ရွှေနိုင်ငံ

Monday, 5 May 2014

KNU ဒုဥက္ကဋ္ဌနှင့် ရန်ကုန် ကရင်လူထု မေလ ၇ ရက်နေ့ တွေ့မည်

Photo: KNU ဒုဥက္ကဋ္ဌနှင့် ရန်ကုန် ကရင်လူထု မေလ ၇ ရက်နေ့ တွေ့မည်
Monday, May 5, 2014

ကရင်အမျိုးသား အစည်းအရုံး (KNU) ဒုတိယဥက္ကဋ္ဌ ပဒိုနော်စီဖိုးရာစိန်နှင့် ရန်ကုန်မြို့နေ ကရင်လူထုများ တွေ့ဆုံပွဲကို မေလ ၇ ရက်နေ့တွင် မြန်မာကွန်ဗင်းရှင်းစင်တာ (MCC) ခန်းမတွင် ပြုလုပ်မည် ဖြစ်ကြောင်း ကရင်အမျိုးသမီး ဖွံ့ဖြိုးတိုးတက်ရေးအဖွဲ့ (KWEG) မှ ဒေါ်စူစန်နာလှလှစိုးက ပြောကြားသည်။

ပဒိုနော်စီဖိုးရာစိန် ဦးဆောင်သော KNU ကိုယ်စားလှယ်အဖွဲ့သည် မေလ ၂ ရက်နေ့မှ စတင်၍ ဧရာဝတီတိုင်းဒေသကြီး အတွင်းရှိ ပန်းတနော်၊ ပုသိမ်စသည့် ဒေသများမှ ကရင်တိုင်းရင်းသားများနှင့် တွေ့ဆုံပွဲများ၊ ကရင်စည်းလုံးညီညွတ်ရေးနှင့် ငြိမ်းချမ်းရေးကောင်စီ (KUPC) အစည်းအဝေးများ ပြုလုပ်ခဲ့ကြောင်း ၎င်းက ထပ်လောင်း ပြောကြားသည်။
“ရန်ကုန်မှာ အခြားနိုင်ငံရေးပါတီနဲ့ တိုင်းရင်းသား ခေါင်းဆောင်တွေကိုလည်း တွေ့ဖို့ရှိတယ်။ အချိန်အတိအကျတော့ မသိရသေးပါဘူး” ဟု ဒေါ်စူစန်နာလှလှစိုးက ဆိုသည်။

KNU ဥက္ကဋ္ဌ ဗိုလ်ချုပ်ကြီး စောမူတူးစေးဖိုး ဦးဆောင်သော ကိုယ်စားလှယ် အဖွဲ့သည်လည်း မတ်လဆန်းပိုင်းတွင် ရန်ကုန်မြို့နေ ကရင်တိုင်းရင်းသား လူထုများနှင့် MCC ခန်းမ၌ပင် တွေ့ဆုံခဲ့ပြီး ငြိမ်းချမ်းရေး လုပ်ငန်းစဉ်ကို အသေးစိတ် ရှင်းပြခဲ့ကြောင်း KNU ထံမှ သိရသည်။

ဧရာဝတီတိုင်းဒေသကြီးတွင် ကရင်အမျိုးသားအစည်းအရုံး (KNU) ကို ထောက်ခံသူ အများအပြား နေထိုင်ပြီး ၂၀၀၈ ခုနှစ်တွင် လုပ်ကြံခံခဲ့ရသော KNU အထွေထွေအတွင်းရေးမှူး ပဒိုမန်းရှာနှင့် လက်ရှိ ဗဟိုကော်မတီဝင် ပဒိုမန်းငြိမ်းမောင်တို့မှာ ပန်းတနော် ဇာတိဖြစ်ကြောင်း KNU ခေါင်းဆောင်များက ဆိုသည်။

တစ်နိုင်ငံလုံး အပစ်အခတ်ရပ်စဲရေးအတွက် အစိုးရနှင့် ယုံကြည်မှု ကောင်းစွာ တည်ဆောက်ထားနိုင်သော KNU အဖွဲ့ ဥက္ကဋ္ဌ ဗိုလ်ချုပ်ကြီး မူတူးစေးဖိုးသည်လည်း ဧပြီလအတွင်း “ဝ” နှင့် မိုင်းလားကဲ့သို့သော တိုင်းရင်းသား လက်နက်ကိုင် တပ်ပေါင်းစုတွင် မပါဝင်သည့် လက်နက်ကိုင် အဖွဲ့များကို သွားရောက်တွေ့ဆုံပြီး ငြိမ်းချမ်းရေး လုပ်ငန်းစဉ်များ ဆွေးနွေးခဲ့သည်။

The Voice Weekly

ကရင်အမျိုးသား အစည်းအရုံး (KNU) ဒုတိယဥက္ကဋ္ဌ ပဒိုနော်စီဖိုးရာစိန်နှင့် ရန်ကုန်မြို့နေ ကရင်လူထု များ တွေ့ဆုံပွဲကို မေလ ၇ ရက်နေ့တွင် မြန်မာကွန်ဗင်းရှင်းစင်တာ (MCC) ခန်းမတွင် ပြုလုပ်မည် ဖြစ်ေ ကြာင်း ကရင်အမျိုးသမီး ဖွံ့ဖြိုးတိုးတက်ရေးအဖွဲ့ (KWEG) မှ ဒေါ်စူစန်နာလှလှစိုး က ပြော ကြား သည်။

ဆက်လက်ဖတ်ရှုပါရန် »

ကွန်ပျူတာနှင့် နည်းပညာ တက္ကသိုလ် ၁၀ ခု နီးပါး လာမည့် ပညာသင်နှစ်တွင် ပေါင်းစည်း ဖွင့်လှစ်မည်

Photo: ကွန်ပျူတာနှင့် နည်းပညာ တက္ကသိုလ် ၁၀ ခု နီးပါး လာမည့် ပညာသင်နှစ်တွင် ပေါင်းစည်း ဖွင့်လှစ်မည်
Monday, May 5, 2014

တိုင်းဒေသကြီးနှင့် ပြည်နယ်အချို့မှ ကျောင်းသားဦးရေ နည်းပါးသော ကွန်ပျူတာ တက္ကသိုလ်နှင့် နည်းပညာတက္ကသိုလ် ၁၀ ခု နီးပါးကို ၂၀၁၄-၂၀၁၅ ပညာသင်နှစ်တွင် ကျောင်းအဆောက်အအုံ ပေါင်းစည်း ဖွင့်လှစ်သွားမည် ဖြစ်ကြောင်း သိပ္ပံနှင့်နည်းပညာ ဝန်ကြီးဌာန စက်မှုနှင့် သက်မွေးပညာ ဦးစီးဌာန ညွှန်ကြားရေးမှူးချုပ် ဒေါက်တာဇော်ဝင်းက The Voice သို့ ပြောကြားသည်။

သိပ္ပံနှင့်နည်းပညာ ဝန်ကြီးဌာန လက်အောက်ရှိ ယင်းတက္ကသိုလ်များကို အဆောက်အအုံ ပေါင်းပြီး လစ်လပ်သွားသော နေရာများတွင် အသက်မွေးဝမ်းကျောင်းပညာ သင်တန်းကျောင်းများ ဖွင့်လှစ်ရန် စီစဉ်နေကြောင်း သိပ္ပံနှင့်နည်းပညာ ဝန်ကြီးဌာန စက်မှုနှင့် သက်မွေးပညာ ဦးစီးဌာန ညွှန်ကြားရေးမှူးချုပ် ဦးဇော်ဝင်းက The Voice သို့ ပြောကြားသည်။

သိပ္ပံနှင့်နည်းပညာ ဝန်ကြီးဌာန လက်အောက် နည်းပညာတက္ကသိုလ် အချို့ကို အသက်မွေးဝမ်းကျောင်း သင်တန်းကျောင်းများ အဖြစ် ပြောင်းလဲဖွင့်လှစ်မည် ဖြစ်သောကြောင့် ယင်းကဲ့သို့ တက္ကသိုလ် ပေါင်း၍ ဖွင့်လှစ်ရန် စီစဉ်ခြင်းဖြစ်ကြောင်း ၎င်းက ရှင်းပြသည်။
“ကျောင်းတွေကို ဖျက်လိုက်မယ်လို့တော့ မဟုတ်ပါဘူး။ အဆောင်တစ်ခုမှာ တစ်ခြမ်းက ကွန်ပျူတာတက္ကသိုလ်၊ တစ်ခြမ်းက နည်းပညာတက္ကသိုလ် ထားမယ်ဆိုတဲ့ သဘောပါ” ဟု ၎င်းကဆိုသည်။

ထားဝယ်၊ ကျောက်ြဖူနှင့် သီလဝါတို့တွင် အကောင်အထည် ဖော်နေသော အထူးစီးပွားရေးဇုန်များ အတွင်း ဝင်ရောက်လာမည့် စက်ရုံအမျိုးအစားနှင့် လိုအပ်မည့် အလုပ်သမား အရေအတွက်ပေါ် မူတည်၍ အသက်မွေးဝမ်းကျောင်းပညာ ကျွမ်းကျင် အလုပ်သမားများ မွေးထုတ်ပေးခြင်း၊ ပြည်တွင်းပုဂ္ဂလိက လုပ်ငန်းရှင်များ တောင်းဆိုသော အသက်မွေးဝမ်းကျောင်း ပညာများကိုလည်း သင်ကြားပေးမည် ဖြစ်ကြောင်း ၎င်းက ပြောကြားသည်။
“အလုပ်အကိုင် အဆင်သင့်ဖြစ်အောင်၊ ချိတ်ဆက်မိအောင်၊ ဘယ်လို စက်ရုံတွေ ဝင်လာမလဲ၊ အလုပ်သမား ဘယ်လောက် လိုအပ်မလဲ ဆိုတာကို Data ကောက်နေတယ်” ဟု ၎င်းကဆိုသည်။

