ရွှေ့ပြောင်းအလုပ်သမားများကို အဖမ်းအဆီး ကြမ်းနေသည့် ထိုင်းနိုင်ငံတွင် အထောက်အထား အပြည့်အစုံ ရှိသော်လည်း ဖမ်းဆီးခံရပါက မြန်မာအလုပ်သမား သံအရာရှိကို ဆက်သွယ် အကူအညီ တောင်းနိုင် ကြောင်း ထိုင်းနိုင်ငံဆိုင်ရာ မြန်မာသံရုံးက ဇွန်လ ၁၆ ရက်နေ့တွင် သတင်းထုတ်ပြန်သည်။
နိုင်ငံကူးလက်မှတ်၊ အလုပ်လုပ်ခွင့် ပါမစ် စသည့် အထောက်အထား အပြည့်အစုံ ရှိသော်လည်း ဖမ်းဆီးခံရပါက တယ်လီဖုန်း ၀၈၆-၇၇၇၆၈၂၅၊ ၀၈၅-၉၈၁၂၁၇၅၊ ၀၉၁- ၅၃၇၀၀၁၈ နှင့် ၀၈၃- ၅၄၄၆၄၄၂ တို့ထံ ဆက်သွယ်၍ အလုပ်သမား သံအရာရှိကို ဆက်သွယ် အကူအညီတောင်းနိုင်ပြီး နေ့ညမရွေး အကူအညီပေးသွားမည် ဖြစ်ကြောင်း ယင်းထုတ်ပြန်ချက်တွင် ပါရှိသည်။
ထိုင်းနိုင်ငံတွင် ဇွန်လ ၃ ရက်ခန့်မှ စတင်ကာ မဲဆောက်၊ ချင်းမိုင်၊ ချင်းရိုင်၊ ရနောင်းတွင် စတင်၍ စစ်တပ်နှင့် ရဲပူးပေါင်းကာ ဖမ်းဆီးခဲ့ပြီး ယခု ဘန်ကောက်မြို့တော် အနီးဝန်းကျင်၌လည်း ဖမ်းဆီးနေပြီ ဖြစ်ကြောင်း၊ ဖမ်းဆီးခံရသူများအနက် တရားဝင် အထောက်အထား ရှိသူများပါ ပါဝင်နေကြောင်း ထိုင်းရောက် မြန်မာလုပ်သားများထံမှ သိရှိသည်။
ထိုင်းနိုင်ငံအခြေစိုက် ရွှေ့ပြောင်းအလုပ်သမားများအတွက် အခွင့်အရေးကွန်ရက် (MWRN) က ရရှိသည့် စာရင်းများအရ မဲဆောက်တွင် မြန်မာအလုပ်သမား တစ်သောင်းဝန်းကျင်၊ ချင်းမိုင်တွင် ထောင်ဂဏန်းဝန်းကျင် ဖမ်းဆီးခံထားရပြီ ဖြစ်ကြောင်း ယင်းကွန်ရက် ဥက္ကဋ္ဌဖြစ်သူ ဦးအောင်ကျော်က ပြောဆိုထားသည်။
The Voice Weekly
No comments:
Post a Comment