အိန္ဒိယဝန်ကြီးချုပ် မန်မိုဟန်ဆင်းသည် စက်တင်ဘာလတွင် အမေရိကန်နိုင်ငံသို့ အလည်အပတ်ခရီး သွားရောက်၍ အမေရိကန်သမ္မတ ဘားရက်အိုဘားမားနှင့် တွေ့ဆုံကာ နှစ်နိုင်ငံဆက်ဆံရေးတိုးမြှင့်ရေး ဆိုင်ရာများဆွေး နွေသွားမည် ဖြစ်ကြောင်း ဒေသတွင်းမီဒီယာတစ်ခုက ဇွန် ၂၅ ရက်တွင် ပြောကြားခဲ့သည်။
ဆင်း၏ ခရီးစဉ်သည် ဇူလိုင်လတွင် လာရောက်မည့် အမေရိကန် ဒုတိယ သမ္မတ ဂျိုးဘီဒင်၏ အိန္ဒိယနိုင်ငံ ခရီးစဉ် ပြီးနောက် သွားရောက်မည် ဖြစ်ကြောင်း သိရသည်။
ဆင်းအား အမေရိကန် နိုင်ငံသို့ လာရောက် လည်ပတ်ရန် အတွက် အမေရိကန် သမ္မတက အမေရိကန် ဒုတိယ နိုင်ငံခြားရေး ဝန်ကြီး ဝီလျံဘန်းမှ တစ်ဆင့် ဖိတ်ကြားခဲ့ခြင်း ဖြစ်သည်။
မြ၀တီ
No comments:
Post a Comment