အဆိုပါ တက္ကသိုလ် နေရာများတွင် နိုင်ငံတော်အတွက် လိုအပ်လျက်ရှိသော အသက်မွေးဝမ်းကျောင်းပညာ သင်တန်းကျောင်းများအဖြစ် ဖွင့်လှစ်ရန် စီစဉ်ထားပြီး ကျွမ်းကျင်လုပ်သားများ မွေးထုတ်ပေးရန် ရည်ရွယ်ထားကြောင်း၊ သင်တန်း အမျိုးအစားအလိုက် သုံးလမှ ခြောက်လအထိ ကြာမြင့်ဖွယ်ရှိကြောင်း ၎င်းကပြောဆိုသည်။

တက္ကသိုလ်များ ပူးပေါင်းလိုက်၍ လစ်လပ်လာမည့် ကျောင်း ၁၀ ကျောင်းနှင့် အသုံးမပြုသည့် အဆောက်အအုံဟောင်း အချို့ကို ပြင်ဆင်၍ အသက်မွေးဝမ်းကျောင်းပညာ သင်တန်းကျောင်းများ ဖွင့်လှစ်မည် ဖြစ်သည့် အတွက် သင်တန်းကျောင်းပေါင်း ၂၀ ကျော်အထိ အကောင်အထည်ဖော်ရန် ခန့်မှန်းထားကြောင်း ၎င်းက ဆက်လက်ပြောကြားသည်။

“ပညာရှင်အဖွဲ့နဲ့ ဝန်ကြီးဌာန ထိပ်တိုက်တွေ့နေပြီ။ ပညာရှင်က ပိတ်ရမယ်။ ဝန်ကြီးဌာနကျတော့ ပြည်သူ့အသံ နားထောင်ပြီးမှ လုပ်မယ်ပြောတယ်” ဟု ရန်ကုန်တက္ကသိုလ် စိန်ရတုခန်းမတွင် အခြေစိုက်သော အသက်မွေးဝမ်းကျောင်း ပညာရေးဆိုင်ရာ လုပ်ငန်းအဖွဲ့ဝင် ဦးအောင်ဝင်းက The Voice သို့ ပြောဆိုသည်။

မြန်မာနိုင်ငံ၏ လုပ်သား လိုအပ်ချက်အရ အင်ဂျင်နီယာ ဘွဲ့ရများထက် ကျွမ်းကျင်ပညာရှင်များကိုသာ လိုအပ်လျက် ရှိကြောင်း၊ သိပ္ပံနှင့်နည်းပညာ ဝန်ကြီးဌာနက ဖွင့်လှစ်ထားသော နည်းပညာတက္ကသိုလ် အချို့တွင် ဆရာအရေအတွက် ရှားပါးခြင်း သို့မဟုတ် ကျောင်းသားနည်းပါးခြင်းတို့ ဖြစ်ပေါ်နေသည့် အတွက် ယင်းတက္ကသိုလ်များကို ပိတ်သိမ်းသင့်ကြောင်း ၎င်းက အကြံပြုသည်။

ဆောက်လုပ်ရေး လုပ်ငန်းများ ဆက်တိုက် လုပ်ဆောင်နေရချိန်တွင် အင်ဂျင်နီယာဘွဲ့ရများ များပြားနေပြီး ကျွမ်းကျင်အလုပ်သမား ရှားပါးလျက် ရှိကြောင်း ထားဝယ်မြို့ အခြေစိုက် ဆောက်လုပ်ရေး အင်ဂျင်နီယာတစ်ဦးက ဆိုသည်။

သိပ္ပံနှင့်နည်းပညာ ဝန်ကြီးဌာန လက်အောက်တွင် စက်မှုလက်မှု အထက်တန်းကျောင်း၊ ကောလိပ်နှင့် နည်းပညာတက္ကသိုလ် စုစုပေါင်း ၆၀ ကျော် ရှိကြောင်း ယင်းဝန်ကြီးဌာနက ထုတ်ပြန်ထားသည်။

တပ်မတော်အစိုးရ လက်ထက်တွင် နိုင်ငံအတွင်း နည်းပညာတက္ကသိုလ်၊ ကွန်ပျူတာ တက္ကသိုလ်၊ ဝိဇ္ဇာသိပ္ပံ တက္ကသိုလ်နှင့် စက်မှုဇုန်များ အထူးဖွံ့ဖြိုးရေးဇုန် ၂၄ ခု ချမှတ်ပြီး တက္ကသိုလ် အများအပြား ဖွင့်လှစ်ခဲ့သည်။

ယခင်က စက်မှုအထက်တန်းကျောင်း၊ အစိုးရစက်မှုလက်မှု သိပ္ပံများနှင့် နည်းပညာတက္ကသိုလ် အနည်းငယ်သာ ရှိပြီး သက်ဆိုင်ရာ နယ်ပယ်အလိုက် ကျွမ်းကျင်လုပ်သားများစွာ မွေးထုတ်ပေးခဲ့သည်။

ယင်းနောက် အစိုးရနည်းပညာ ကောလိပ်များကို ၁၉၉၉ ခုနှစ် ဝန်းကျင်တွင် တိုင်းနှင့်ပြည်နယ်အနှံ့ ဖွင့်လှစ်ခဲ့ပြီး ယင်းကောလိပ်များကို တက္ကသိုလ်အဖြစ် ၂၀၀၇ ခုနှစ်တွင် အဆင့်တိုးမြှင့် သတ်မှတ်ခဲ့သည်။

ယင်းကြောင့် နယ်ဒေသများရှိ နည်းပညာတက္ကသိုလ် အများစု၏ သက်တမ်းမှာ ခုနစ်နှစ် ဝန်းကျင်သာ ရှိသေးသည်။

The Voice Weekly

တိုင်းဒေသကြီးနှင့် ပြည်နယ်အချို့မှ ကျောင်းသားဦးရေ နည်းပါးသော ကွန်ပျူတာ တက္ကသိုလ်နှင့် နည်းပညာ တက္ကသိုလ် ၁၀ ခု နီးပါးကို ၂၀၁၄-၂၀၁၅ ပညာသင်နှစ်တွင် ကျောင်းအဆောက်အအုံ ပေါင်းစည်း ဖွင့်လှစ် သွားမည် ဖြစ်ကြောင်း သိပ္ပံနှင့်နည်းပညာ ဝန်ကြီးဌာန စက်မှုနှင့် သက်မွေးပညာ ဦးစီးဌာန ညွှန်ကြားရေး မှူးချုပ် ဒေါက်တာဇော်ဝင်းက The Voice သို့ ပြောကြားသည်။

ဆက်လက်ဖတ်ရှုပါရန် »

လိုင်စင်မရှိဘဲ ယာဉ်တိုက်မှု ဖြစ်ပါက ရာသက်ပန် လိုင်စင် ပိတ်သိမ်းမည်

မော်တော်ယာဉ် မတော်တဆမှု ဖြစ်သော ယာဉ်မောင်း အများစုမှာ တရားရုံး၌ ထွက်ဆိုရာတွင် လိုင်စင်မရှိဟုသာ ထွက်ဆိုမှု ပြုကြ၍ လိုင်စင်ရှိကြောင်း စစ်ဆေးတွေ့ရှိပါက ထောင်ဒဏ်အပြင် ရာသက်ပန် လိုင်စင် ပိတ်သိမ်း အရေးယူမည် ဖြစ်ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာန (ကညန) ထံမှ သိရသည်။

ဆက်လက်ဖတ်ရှုပါရန် »

ဘုရင့်နောင် ပဲဈေးကွက် ငွေကြေး သိန်းပေါင်းသောင်းချီ အရှုပ်တော်ပုံ ထပ်မံပေါ်ပေါက်

Photo: ဘုရင့်နောင် ပဲဈေးကွက် ငွေကြေး သိန်းပေါင်းသောင်းချီ အရှုပ်တော်ပုံ ထပ်မံပေါ်ပေါက်
Monday, May 5, 2014

မြန်မာနိုင်ငံ၏ အကြီးဆုံး လယ်ယာထွက်ကုန် ဈေးကွက်ဖြစ်သည့် ရန်ကုန်တိုင်းဒေသကြီး ဘုရင့်နောင် ပဲဈေးကွက်တွင် ကျပ်သိန်းပေါင်း သောင်းချီသော ငွေကြေး အရှုပ်အရှင်းတစ်ခု ထပ်မံဖြစ်ပေါ်လျက် ရှိကြောင်း ဘုရင့်နောင် ပဲဈေးကွက်အတွင်းမှ စုံစမ်းသိရှိရသည်။

အဆိုပါကိစ္စနှင့် ပတ်သက်၍ မေလ ၄ ရက်မှ စတင် ကိုင်တွယ်လျက် ရှိပြီး ပြဿနာ အားလုံးကို ပဲမျိုးစုံနှင့် နှမ်းလုပ်ငန်းရှင်များ အသင်းက ဖြေရှင်းပေးနိုင်လိမ့်မည် ဖြစ်ကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များ အသင်းမှ အကြီးတန်း တာဝန်ရှိသူတစ်ဦးက ပြောကြားသည်။

