မျိုးဆက်သစ် networking နည်းပညာဖြစ်သော 5G ဖွံ့ဖြိုးတက်မှုအပေါ် အာရုံစိုက် လုပ်ဆောင်ရန်အတွက် ဥရောပသမဂ္ဂနှင့် တောင်ကိုရီးယားတို့ ပူးတွဲဆောင်ရွက်မည်ဟု Wall Street Journal က ဖော်ပြခဲ့သည်။
တောင်ကိုရီးယားနှင့် ဥရောပသမဂ္ဂသည် 5G စနစ် ဖွံ့ဖြိုးတိုးတက်မှုအတွက် ပူးတွဲ သုတေသနအဖွဲ့တစ်ခုကို တည်ဆောက်သွားမည် ဖြစ်ပြီး ၎င်းအဖွဲ့သည် 5G နည်းပညာကို အနာဂတ်တွင် ထောက်ပံ့ပေးနိုင်ရန် အတွက် နည်းပညာစံသတ်မှတ်ချက်များနှင့် ရေဒီယိုလှိုင်းနှုန်း ပြင်ဆင်ခြင်းတို့ကို ဖန်တီးပေးနိုင်မည် ဖြစ်သည်။
အဆိုပါ ပူးပေါင်းဆောင်ရွက်မှုကို ဥရောပ၏ 5G PPP နှင့် တောင်ကိုရီးယား 5G Forum အဖွဲ့နှစ်ခုက စီမံဆောင်ရွက်ခြင်း ဖြစ်သည်။
ဥရောပသမဂ္ဂ၏ အဆိုအရ တစ်နာရီစာ ကြာမြင့်သည့် high-definition ရုပ်ရှင်တစ်ခုကို 4G ကွန်ရက်များပေါ်မှ download ပြုလုပ်ရာတွင် ၆ မိနစ်ခန့် ကြာမြင့်မည် ဖြစ်သော်လည်း 5G နည်းပညာဖြင့် download ပြုလုပ်ရာတွင် ၆ စက္ကန့်သာ ကြာမြင့်မည်ဟု သိရသည်။ အဆိုပါ 5G နည်းပညာ၏ အမြန်နှုန်းသည် 1Gbps အထိ ရှိလာရန် မျှော်မှန်းထားပြီး မိုဘိုင်း 3D ပုံရိပ်များ၊ Ultra-HD နှင့် နောက်ဆုံးပေါ် အဆင့်မြှင့် လူမှုရေးကွန်ရက် ဝန်ဆောင်မှုများကို အထောက်အပံ့ပေးနိုင်မည်ဟု ဆိုသည်။
လက်ရှိတွင် LTE ကို အသုံးပြုသည့် နိုင်ငံ ၇၆ နိုင်ငံရှိကြောင်း၊ သို့သော်လည်း ကွန်ရက်လွှမ်းခြုံမှုနှင့် သုံးစွဲသူ၏ အတွေ့အကြုံတို့မှာ ကွာခြားကြောင်း ၂၀၁၄ ခုနှစ် ဖေဖော်ဝါရီလက OpenSignal မှ ထုတ်ပြန်ခဲ့သည့် ကွန်ရက်စောင့်ကြည့်မှု အစီရင်ခံစာတွင် ဖော်ပြခဲ့သည်။
တောင်ကိုရီးယား အစိုးရသည် 5G ကွန်ရက်နည်းပညာ မိတ်ဆက်ပေးရန် စီစဉ်နေကြောင်းနှင့် ၎င်း နည်းပညာ ကို ၂၀၂၀ ခုနှစ် ဒီဇင်ဘာလတွင် စတင်အသုံးပြုရန် အသင့်ရှိနေမည်ဟု မျှော်လင့်ထားကြောင်း ပြီးခဲ့သည့် ဇန်နဝါရီလက ပြောကြားခဲ့သည်။ ထို့အပြင် Samsung နှင့် LG ကဲ့သို့သော နည်းပညာ ကုမ္ပဏီများ အပါအဝင် ပြည်တွင်း ကုမ္ပဏီများကလည်း အစိုးရနှင့် ဆွေးနွေးခဲ့ပြီး ၂၀၂၀ ခုနှစ်တွင် 5G အသုံးပြုနိုင်ရန် အမေရိကန်ဒေါ်လာ ၁.၄၉ ဘီလီယံ ရင်းနှီးမြှုပ်နှံဖွယ်ရှိကြောင်း သိရသည်။
Ref: ZDNet
7Day DAILY
No comments:
Post a Comment