အပစ်ရပ်မူကြမ်း အပြီးသတ်နိုင်ရန် အစိုးရနှင့် တပ်မတော်ညှိနှိုင်းရန်သာ ကျန်ရှိတော့

 

ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် တစ်နိုင်ငံလုံး အပစ်အခတ်ရပ်စဲရေး ဆိုင်ရာညှိနှိုင်းရေးအဖွဲ (NCCT)တို့ မြန်မာငြိမ်းချမ်းရေးစင်တာ (MPC) ဩဂုတ်လ ၁၅ ရက် တွေ့ ဆုံဆွေးနွေး ပွဲ တွင် ပြည်ထောင်စု ငြိမ်းချမ်းရေးဖော်ဆောင်ရေး ဗဟိုကော်မတီဝင် ဒုတိယဗိုလ်ချုပ်ကြီး သက်နိုင်ဝင်းမှ ဆွေးနွေးစဉ်။ ဓာတ်ပုံ-ဘိုဘို
နိုင်ငံလုံးဆိုင်ရာ ငြိမ်းချမ်းရေးနှင့် အပစ်အခတ်ရပ်စဲရေးမူကြမ်းတွင် ကျန်ရှိနေသည့် အချက်များမှာ အစိုးရနှင့် တပ်မတော်အကြား ညှိနှိုင်းရန်သာ ကျန်ရှိနေခြင်းဖြစ်သည်ဟု တစ်နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ NCCTမှ ဗိုလ်မှူးကြီးခွန်ဥက္ကာက သြဂုတ် ၂၀ ရက်တွင် ပြောသည်။

အပစ်ရပ်ပြီးနောက် နိုင်ငံရေးဆွေးနွေးပွဲကျင်းပရာတွင် ပါဝင်ဆွေးနွေးမည့် အစုအဖွဲ့နေရာ၌ NCCT မှ သုံးပွင့်ဆိုင် (အစိုးရ၊ တိုင်းရင်းသားလက်နက်ကိုင်၊ နိုင်ငံရေးပါတီ) နှင့် အစိုးရဘက်မှ ငါးပွင့်ဆိုင် (အစိုးရ၊ လွှတ်တော်၊ တပ်မတော်၊ တိုင်းရင်းသားလက်နက်ကိုင်၊ နိုင်ငံရေးပါတီ)ဟူ၍ သဘောထား ကွဲပြားနေခြ င်း ဖြစ် သည်။

ထိုကွဲပြားမှုမှာ အပစ်ရပ်မူကြမ်း အချောသတ်ရန် ကျန်ရှိနေသည့် အချက်အချို့မှ တစ်ချက်ဖြစ်သည်။

ဗိုလ်မှူးကြီး ခွန်ဥက္ကာက “တိုင်းရင်းသားတွေဘက်က မပြေလည်တာ မရှိတော့ဘူး။ လိုင်ဇာကတည်းက အကုန်ညှိပြီးသား။ အခုက အစိုးရနဲ့ တပ်မတော်အကြား ဘယ်လောက်ဖြေလျှော့မလဲ၊ ဘယ်လောက်  နားလည် မလဲ ဆိုတာပဲ ကျန်တယ်” ဟု ပြောသည်။

NCCT သည် သုံးပွင့်ဆိုင်နေရာတွင် နိုင်ငံတော်အစိုးရ ကိုယ်စားလှယ်အဖွဲ့ဟု စကားလုံးသုံးနှုန်းကာ ထိုထဲတွင် လက်ရှိ အစိုးရအဖွဲ့၊ တပ်မတော်နှင့် လွှတ်တော်ဟု ထည့်သွင်းထားသည်။ ထိုအချက်နှင့် ပတ်သက်၍ တပ်မတော်ဘက်က သီးခြားအစုအနေဖြင့် ပါဝင်လိုခြင်းဖြစ်သဖြင့် အစိုးရနှင့် တပ်မတော် အကြား ညှိနှိုင်းရမည့်ကိစ္စရပ်သာဖြစ်သည်ဟု ခွန်ဥက္ကာက ပြောသည်။

အစိုးရနှင့် တပ်မတော်က ယင်းအစုအဖွဲ့ သတ်မှတ်ရေးအချက်နှင့် ပတ်သက်၍ အလျှော့မပေးလိုသည့် ပုံရှိ ပြီး၊ တပ်မတော်ကမူ သီးသန့်ရပ်တည်လိုသည့် အနေအထားကို ဖော်ပြပြောဆိုနေသည်ဟု NCCT ခေါ င်းဆော င် နိုင်ဟံသာက သြဂုတ် ၁၇ ရက်တွင် မဇိ်္ဈမကို ပြောဆိုထားသည်။

ကျန်ရှိသည့်အချက်များမှာ အပစ်ရပ်ပြီးနောက်နှင့် နိုင်ငံရေးဆွေးနွေးပွဲမှ ဆုံးဖြတ်ချက်များမချမီ ကြားကာလ တွင် တပ်နေရာချထားရေး ကိစ္စများ၊ ပြန်လည် မပစ်ခတ်စေရန် စည်းကမ်းချမှတ်ခြင်းများနှင့် စောင့် ကြည့် ကော် မတီဖွဲ့စည်းခြင်း ကိစ္စရပ်များ၊ အပစ်ရပ်ရေး သဘောတူညီမှုတွင် မည်သူတို့ပါဝင်မည်ကို သတ် မှတ်ရေးနှင့် အပစ်ရပ်ပြီးနောက် ကျင်းပမည့် နိုင်ငံရေးဆွေးနွေးပွဲတွင် ပါဝင်မည့် အစုအဖွဲ့ သတ်မှတ်ရေး တို့ဖြစ်သည်။

အပစ်ရပ်မူကြမ်းမှာ အချောသတ်နိုင်ရန် ၉၅ ရာခိုင်နှုန်းခန့် ပြီးစီးနေပြီဖြစ်သည်။ ညှိနှိုင်းရန် ကျန်ရှိနေသည့် အချက်များကို စက်တင်ဘာတွင် ဆက်လက်ဆွေးနွေးမည်ဖြစ်သည်။

Mizzima - News in Burmese