“ပြဿနာ ဖြစ်နေတာ ဟုတ်ပါတယ်။ ကျပ်သိန်းပေါင်း သိန်းချီ ဆိုတာတော့ မဟုတ်ပါဘူး။ ပမာဏက အဲလောက် မများဘူး။ အခု တွေ့ရသလောက်ပေါ့လေ။ ဖြစ်ရတဲ့ အကြောင်းကတော့ ပေးစရာ ရှိတာနဲ့ ရစရာ ရှိတာ မမျှတာပါ” ဟု အမည်မဖော်လိုသည့် အဆိုပါပုဂ္ဂိုလ်က ပြောကြားသည်။

ငွေကြေး အရှုပ်အရှင်းကို ဖြေရှင်းဆဲဖြစ်၍ ကုမ္ပဏီအမည်နှင့် ပိုင်ရှင်ကို ဖွင့်မပြောလိုသေးကြောင်း ၎င်းကဆိုသည်။

မြန်မာနိုင်ငံ ပဲမျိုးစုံနှင့် နှမ်းလုပ်ငန်းရှင်များအသင်း တာဝန်ရှိသူက ယင်းငွေကြေး ပြဿနာသည် ကျပ်သိန်းပေါင်း သောင်းချီ ဖြစ်သည်ဟု ဆိုသော်လည်း ဘုရင့်နောင် ပဲဈေးကွက်တွင်မူ ငွေကြေး ကျပ်သိန်းပေါင်း နှစ်သိန်းခန့် အရှုပ်အရှင်း ဖြစ်ပေါ်နေခြင်း ဖြစ်သည်ဟု ဘုရင့်နောင် ပဲလုပ်ငန်းရှင် အသိုင်းအဝန်းထံမှ သိရသည်။

“တို့စီးပွားရေး လောကကြီးကတော့ သွားပါပြီကွာ။ လူတွေက စီးပွားရေးတွေ ကျနေတဲ့အချိန်။ ဒီပိုက်ဆံတွေက နည်းတဲ့ပိုက်ဆံ မဟုတ်ဘူး။ အားလုံးကို အကျိုးသက်ရောက်မှု ရှိတယ်” ဟု ဘုရင့်နောင်အခြေစိုက် ပဲလုပ်ငန်းရှင်တစ်ဦးက ဆိုသည်။

ငွေကြေး အရှုပ်အရှင်း ဖြစ်ပေါ်သည့် ပုဂ္ဂိုလ်သည် ပြည်တွင်းပြည်ပ ကုမ္ပဏီများနှင့် ပေးရန်ရှိ၊ ရရန်ရှိ စာရင်းများကို မရှင်းနိုင်သောကြောင့် ၎င်း၏ ပစ္စည်းပိုင်ဆိုင်မှု စာရင်း၊ ရရန်ရှိနှင့် ပေးရန်ရှိ ငွေစာရင်းများကို စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနထံသို့ တင်ပြထားပြီး ရရန်ရှိ ငွေကြေးနှင့် ပေးရန်ရှိ ငွေကြေးတို့ မျှတပါက ပြဿနာ ပြေလည်မည် ဖြစ်ကြောင်း ပြည်ပပို့ ပဲလုပ်ငန်းရှင် ဒေါက်တာမြတ်စိုးက ပြောကြားသည်။

မြန်မာဘက်မှ ပဲကုမ္ပဏီတစ်ခုနှင့် ပြည်ပကုမ္ပဏီများ အကြား အမေရိကန်ဒေါ်လာ ၂ ဒသမ ၃ သန်းခန့် တန်ဖိုးရှိ ငွေကြေး အရှုပ်အရှင်း တစ်ခု ပြီးခဲ့သည့် ၂၀၁၄ ခုနှစ် ဇန်နဝါရီလ အတွင်းက ပေါ်ပေါက်ခဲ့ပြီး ပြည်ထောင်စု မြန်မာနိုင်ငံတော် ကုန်သည်များနှင့် စက်မှုလက်မှု လုပ်ငန်းရှင်မျာ အသင်းချုပ် (UMFCCI)၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် မြန်မာနိုင်ငံ ပဲမျိုးစုံနှင့် နှမ်းလုပ်ငန်းရှင်များ အသင်းတို့က ဝင်ရောက် ဖြေရှင်းပေးခဲ့ကြသည်။

မြန်မာ့ဆန်ဈေးကွက်သည် ထိန်းချုပ်မှုများသည့် ဈေးကွက်တစ်ခု ဖြစ်နေချိန်တွင် ငွေကြေးအရှုပ်အရှင်း မကြာခဏ ဖြစ်ပေါ်နေသော မြန်မာ့ပဲဈေးကွက်သည် အထိန်းအချုပ် ကင်းမဲ့သော ဈေးကွက် ဖြစ်လျက်ရှိကြောင်း ပြည်တွင်းကုန်သည်များက ဝေဖန်လျက် ရှိသည်။

The Voice Weekly

မြန်မာနိုင်ငံ၏ အကြီးဆုံး လယ်ယာထွက်ကုန် ဈေးကွက်ဖြစ်သည့် ရန်ကုန်တိုင်းဒေသကြီး ဘုရင့်နောင် ပဲဈေးကွက်တွင် ကျပ်သိန်းပေါင်း သောင်းချီသော ငွေကြေး အရှုပ်အရှင်းတစ်ခု ထပ်မံဖြစ်ပေါ်လျက် ရှိကြောင်း ဘုရင့်နောင် ပဲဈေးကွက်အတွင်းမှ စုံစမ်းသိရှိရသည်။

ဆက်လက်ဖတ်ရှုပါရန် »

ပဲကုမ္ပဏီတစ်ခု ငွေကြေးပြဿနာတက်၍ တာဝန်ရှိသူများကို အကူအညီတောင်း

Photo: ပဲကုမ္ပဏီတစ်ခု ငွေကြေးပြဿနာတက်၍ တာဝန်ရှိသူများကို အကူအညီတောင်း
Monday, May 5, 2014

မန္တလေးကုန်စည်ဒိုင်တွင် ရောင်းဝယ်နေသူများကို တွေ့ရစဉ်။ ရန်ကုန်ပဲဈေးကွက်တွင်ဖြစ်ပေါ်သော ငွေကြေးပြဿနာကြောင့် နိုင်ငံတစ်ဝန်းရှိ ပဲဈေးကွက်များအပေါ် ရိုက်ခတ်ခဲ့သည်။ (ဓာတ်ပုံ − ညီညီဇော်)
ပဲကုမ္ပဏီတစ်ခုက ပြည် တွင်း၊ ပြည်ပကုမ္ပဏီများနှင့် ကြို ပွိုင့်စနစ်ဖြင့် အရောင်းအ၀ယ် ပြုလုပ်ထားပြီး ဈေးနှုန်းများ မြင့် တက်သွားသဖြင့် မဖြေရှင်းနိုင် တော့သောကြောင့် ပဲအသင်း နှင့် တာဝန်ရှိသူများ ဖြေရှင်းပေးရန် အကူအညီတောင်းထားကြောင်း သတင်းရရှိသည်။

ရန်ကုန်အခြေစိုက် မိုးသက် ကုမ္ပဏီသည် ကြိုပွိုင့်စနစ်ဖြင့် ပဲ များကို ကျပ်သိန်းသောင်းချီ၍ အရောင်းအဝယ်ပြုလုပ်ထားချိန် တွင် ပဲဈေးနှုန်းများမှာ တစ်တန် လျှင် ကျပ်တစ်သိန်းနီးပါး မြင့် တက်သွားခဲ့ခြင်းကြောင့် ဆုံးရှုံးမှု များပြီး ပြဿနာများ ဖြစ်ပေါ်ခဲ့ရ ကြောင်း ပဲကုန်သည်များက ဆို သည်။

မိုးသက်ကုမ္ပဏီသည် ပြည် တွင်း ကုမ္ပဏီများနှင့်သာမက အိန္ဒိယ ပဲကုန်သည်များထံမှလည်း အိန္ဒိယဘဏ်မှတစ်ဆင့် ငွေများ ကြိုယူထားသည်များ ရှိသော ကြောင့် ပြည်ပကုမ္ပဏီများနှင့်ပါ ဖြေရှင်းပေးရန် လိုအပ်မည်ဖြစ် ကြောင်း ပဲအသင်းမှ တာဝန်ရှိသူ တစ်ဦးက ဆိုသည်။ သို့သော် ထူး ခြားမှုမှာ အဆိုပါ ကုမ္ပဏီသည် ငွေကြေးပြဿနာ ဖြစ်ပွားသော် လည်း ရှောင်တိမ်းမသွားဘဲ တာဝန်ရှိသူများကို ဆက်သွယ်အကူအညီ တောင်းခံခဲ့ခြင်းဖြစ်သည်။

ထို့ကြောင့် မြန်မာနိုင်ငံပဲမျိုး စုံနှင့် နှမ်းကုန်သည်များအသင်း က မိုးသက်ကုမ္ပဏီနှင့် အရောင်း အ၀ယ်ပြုလုပ်ထားပြီး ပေးရန်၊ ရရန်ရှိသော ပဲကုန်သည်များကို ပဲနှမ်းအသင်းသို့ ဆက်သွယ်ရန် မေလ ၄ ရက်တွင် ကြေညာချက် များ ထုတ်ပြန်ထားသည်။

