္မစေတီခေါင်းလောင်းကိုဆယ်ယူရန် သတ်မှတ်ထား သော နောက်ဆုံးနေ့ တွင် ခေါင်း လောင်းကြီးတွေ့ ရှိပြီဖြစ်ကြောင်း ဦးဆောင်ရှာဖွေသူ ဦးစံလင်း က ပြောကြားလိုက်သည်။
၎င်း၏ပြောကြားချက်ကို ပြန်ကြားရေးအဖွဲ့က ထုတ်ပြန်ခဲ့ခြင်း ဖြစ်သည်။
နဂါးများမှာ အကြီးဆုံးရွှေ ရောင်နဂါးမင်းကြီးနှင့်တကွ နဂါး အပေါင်းတို့က ဓမ္မစေတီခေါင်း လောင်းတော် ကြီးကို အကြီးအကျယ်ဆုံး ခမ်းခမ်းနားနား ဆီမီးပူဇော်နေသည့် အတွက်ကြောင့် သတ်မှတ်ရက်နေ့ကို သတင်း ထုတ်ပြန်ရန် နောက်ကျနေခြင်း ဖြစ်ပါကြောင်း ဦးစံလင်းက ဖုန်းမှတစ်ဆင့် ပြန်ကြားရေးအဖွဲ့ သို့ ပြောသည်။
‘‘တွေ့တယ်ဆို ဘယ်လို တွေ့လဲ၊ ပြနိုင်လား။ ပြည်သူလူထုကို လှည့်စားရင်တော့ မကောင်းဘူး။ ပြည် သူတွေ အညာ မခံရဖို့ လိုတယ်။ အစိုးရမှာလည်း တာဝန်ရှိတယ်’’ဟု မွန်သမိုင်း သုတေသနအသင်း တွဲဖက်အတွင်းရေးမှူး နိုင်ရဲဇော်က ဆိုသည်။
မွန်ဓမ္မစေတီခေါင်းလောင်း နှင့် နဂါးမင်း မပတ်သက်နိုင်ဘဲ နဂါးမင်း ပူဇော်သည်ဆိုသည်ကို အယုံအကြည် မရှိကြောင်း၊ မွန်ရိုးရာနတ်များတွင်လည်း နဂါးမရှိကြောင်း၊ ဓမ္မစေတီခေါင်းလောင်းကို ဆယ်ယူနိုင်ခဲ့လျှင် လည်း ဦးစံလင်း သည် ယခင်က အကြိမ်ကြိမ် ဆယ်ယူခဲ့သူဖြစ်သဖြင့် တည်နေရာကို သိရှိနေခြ င်းကြောင့်သာ ဖြစ်နိုင်ကြောင်း ဓမ္မစေတီခေါင်းလောင်းနှင့် ပတ်သက်၍ လေ့လာသုံးသပ်သူ အချို့က ဆိုသည်။
‘‘ခေါင်းလောင်းအသေးတစ် လုံးတွေ့ရင်တော့ ဇာတ်ကွက်ပဲ၊ သမိုင်းစာအုပ်တွေထဲမှာ ခေါင်း လောင်း အသေး တစ်လုံးမြုပ်တယ် ဆိုတာ မရှိဘူး။ ပုရပိုက်သေတ္တာ တွေ့တယ်ဆိုရင်လည်း လှည့်စားမှု သက်သက်ပဲ’’ဟု မွန်သမိုင်းသု တေသနအသင်း တွဲဖက်အတွင်း ရေးမှူး နိုင်ရဲဇော်က ဆိုသည်။
ခေါင်းလောင်း ရှာဖွေရေး အတွက် စေတနာထားကြသော ရဟန်းရှင်လူပြည်သူများနှင့် အလှူရှင်များ ကို ကျေးဇူး အထူးတင်ရှိပြီး သတင်းထုတ်ပြန်ရန် နောက်ကျခြင်းကို နားလည်ပေးကြပါရန် တောင်းပန်အပ် ပါသည်ဟု ထုတ် ပြန်ချက်တွင်ပါရှိသည်။ ခေါင်း လောင်းကြီးကို မကြာမီကုန်းပေါ်သို့ အရောက်ဆောင်ရွက် သွား မည်ဟု ဦးစံလင်းက ဆိုသည်။
ဦးစံလင်းက ဓမ္မစေတီခေါင်းလောင်းကို ကုန်းပေါ်သို့တင်မည် ဟု ပြောထားသော နောက်ဆုံးရက်ဖြစ်သည့် သြဂုတ် ၂၆ ရက်တွင် ခေါင်းလောင်း ရှာဖွေနေမှုကို လာ ရောက်ကြည့်ရှုသူ များပြားခဲ့သည်။ ထိုနေ့၌ပင် ဦးစံလင်းက တွေ့ရှိပြီဟု အတိအလင်း ပြောကြားလိုက်ခြင်းကြောင့် နောက်ရက်များ၌ ကမ်းစပ်တွင် လူပိုမိုများလာနိုင်ပြီး လာရောက်ကြည့်ရှုသူများ အန္တရာယ်မဖြစ်ရန်အုပ်ချုပ်ရေးပိုင်းက ပိုမိုလုပ်ဆောင်ရန် လိုအပ်နေသည်။
ခေါင်းလောင်း ရှာဖွေရေး အဖွဲ့ နေထိုင်သည့် သုံးထပ် သင်္ဘောနှင့် လုပ်ငန်းခွင် ၀င်နေ သော သောင်တူး သင်္ဘောတို့ ပိုမို နီးကပ်လာသည်ကို တွေ့ရပြီး သင်္ဘောနှစ်စီး နီးကပ်သွားခြင်းမှာ ခေါင်းလောင်း ရှာတွေ့သော ကြောင့်ဟု လာရောက်ကြည့်သူများက ထင်မြင်နေကြသည်။
သြဂုတ် ၂၆ ရက်က ဓမ္မစေတီခေါင်းလောင်း ရှာဖွေနေ သော သောင်တူးစက်အနားသို့ စက်သမ္ဗန်များဖြင့် သွားရောက်ကြည့်ရှုသူများကို အနီးကပ်ခွင့်မပေးဘဲ ရေကြောင်းရဲများက တားမြစ်ထားကြောင်း သိရသည်။
7Day DAILY
No comments:
Post a Comment