‘‘သူတင်ပြထားတဲ့ စာရင်း အရဆိုရင်တော့ စာရင်းက သိပ် အများကြီး မကွာဘူးလို့တော့ သိ ရတယ်။ အသင်းရော၊ UMFCCI တို့၊ စီးပွားကူးသန်းတို့က တာဝန် ရှိသူတွေ အစည်းအဝေးထိုင်ပြီး ဒီကိစ္စကို ဖြေရှင်းပေးဖို့ လုပ်နေပါ တယ်’’ ဟု ပဲအသင်းမှ တာဝန်ရှိ သူတစ်ဦးက ပြောသည်။ အဆိုပါ ကုမ္ပဏီ၏ ဖုန်းသို့ မေလ ၄ ရက်တွင် 7Day Daily က ဆက်သွယ်ခဲ့ သော်လည်း ဖုန်းဆက်သွယ်၍ မရခဲ့ပေ။

‘‘တန်ချိန် သုံးသောင်း လောက်ရှိမယ်ထင်တယ်။ တစ် တန်ကို ဒေါ်လာတစ်ရာလောက် တက်သွားတော့ မရှင်းနိုင်ဖြစ် သွားတာထင်တယ်’’ ဟု ပဲကုန် သည်တစ်ဦးက ခန့်မှန်းပြောကြား သည်။

‘‘သူမနိုင်တော့လို့ ပဲနှမ်းအ သင်းကို ရှင်းခိုင်းတဲ့သဘောပါ’’ ဟု ဘုရင့်နောင်မှ ပဲကုန်သည် တစ်ဦးက ပြောသည်။

ပဲလောကတွင် ထိုကဲ့သို့ ငွေကြေး အရှုပ်အရှင်း ပြဿနာဖြစ်ပေါ်နေခြင်းကြောင့် အရောင်းအ၀ယ် နည်းသွားသဖြင့် ပဲဈေးနှုန်းများ ကျခဲ့ပြီး မတ်ပဲတစ်တန်လျှင် ကျပ်သုံးသောင်းခန့် ပြန်လည်ကျဆင်းသွားခဲ့ကြောင်း ပဲကုန်သည်များက ပြောသည်။

အဆိုပါသတင်းကြောင့် ပဲ ဈေးကွက်သည် ရန်ကုန်သာမက နယ်ဈေးကွက်ကိုပါ ရိုက်ခတ်သွား ပြီး အရောင်းအ၀ယ်နှင့် ဈေးနှုန်း များ ကျဆင်းသွားသည်။

‘‘မနေ့ကနဲ့ဒီနေ့ကို ပဲသုံး တင်းတစ်အိတ်ကို ရှစ်ထောင် လောက် ဈေးကျသွားတယ်(မတ်ပဲ)။ နောက်ပဲက ရန်ကုန်မှာ ရောင်းလို့ မရလို့ မန္တလေးကို ဆက်ရောင်းရတယ်’’ ဟု ပဲခူးတိုင်းဒေသကြီး ပဲကုန်သည် ကိုသိုက်စိုးက ပြောသည်။

‘‘အဲဒီသတင်းကြောင့် ပဲဈေး ကွက်က နည်းနည်းလန့်ပြီးတော့ မုံရွာဘက်မှာဆိုလည်း တစ်တင်း ကို ၅၀၀ လောက် (မတ်ပဲ) ကျ သွားတယ်’’ ဟု မုံရွာမြို့မှ ပဲပွဲစား တစ်ဦးက ဆိုသည်။

ပဲလောကတွင် ယခုကဲ့သို့ ငွေကြေးပြဿနာများဖြစ်ရခြင်း သည် ပြဿနာများဖြစ်ပေါ်တိုင်း ထိရောက်သော အရေးယူမှု မရှိ ဘဲ အသင်းနှင့် ကုန်စည်ဒိုင်တို့ကအသင်းဝင်များအဖြစ် ယာယီရပ် ဆိုင်းခြင်းနှင့် ရာသက်ပန်ထုတ် လိုက်ခြင်းကဲ့သို့ အရေးယူမှုများ သာ ရှိခဲ့သည့်အတွက် ယခုကဲ့သို့ အကြိမ်ကြိမ် ငွေကြေးပြဿနာ ဖြစ်ပေါ်နေရခြင်းဖြစ်ကြောင်း စီး ပွားရေးလုပ်ငန်းရှင်တစ်ဦးက သုံး သပ်ပြောသည်။

ပဲအရောင်းအ၀ယ်များ ပြု လုပ်ရာတွင် ကြိုရောင်း၊ ကြိုဝယ် စနစ်ဖြင့် မပြုလုပ်ကြရန် စီးပွား ရေးနှင့် ကူးသန်းရောင်းဝယ်ရေး ၀န်ကြီးဌာန၊ ပဲအသင်းနှင့် ကုန် စည်ဒိုင်တို့က နှစ်စဉ်ဆက်တိုက်ဆိုသလို ကြေညာချက်များ ထုတ်ပြန်ခဲ့ကြသည်။

သို့သော် အဆိုပါ ကြေညာ ချက်များ ထုတ်ပြန်ပါကလည်း တစ်ပတ်ခန့်သာ ညွှန်ကြားချက် လိုက်နာပြီး ကျန်အချိန်များတွင် ယခင်ဈေးကွက်အတိုင်း ပြန်လည် ရောင်းဝယ်မှုများ ပြုလုပ်ခဲ့ကြ သည်။

ပြီးခဲ့သည့် နှစ်ကုန်ပိုင်းက လည်း ပြည်တွင်းကုန်သည်တစ်ဦး က အိန္ဒိယကုန်သည်များထံမှ ငွေ ကြိုယူထားပြီး အချိန်မီ ပဲတင်ပို့နိုင် ခြင်းမရှိသောကြောင့် ပြည်ပကုန် သည်များက သမ္မတရုံးသို့ တိုင် ကြားစာများ တင်ပို့ခဲ့၍ ဖြေရှင်းမှု များ ပြုလုပ်ခဲ့ရသည်။

ပဲဈေးကွက်တွင် အကြီးဆုံး ငွေကြေးပြဿနာမှာ ၂၀၀၈ ခုနှစ် တွင် ပေါ်ပေါက်ခဲ့ပြီး ပဲကုန်သည် ကြီးရှစ်ဦးက ကျပ်ဘီလီယံပေါင်း များစွာ အရှုပ်အရှင်းလုပ်ခဲ့၍ ပဲ လောကမှာ လအတန်ကြာ ဈေး ကွက်ပျက်ခဲ့သည်။

7Day Daily

ပဲကုမ္ပဏီတစ်ခုက ပြည် တွင်း၊ ပြည်ပကုမ္ပဏီများနှင့် ကြို ပွိုင့်စနစ်ဖြင့် အရောင်းအ၀ယ် ပြုလုပ် ထား ပြီး ဈေးနှုန်း များ မြင့် တက်သွားသဖြင့် မဖြေရှင်းနိုင် တော့သောကြောင့် ပဲအသင်း နှင့် တာဝန်ရှိသူ များ ဖြေ ရှင်းပေးရန် အကူအညီတောင်းထားကြောင်း သတင်းရရှိသည်။

ဆက်လက်ဖတ်ရှုပါရန် »

မြန်မာအနေဖြင့် ဘင်္ဂလားဒေ့ရ်ှနှင့်ကုန်သွယ်မှုသာမက ရေကြောင်းကိစ္စ အဆက်အဆံများပါ မြှင့်တင်ဆောင်ရွက်ရန် ကြိုဆိုကြောင်းမြန်မာ ကာချုပ်(ရေ) ဘင်္ဂလားဒေ့ရ်ှဝန်ကြီးချုပ်ကို ပြောကြားခဲ့

Photo: မြန်မာအနေဖြင့် ဘင်္ဂလားဒေ့ရ်ှနှင့်ကုန်သွယ်မှုသာမက ရေကြောင်းကိစ္စ အဆက်အဆံများပါ မြှင့်တင်ဆောင်ရွက်ရန် ကြိုဆိုကြောင်းမြန်မာ ကာချုပ်(ရေ) ဘင်္ဂလားဒေ့ရ်ှဝန်ကြီးချုပ်ကို ပြောကြားခဲ့
Monday, May 5, 2014

PM-(1)_EDမြန်မာတပ်မတော်ကာကွယ်ရေးဦးစီးချုပ် (ရေ) ဗိုလ်ချုပ် သူရသက်ဆွေနှင့် ဘင်္ဂလားဒေ့ရ်ှဝန်ကြီးချုပ်ဟစီနာတို့ ဘင်္ဂလားဒေ့ရ်ှဝန်ကြီးချုပ်နေအိမ်တွင် တွေ့ဆုံခဲ့ပြီး ဘင်္ဂါလားပင်လယ်အော်အတွင်း ဖြစ်ပွားနေသည့် အငြင်းပွားမှုများ၊ လက်နက်နှင့် မူးယစ်ဆေးဝါးမှောင်ခိုမှုများနှင့် လူကုန်ကူးမှုကိစ္စများ တိုက်ဖျက်ရေးအတွက် ဆွေးနွေးခဲ့ကြကြောင်း ဘင်္ဂလားဒေ့ရ်ှအခြေဆိုက် bdnews24.com က တင်ပြထားသည်။

ဘင်္ဂလားဒေ့ရ်ှဝန်ကြီးချုပ်က ထိုကိစ္စများကို တိုက်ဖျက်ရာ၌ နိုင်ငံတနိုင်ငံတည်းက ဆောင်ရွက်၍မရဘဲ နှစ်နိုင်ငံ ပူးပေါင်းဆောင်ရွက်မှသာ အောင်မြင်နိုင်မည့်အကြောင်းကို ဦးစားပေး ဖော်ပြခဲ့ကြောင်း၊ ရေပိုင်နက်အငြင်းပွားမှုကိစ္စနှင့် ပတ်သတ်၍မူ နှစ်နိုင်ငံငြိမ်းချမ်းစွာ ဖြေရှင်းပြီးဖြစ်ကြောင်း ပြောဆိုခဲ့သည်ဟု ၀န်ကြီးချုပ်၏ အထူးလက်ထောက်ဖြစ်သူ ရှကီလ်က ပြောကြားခဲ့သည်။

ဗိုလ်ချုပ်သူရသက်ဆွေကမူ နှစ်နိုင်ငံပူးပေါင်းပြီး မှောင်ခိုမှုများသာမက သဘာဝဘေးအန္တရာယ်ကာကွယ်တားဆီးရေးတို့ကိုပါ ဆောင်ရွက်နိုင်ကြောင်း၊ အကယ်၍ နှစ်နိုင်ငံရည်ရွယ်ချက်တူညီစွာ လုပ်ကိုင်ပါက ဒေသတွင်း အနာဂတ်ပိုမိုကောင်းလွန်လာမည့်အကြောင်း၊ မြန်မာနိုင်ငံအနေဖြင့် ဘင်္ဂလားဒေ့ရ်ှနှင့် ကုန်သွယ်မှု စီးပွားရေးကဏ္ဍသာမက ရေကြောင်း ကိစ္စအဆက်အဆံတို့ကိုပါ တိုးမြှင့်ဆောင်ရွက်ဖို့ ကြိုဆိုပါကြောင်းဖြင့် ပြောကြားခဲ့သည်ဟု သိရသည်။

M-Media

PM-(1)_EDမြန်မာတပ်မတော်ကာကွယ်ရေးဦးစီးချုပ်(ရေ) ဗိုလ်ချုပ် သူရသက်ဆွေနှင့် ဘင်္ဂလားဒေ့ရှ် ၀န်ကြီး ချုပ် ဟစီနာတို့ ဘင်္ဂလားဒေ့ရ်ှဝန်ကြီးချုပ်နေအိမ်တွင် တွေ့ဆုံခဲ့ပြီး ဘင်္ဂါလားပင်လယ်အော် အ တွင်း ဖြစ် ပွားနေသည့် အငြင်းပွားမှုများ၊ လက်နက်နှင့် မူးယစ်ဆေးဝါးမှောင်ခိုမှုများနှင့် လူကုန်ကူးမှုကိစ္စ များ တိုက်ဖျက်ရေးအတွက် ဆွေးနွေးခဲ့ကြကြောင်း ဘင်္ဂလားဒေ့ရ်ှအခြေဆိုက် bdnews24.com က တင်ပြ ထားသည်။

ဆက်လက်ဖတ်ရှုပါရန် »

မလေးမှာ မြန်မာအလုပ်သမား ၄၀ ကျော် အဖမ်းခံရ

Photo: မလေးမှာ မြန်မာအလုပ်သမား ၄၀ ကျော် အဖမ်းခံရ
Sunday, May 4, 2014

တရားမဝင် နိုင်ငံခြားသား အလုပ်သမားတွေ ရှင်းလင်းဖို့ ပြီးခဲ့တဲ့လပိုင်း ကစပြီး မလေးရှားအစိုးရက စီမံချက်ချ ဆောင်ရွက်လာရာမှာ စနေနေ့ ညဉ့်နက်ပိုင်း အချိန် ကွာလာလမ်ပူမြို့ဆင်ခြေဖုန်းက စားသောက်ဆိုင်တန်းမှာ ၀င်ရောက် ဖမ်းဆီးမှုတွေရှိခဲ့ပြီး မြန်မာရွှေ့ပြောင်း အလုပ်သမား(၄၀)ကျော် အဖမ်းခံ လိုက်ရပါတယ်။ အကြောင်းစုံကို ကိုဥာဏ်ဝင်းအောင်က တင်ပြပါမယ်။

ကွာလာလမ်ပူမြို့နဲ့ ၁၂မိုင်အကွာ ဖူချောင်းအရပ်ဒေသမှာရှိတဲ့ Tesco စူပါမားကက်နားက ညဉ့်နက်ပိုင်းဖွင့်တဲ့ စားသောက်ဆိုင်တန်းကို မလေးရဲနဲ့ လ၀က အင်အားစုက ရှောင်တခင် ၀င်ရောက် စစ်ဆေးရင်း မြန်မာနိုင်ငံသားတွေ နဲ့ အခြားနိုင်ငံခြားသား အလုပ်သမားတွေကို စနေည သန်းခေါင် အချိန်မှာ ဖမ်းဆီးသွားခဲ့တာဖြစ်ပါတယ်။ အဖမ်းခံရသူတွေထဲမှာ မြန်မာနိုင်ငံသား အလုပ်သမား(၄၀)ကျော်ပါသွားတယ်လို့ အလုပ်သမားရေး ကူညီ ဆောင်ရွက်နေတဲ့ ကိုလတ်က VOAကို ပြောပါတယ်။

"ည ၁၂နာရီခွဲမှာ အင်မီဂရေးရှင်းနဲ့ ရဲတွေ လာဖမ်းသွားတယ်။ လာဖမ်းသွားတဲ့ အကြောင်းအရင်းကတော့ သူတို့ အော်ပရေးရှင်းလုပ်တာပေါ့။ အဲ့လာဖမ်းတော့ တိုင်ဘားမှာ လုပ်နေတဲ့ ရောင်းနေတဲ့ မြန်မာတွေ ပါသွားတယ်။ အဓိက ဝင်သွားတာကတော့ စားသောက်ဆိုင်ကို ဝင်သွားတာ။ လောလောဆယ် ပြန် လွတ် လာတယ်။ မလာဘူးဆိုတဲ့ သတင်းက ကျနော်တို့ ပြန်မရသေးဘူး။ ခန့်မှန်းခြေ ဘယ်လောက်လောက်ပါသွားမလဲဆိုတော့ မြန်မာက ၄၀၊ ၅၀လောက်တော့ ပါမယ်ခင်ဗျ။ ဘာဖြစ်လို့လဲ ဆိုတော့ မြန်မာတွေ စည်တဲ့နေရာလေဗျာ။ တိုင်းရင်းသားတွေ အားလုံးရှိကြတယ်။"

အဖမ်းဆီးခံရသူတွေရဲ့ နောက်ဆုံးအခြေအနေကိုတော့ မသိရသေးပါဘူး။ သူတို့ ရင်ဆိုင်ရမယ့် အခြေအနေတွေနဲ့ပတ်သက်ပြီး ကိုလတ်က ပြောပြပါတယ်။

"ဘာတွေဆက်ဖြစ်နိုင်မလဲဆိုတော့၊ UNHCR ကဒ်အတုကိုင် ထားတဲ့သူတွေ၊ လောလောဆယ် ကမ့်ထဲကို သွားရမယ်။ ထောင်သုံးလကျမယ်။ ကြိမ်ဒဏ် ပါရင်လည်း ပါမယ်။ အဲ့ဒီ့အထဲမှာ တချို့ကတော့ ဘာမှ မရှိဘူးဆိုရင် သေချာပေါက် ကတော့ သုံးလနဲ့ ကြိမ်ဒဏ်ပါသွားပြီ။ ဘာ Document မှ မရှိတဲ့ သူတွေအတွက်ကတော့ အခြေအနေ တော်တော်ဆိုးပါတယ်။ ဒီဟာတွေအားလုံးကို မြန်မာသံရုံးအနေနဲ့ စိစစ်ပြီးတော့ ကူညီ ပေးမယ်ဆိုရင်တော့ သူတို့အတွက် မျှော်လင့်ချက် နည်းနည်းရှိတာပေါ့။"

အဖမ်းဆီးခံ မြန်မာရွှေ့ပြောင်း အလုပ်သမားအရေးနဲ့ ပတ်သက်လို့ မြန်မာ သံရုံးဖက်က ဆောင်ရွက်ပေးတဲ့ အနေအထားကို ကိုလတ်က ရှင်းပြပါတယ်။

" ဖမ်းသွားပြီးတဲ့အခြေအနေမျိုးမှာ သူတို့က ပြန်ထုတ်ပေးတယ်။ ဒါကလဲ အပြင်ကလူတွေ လိုက်ပြီး လုပ်မှပါ။ သူတို့နဲ့ပတ်သက်ရာ၊ ပတ်သတ်ကြောင်း ဆွေမျိုးအသိုင်းအဝိုင်းတွေက လိုက်လုပ်ပြီး CI သွားလျှောက်ပေးတာတို့၊ ကိစ္စတွေ အားလုံး လုပ်ပေးမှပဲ၊ သူတို့လုပ်ပေးနိုင်တဲ့ အတိုင်းအတာရှိပါတယ်။ ဒီမှာရှိနေတဲ့ မြန်မာ အလုပ်သမားတွေ ကိစ္စနဲ့ပတ်သက်လို့ရှိရင် ဘာလိုခေါ်မလဲ တာဝန်ယူခြင်းဟာ ၅၀% တောင် မရှိပါဘူး ခင်ဗျာ။ သံရုံးက တာဝန်မယူတာကိုပြောတာ။ ကျနော်တို့ ဒီနိုင်ငံမှာက လောလောဆယ်က ဗီဇာသတ်သတ် မသတ်သတ် တစ်လ ကို ပုံမှန်သုံးသိန်းလောက် ရှာလို့ရတယ်။ မြန်မာပြည်မှာ မရမယ့်အတူတူ သူတို့က ဒီမှာအဲ့တာတွေကို ခံစားပြီးတော့ ကြိတ်မှိတ်ပြီးတော့ လုပ်နေကြတာ။"

မြန်မာသံရုံး သဘောထားကိုသိနိုင်ဖို့ VOA ဆက်သွယ်ပေမယ့် ရုံးပိတ်ရက်ဖြစ်နေ တာကြောင့် အဆက်သွယ်မရခဲ့ပါဘူး။ မလေးရှားအစိုးရက တရားမ၀င် အလုပ်သမားတွေ မိမိနိုင်ငံပြန်ကြဖို့နဲ့ မပြန်ပဲ ရှာတွေ့ခဲ့ရင် ဖမ်းဆီး အရေးယူမယ်လို့ ဒီနှစ်ဆန်းပိုင်းကတည်းက ကြေညာထားတာပါ။

ဒါပေမယ့်လဲ မလေးရှားခရီးသည် တင်လေယာဉ်ပျောက်ဆုံးချိန် ကစလို့ ရွှေ့ပြောင်းအလုပ်သမားတွေ ရှာဖွေဖမ်းဆီးမှု ခေတ္တရပ်တန့်သွားခဲ့ပြီး အခုရက်ပိုင်းတွေမှာ အဖမ်းအဆီးတွေ ပေါ်လာနေတာပါ။

အလုပ်ပွဲစားကတဆင့် CALLING ဆိုတဲ့အစီအစဉ်နဲ့ မလေးရှားမှာ လာရောက် အလုပ်လုပ်နေသူ မြန်မာနိုင်ငံသား (၁)သိန်းခွဲ ၀န်းကျင်လောက်ရှိပြီး ၊ တရားဝင်ရော တရားမ၀င်ပါ အားလုံးစုစုပေါင်း မြန်မာနိုင်ငံသား ၃သိန်း နီးပါး မလေးရှားနိုင်ငံမှာ အလုပ်လုပ်နေကြတယ်လို့ လူ့အခွင့်အရေးလှုပ်ရှားသူတွေက ခန့်မှန်းထားကြပါတယ်။

ဉာဏ်ဝင်းအောင် (ဗွီအိုအေမြန်မာပိုင်း)

တရားမဝင် နိုင်ငံခြားသား အလုပ်သမားတွေ ရှင်းလင်းဖို့ ပြီးခဲ့တဲ့လပိုင်း ကစပြီး မလေးရှားအစိုးရက စီမံချက်ချ ဆောင်ရွက်လာရာမှာ စနေနေ့ ညဉ့်နက်ပိုင်း အချိန် ကွာလာလမ်ပူမြို့ဆင်ခြေဖုန်းက စားသောက် ဆိုင်တန်းမှာ ၀င်ရောက် ဖမ်းဆီးမှုတွေရှိခဲ့ပြီး မြန်မာရွှေ့ပြောင်း အလုပ်သမား(၄၀)ကျော် အဖမ်းခံ လိုက်ရပါ တယ်။ အကြောင်းစုံကို ကိုဥာဏ်ဝင်းအောင်က တင်ပြပါမယ်။

ဆက်လက်ဖတ်ရှုပါရန် »

ယာဉ်အန္တရာယ် ကင်းရှင်းစေရန် ရန်ကုန် - မန္တလေး အမြန်လမ်းတွင် အမြန်နှုန်း တိုင်းတာရေးစက် အလုံး ၂၀ ထပ်မံတပ်ဆင်

Photo: ယာဉ်အန္တရာယ် ကင်းရှင်းစေရန် ရန်ကုန် - မန္တလေး အမြန်လမ်းတွင် အမြန်နှုန်း တိုင်းတာရေးစက် အလုံး ၂၀ ထပ်မံတပ်ဆင်
Sunday, May 4, 2014

သတ်မှတ် မိုင်နှုန်းထက် ပိုမို မောင်းနှင်သော မော်တော်ယာဉ် များကို ယာဉ်အန္တရာယ် ကင်းရှင်း စေရေးအတွက် ယာဉ်အမြန်နှုန်း တိုင်းတာရေး စက်များဖြင့် စောင့်ကြည့်မှုမှာ ထိရောက်သဖြင့် ရန်ကုန် - မန္တလေး အမြန်လမ်းမ ပေါ်တွင် မြန်နှုန်း တိုင်းတာရေး စက် အလုံး ၂၀ ကို ထပ်မံ တပ်ဆင် ဆောင်ရွက် နေကြောင်း ရန်ကုန် - မန္တလေး အမြန်လမ်းမ ရှိ ရဲတပ်ဖွဲ့မှ သိရသည်။

ယခင်က အမြန်နှုန်း အရှိန်တိုင်းတာ ရေးစက် ၁၄ လုံး တပ်ဆင်ထားပြီး စက်ကိရိယာ များကို ထိုင်းနိုင်ငံမှ မှာယူ တင်သွင်းကာ မတ်လပိုင်းမှ စတင် လုပ်ဆောင် ခဲ့ကြောင်းလည်း သိရသည်။

အဆိုပါ အမြန်လမ်းမတွင် တစ်နာရီ ကီလိုမီတာ ၁၀၀ နှုန်းဖြင့် မောင်းနှင်ခွင့်ပြု ထားကြောင်း ၊ ယာဉ်မတော်တဆ မှုအများဆုံး ဖြစ်ပွားသော Light Truck ယာဉ်များကို တစ်နာရီလျှင် ကီလိုမီတာ ၈၀ နှုန်း ခွင့်ပြုထားပြီး သတ်မှတ်နှုန်းထက် ပိုမို မောင်းနှစ်ပါက မြန်နှုန်း တိုင်းတာ စောင့်ကြည့်စက် များမှ သတိပေး အချက်ပြမှု ပြုလုပ်သွားကာ မှတ်တမ်းတင် အရေးယူ သွားမည် ဖြစ်ကြောင်း သိရသည်။

အမြန်လမ်းမ တစ်လျှောက် ခရီးသွားများ လုံခြုံရေး အတွက် ရဲစခန်း ၁၅ ခု ၊ ရဲကင်း ၄၀ ဖြင့် စောင့်ကြပ်မှု ပေးထားပြီး အမြန်နှုန်း တိုင်းတာရေးစက် များကို မိုင်တိုင် ၁၁/၂ မှ စတင်ကာ မိုင်တိုင် ၃၅၂/၇ တို့ရှိ ကြား မိုင်တိုင် များတွင် အသွားအပြန် လမ်းများ၌ တပ်ဆင် ထားကြောင်း သိရှိရသည်။

(လင်းသစ်)

Themyawadydaily

သတ်မှတ် မိုင်နှုန်းထက် ပိုမို မောင်းနှင်သော မော်တော်ယာဉ်များကို ယာဉ်အန္တရာယ် ကင်းရှင်း စေရေး အတွက် ယာဉ်အမြန်နှုန်း တိုင်းတာရေး စက်များဖြင့် စောင့်ကြည့်မှုမှာ ထိရောက်သဖြင့် ရန်ကုန် - မန္တလေး အမြန် လမ်းမ ပေါ်တွင် မြန်နှုန်း တိုင်းတာရေး စက် အလုံး ၂၀ ကို ထပ်မံ တပ်ဆင် ဆောင်ရွက် နေကြောင်း ရန်ကုန် - မန္တလေး အမြန်လမ်းမ ရှိ ရဲတပ်ဖွဲ့မှ သိရသည်။

ဆက်လက်ဖတ်ရှုပါရန် »

Sunday, 4 May 2014

၂၀၁၅ ရွေးကောက်ပွဲမတိုင်ခင် ၆ လအလိုဖွဲ့စည်းပုံအပြီးပြင်ရန် သူရဦးရွှေမန်းပြောကြား

Photo: ၂၀၁၅ ရွေးကောက်ပွဲမတိုင်ခင် ၆ လအလိုဖွဲ့စည်းပုံအပြီးပြင်ရန် သူရဦးရွှေမန်းပြောကြား
Sunday, May 4, 2014

မေလ ၁ ရက်နေ့တွင် အောင်မြင်စွာကျင်းပပြီးစီးခဲ့သည့် ရခိုင်အမျိုးသားညီလာခံပိတ်ပွဲ အခမ်းအနားသို့ပြည်ထောင်စု လွှတ်တော်နာယကသူရဦးရွှေမန်း တက်ရောက်၍အမှာစကားပြော ကြားရာ ၂၀၁၅ ရွေးကောက်ပွဲ မတိုင်ခင် ၆ လအလို၌ ၂၀၀၈ ဖွဲ့စည်းပုံအခြေခံဥပဒေကိုအပြီး ပြင်ဆင်ရေးဆွဲရန် ၎င်း၏သဘော ထားကိုပေးပြီးဖြစ်ကြောင်းပြော ကြားခဲ့သည်။
ရခိုင်အမျိုးသားညီလာခံမှ ထွက်ပေါ်လာသော နိုင်ငံရေး၊ ငြိမ်းချမ်းရေး၊ တည်ငြိမ်းအေးချမ်း ရေး၊ ပြည်နယ်တွင်းစီးပွားရေးမူဝါ ဒများကို ရခိုင်တိုင်းရင်းသားရေး ရာဝန်ကြီးဦးဇော်အေးမောင်က တင်ပြအပြီးတွင်း ပြည်ထောင်စု လွှတ်တော်နာယကမှယင်းကဲ့သို့ ပြောကြားလိုက်ခြင်းဖြစ်သည်။
“အမျိုးသားပြန်လည်သင့်မြတ် ရေး၊ တည်ငြိမ်အေးချမ်းရေး၊ ပြည်တွင်းငြိမ်းချမ်းရေး၊ တရား ဥပဒေစိုးမိုးရေးစကားတွေကျွန်တော် ပြောခဲ့တာရှိတယ်။ ၂၀၁၅ ရွေး ကောက်ပွဲမတိုင်ခင် ၆ လအလို မှာ ၂၀၀၈ ဖွဲ့စည်းပုံကိုအပြီးပြင် ဆင်ရေးဆွဲဖို့ကျွန်တော့်သဘော ထားကိုလည်းပေးပြီးဖြစ်ပါတယ်။ ရခိုင်ပြည်နယ်ကြီးဖွံ့ဖြိုးတိုးတက်ဖို့ ဆိုရင်ပြည်နယ်တွင်းတည်ငြိမ်အေး ချမ်းဖို့လိုပါတယ်။ တည်ငြိမ်အေး ချမ်းမှုမရှိဘဲနဲ့ ဖွံ့ဖြိုးတိုးတက်ဖို့ မဖြစ်နိုင်ပါဘူး။ ဖွံ့ဖြိုးတိုးတက် ရေးလုပ်ဖို့နေနေသာသာ၊ဖြစ်ပေါ် လာတဲ့ဒုက္ခသည်များကိုသက်သာ အောင်ဆောင်ရွက်ပေးရ၊ ပြန်လည် နေရာချထားရေးတွေဆောင်ရွက် ပေးရနဲ့ သူများတွေရှေ့တစ်လှမ်း ပြီးတစ်လှမ်းတိုးနေတဲ့အချိန်မှာ နောက်ကြောင်းပြန်နေရတယ်။ ပြဿနာတစ်ခုဒုက္ခတစ်ခုတွေ့တိုင်း ဒီဟာကြီးကခက်ခဲတယ်ဆိုပြီး လက်မှိုင်ချအရှုံးပေးလို့တော့မဖြစ် ဘူး။ ရခိုင်သားတွေစည်းလုံးညီညွတ် မှုတကယ်ရှိရင်အခက်အခဲကိုကျော် လွှားနိုင်မယ်ဒီနေရာမှာဥပဒေနဲ့ စည်းကမ်းကိုလည်းသိရမယ်။ စည်းကမ်းဆိုတာ တိုက်တွန်းမှု စည်းကမ်း၊တားမြစ်မှုစည်းကမ်း Do and Don't ဖြစ်ပါတယ်”ဟု သူရဦးရွှေမန်းကဆိုသည်။
ရခိုင်အမျိုးသားညီလာခံမှ ပြည်ထောင်စုအစိုးရထဲတွင် တိုင်း ရင်းသားကိုယ်စားလှယ်များပါဝင် မှုအရေအတွက် သတ်မှတ်ပေးရေး၊ တရားစီရင်ရေးနှင့် ပြည်ထောင်စု စာရင်းစစ်အဖွဲ့များမှာလည်းတိုင်း ရင်းသားများပါဝင်ရေး၊ ပြည်နယ် ရဲတပ်ဖွဲ့များကိုလည်းသက်ဆိုင် ရာအစိုးရအဖွဲ့က တိုက်ရိုက်အုပ် ချုပ်ခွင့်ရရှိရေးတို့တောင်းဆိုလိုက် ကြောင်း သိရသည်။

Hot News

မေလ ၁ ရက်နေ့တွင် အောင်မြင်စွာကျင်းပပြီးစီးခဲ့သည့် ရခိုင်အမျိုးသားညီလာခံပိတ်ပွဲ အခမ်းအနား သို့ပြည်ထောင် စု လွှတ်တော်နာယကသူရဦးရွှေမန်း တက်ရောက်၍အမှာစကားပြော ကြားရာ ၂၀၁၅ ရွေးကောက်ပွဲ မတိုင်ခင် ၆ လအလို၌ ၂၀၀၈ ဖွဲ့စည်းပုံအခြေခံဥပဒေကိုအပြီး ပြင်ဆင်ရေးဆွဲရန် ၎င်း၏ သဘော ထားကိုပေးပြီးဖြစ်ကြောင်းပြော ကြားခဲ့သည်။

ဆက်လက်ဖတ်ရှုပါရန် »

အသားထဲ စမတ်ဖုန်းအရွယ် Chip သွင်းသူ

Photo: အသားထဲ စမတ်ဖုန်းအရွယ် Chip သွင်းသူ
Sunday, May 4, 2014

SAW ရုပ်ရှင်မဟုတ်ပါဘူး။ တကယ့်အပြင်မှာ Tim Cannon လုိ့အမည်ရတဲ့ ဇီဝ ဗေဒ ပညာနဲ့ ဟက်ကာ ပညာတတ်ကျွန်းသူ ပုဂ္ဂိုလ်က ပြုလုပ်ခဲ့ခြင်း ဖြစ် ပါတယ်။
သူ့ရဲ့  စတန့်ထွင်မှုကြောင့်လည်း အင်တာနက် စာမျက်နှာတွေမှာ ရေပန်းစား သွား ပါတယ်။ အမတ်ဖုန်း အရွယ် ရှိတဲ့ Chip ကို လက်ထဲထည့်ပြီး ချုပ်ထားတာကို မြင်တွေ့ရမှာပါ။ Bluetooth Connection ရပြီး အပြင်က စမတ်ဖုန်းနဲ့ ဆက်သွယ်လုိ့ရအောင် လုပ်ထားပါတယ်။ အတွင်း က သွေးကြော လည်ပတ်မှုကို ခြေရာခံပြီး ပုံမှန်မဟုတ်ရင် (ဖျားရင်) စမတ်ဖုန်းကို လှမ်းအကြောင်းကြားပါတယ်။ ကိုယ်တွင်းက ကျန်းမာရေး အခြေအနေကို ပုံမှန် report လုပ်ပေးမယ့် ပစ္စည်းဖြစ်ကြောင်း ဆိုပါတယ်။
သို့ပေမယ့် သူထည့်ထားပုံက လန့်စရာကြီးပါ။ သာမန်လူတစ်ယောက်အနေနဲ့ သူလုပ်သလိုတော့ လိုက်လုပ်ကြမှာ မဟုတ်ပါဘူး။ အရွယ်လည်းသေးပြီး ထည့်ရလည်းလွယ်ကူမယ့် Chip မျိုးကိုတီထွင်လို့ ပြုလုပ်ဖို့ ရည်ရွယ်တယ်လို့ ဆိုပါတယ်။ အဲ့ဒီအခါကျရင် Chip တစ်ပြားထည့်ခြင်းအတွက် ဒေါ်လာ ၅၀၀ ယူမယ်လို့ ဆိုပါတယ်။ လက်ရှိ စမ်းသပ်ထားမှုကိုတောင် အခြား ပြုလုပ်ချင် သူများအတွက် ဒေါ်လာ ၂၀၀ နဲ့ ပြုလုပ်ပေးမယ်လို့ ဆိုပါတယ်။ သို့ပေမယ့် ဘယ်သူမှ မထည့်ရဲ ပါဘူး။
Skin Tatoo ဆိုပြီး ခေတ်စားနေချိန် Bio Hacker ဖန်တီးတဲ့ Tim Cannon ဟာလည်း လူစိတ်ဝင်စားမှု များလာကြောင်း သိရ ပါတယ်။

Ref:mashable
အောင်ခမ်း ( ရိုးရာလေး )

SAW ရုပ်ရှင်မဟုတ်ပါဘူး။ တကယ့်အပြင်မှာ Tim Cannon လုိ့အမည်ရတဲ့ ဇီဝ ဗေဒပညာနဲ့ ဟက်ကာ ပညာ တတ်ကျွန်းသူ ပုဂ္ဂိုလ်က ပြုလုပ်ခဲ့ခြင်း ဖြစ် ပါတယ်။

ဆက်လက်ဖတ်ရှုပါရန် »

မျိုးမအောင်နိုင်တဲ့ အမျိုးသားတွေရဲ့ အရေပြားကနေ သုတ်ကောင် ဆဲလ် ဖန်တီးနိုင်

Photo: မျိုးမအောင်နိုင်တဲ့ အမျိုးသားတွေရဲ့ အရေပြားကနေ သုတ်ကောင် ဆဲလ် ဖန်တီးနိုင်
Sunday, May 4, 2014

မျိုးရိုဗီဇချို့ယွင်းမှုကြောင့် မျိုးမအောင်နိုင်တဲ့ အမျိုးသားတွေရဲ့ အရေပြားကနေ ကနဦးဆင့် သုတ်ကောင် ဆဲလ်တွေကို သိပ္ပံပညာရှင်တွေက ဖန်တီးနိုင်ခဲ့ပါတယ်။ သန္ဓေတည်ဖို့ သဘာဝ သုတ်ကောင် လုံလုံလောက်လောက် မထုတ်နိုင်တဲ့ အမျိုးသားတွေရဲ့ အရေပြားကနေ ဖန်တီးရယူခဲ့တာပါ။

သုတ်ကောင် မထုတ်လုပ်နိုင်တဲ့ အမျိုးသားတွေအတွက် ဒီနည်းပညာနဲ့ နောင်အနာဂတ်မှာ မျှော်လင့်ချက်တွေ သယ်ဆောင်လာပေးနိုင်မယ်လို့ သိပ္ပံပညာရှင်တွေက ယုံကြည်ထားပါတယ်။

သုတ်ကောင် ဖွံ့ဖြိုးမှုနဲ့ အမျိုးသား သန္ဓေမအောင်မှု ကုထုံးများ အတွက် လေ့လာရာမှာ သုတေသီတွေအတွက် ကိရိယာသစ် တစ်ရပ်ဖြစ်စေခဲ့ပါတယ်။ ‘ကျွန်တော်တို့ရဲ့ ရလဒ်တွေဟာ သုတ်ကောင်ဆဲလ်ဖွံ့ဖြိုးမှုကို လေ့လာဖို့ စမ်းသပ်မော်ဒယ် စရလိုက်တာပါပဲ။ ဒါ့ကြောင့် ဆေးရုံမှာ ဆဲလ်အခြေပြု ကုထုံးတွေ လုပ်ဖို့ အသုံးချမှုနိုင်မှုတွေအတွက် အလားအလာ ရှိပါတယ်။ ဥပမာ အရေအတွက်များများနဲ့ အရည်အသွေးကောင်းကောင်း ထုတ်လုပ်နိုင်ဖို့ပေါ့။ သုတ်ကောင်ထုတ်လုပ်ရာမှာ ပြဿနာရှိတဲ့ အမျိုးသားတွေရဲ့ ဝှေးစေ့အတွင်းကို ဆဲလ်ရိုးတံက ရလာတဲ့ မျိုးစေ့ဆဲလ်တွေ တိုက်ရိုက် အစားထိုးနိုင်ဖို့ အလားအလာ ရှိပါတယ်။” လို့ Standford တက္ကသိုလ်က ဦးဆောင်သုတေသီ ဒေါက်တာ Reijo Pera ကပြောပြခဲ့ပါတယ်။

Ref:dailymail.co.uk
Trend Myanmar

မျိုးရိုဗီဇချို့ယွင်းမှုကြောင့် မျိုးမအောင်နိုင်တဲ့ အမျိုးသားတွေရဲ့ အရေပြားကနေ ကနဦးဆင့် သုတ်ကောင် ဆဲလ်တွေကို သိပ္ပံပညာရှင်တွေက ဖန်တီးနိုင်ခဲ့ပါတယ်။ သန္ဓေတည်ဖို့ သဘာဝ သုတ်ကောင် လုံလုံလော က်လောက် မထုတ်နိုင်တဲ့ အမျိုးသားတွေရဲ့ အရေပြားကနေ ဖန်တီးရယူခဲ့တာပါ။

ဆက်လက်ဖတ်ရှုပါရန် »

တစ်ပတ်အတွင်း သစ်ခိုးထုတ်မှုတန်ချိန် တစ်ထောင်ကျော်ဖမ်းမိ

Photo: တစ်ပတ်အတွင်း သစ်ခိုးထုတ်မှုတန်ချိန် တစ်ထောင်ကျော်ဖမ်းမိ
Sunday, May 4, 2014

ပြည်ပသို့ သစ်အလုံး လိုက်တင်ပို့မှု ရပ်ဆိုင်းပြီးနောက် ရက်ပိုင်းအတွင်း တရားမဝင်သစ် ခိုးထုတ်မှု စံချိန်တင်ဖမ်းဆီးရရှိမိ ခဲ့ကြောင်း ပတ်ဝန်းကျင်ထိန်း သိမ်းရေးနှင့် သစ်တောရေးရာဝန် ကြီးဌာနမှ သတင်းရရှိသည်။

ပြည်ပသို့ သစ်အလုံးလိုက် တင်ပို့မှုရပ်ဆိုင်းပြီး တစ်ပတ်အ တွင်း ပြည်နယ်နှင့် တိုင်းဒေသ ကြီးများမှ တရားမဝင်သစ်တန် ချိန် တစ်ထောင်ကျော် ဖမ်းဆီးရရှိ ခဲ့ခြင်းဖြစ်သည်။ ယင်းပမာဏ သည် ပြည်ပသို့ သစ်အလုံးလိုက် တင်ပို့မှုမရပ်ဆိုင်းမီ လတစ်လ၏ သစ်ခိုးထုတ်မှုဖမ်းဆီးရရှိခြင်းနှင့် နှိုင်းယှဉ်ပါက အနည်းငယ်သာ ကွာဟနေခြင်းဖြစ်သည်။

‘‘ပုံမှန်ကာလတွေထက်များ တယ်။ အရင်တုန်းက ရက်တိုတို နဲ့ အဲဒီလောက်မဖမ်းမိဘူး’’ဟု စီမံဌာနမှ တာဝန်ရှိသူတစ်ဦးက ပြောသည်။

တမလန်းသစ်များပေါက် ရောက်သည့် စစ်ကိုင်းတိုင်းဒေသ ကြီးတွင် သစ်တန်ချိန်လေးရာ ကျော် ဖမ်းဆီးရရှိခဲ့ပြီး ကျန်ဒေသ များထက် ပိုများသည်။ တရုတ် နိုင်ငံနှင့် နယ်နိမိတ်ချင်းထိစပ်နေ သည့် ရှမ်းပြည်နယ်သည် သစ်ခိုး ထုတ်မှု ဒုတိယအများဆုံးဖြစ် သည်။

‘‘ကချင်ပြည်နယ်မှာ အဲဒီ လောက် ဘယ်ဖမ်းရမလဲ။ သူ့ နယ်မှာ တရုတ်ပို့လွန်းလို့ တမလန်းသစ် မကျန်တော့တာ။ သူ့ဆီမှာ မကျန်တော့လို့ ဒီဘက် ပင်လယ်ဘူးမှာ အခုလာလာခုတ် ကြတယ်။ ခုတ်ထားတဲ့သစ်တွေ ကို ဧရာဝတီမြစ်ကျော်ပြီး ကချင် ပြည်နယ်ဘက်ပို့ကြတယ်။ အဲဒီ ကတစ်ဆင့် တရုတ်ကိုပို့ကြ တယ်’’ဟု ပင်လယ်ဘူးခရိုင်၊ ဝန်း သိုမြို့နယ် သဘာဝပတ်ဝန်းကျင် ထိန်းသိမ်းရေးအဖွဲ့မှ ဦးအောင် ကျော်စိုးက ပြောသည်။

တရားမဝင်သစ်ခိုးထုတ်မှု များ ဖမ်းဆီးရရှိသော်လည်း ပိုင် ရှင်မဲ့သစ်များဖြစ်နေခြင်းမှာ သံသယဖြစ်ဖွယ်ရှိနေပြီး ယင်း အချက်ကို ဖော်ထုတ်ဖြေရှင်းမှ သာ တရားမဝင်သစ်ခိုးထုတ်ခြင်း ကို အရေးယူနိုင်သည့်ဥပဒေများ အသက်ဝင်လာမည်ဟု သဘာဝ ပတ်ဝန်းကျင်ထိန်းသိမ်းရေးလှုပ် ရှားသူ Green Network မှ ဦးစောမိုးမြင့်က ပြောသည်။

‘‘ကားတွေနဲ့ အလုံးအရင်း ဖမ်းမိပေမယ့် အများအားဖြင့် ကားသမားတွေဖြစ်နေတယ်။ ဖမ်း မိတဲ့သူတွေဟာ အကိုင်းအခက် တွေဖြစ်နေတယ်။ ခေါင်ကြီးတွေ က လွတ်နေတယ်။ အဲဒါတွေ ဖမ်း ဆီးဖော်ထုတ်နိုင်မှသာ အောင် မြင်မယ်လို့ထင်ပါတယ်’’ ဟု ဦးစောမိုးမြင့်က ပြောသည်။

ပြည်ပသို့ သစ်အလုံးလိုက် တင်ပို့မှုရပ်ဆိုင်းခြင်း၊ အဖမ်း အဆီးများလာခြင်းတို့ကြောင့် နယ်စပ်သို့တင်ပို့သည့် သစ်ကား များအရေအတွက်နည်းသွား သောကြောင့် တရုတ်နယ်စပ်တွင် တမလန်းသစ်များ ဈေးမြင့်ခဲ့ သည်။ သစ်ဈေးမြင့်လာမှုကြောင့် တရားမဝင်သစ်ခိုးထုတ်သူများ များလာခဲ့သည်ဟု ပင်လယ်ဘူး ခရိုင်မှ ဒေသခံများက ပြောသည်။

သစ်အလုံးလိုက်တင်ပို့မှုရပ် ဆိုင်းသော်လည်း ရှမ်းပြည်နယ် (မြောက်ပိုင်း)တရုတ်နယ်စပ် မူဆယ်မြို့နယ် တောလမ်းများမှ တစ်ဆင့် အလုံးလိုက်သော်လည်း ကောင်း၊ ခွဲခြမ်းစိတ်ဖြာပြီးသော် လည်းကောင်း ခိုးဝှက်၍ သစ်တင်ပို့နေသည်မှာ တစ်ရက်လျှင် ကားအစီး နှစ်ဆယ်ကျော်ရှိကြောင်း မူဆယ်မြို့ခံတစ်ဦးကပြောသည်။

7Day DAILY

Photo: တစ်ပတ်အတွင်း သစ်ခိုးထုတ်မှုတန်ချိန် တစ်ထောင်ကျော်ဖမ်းမိ Sunday, May 4, 2014 ပြည်ပသို့ သစ်အလုံး လိုက်တင်ပို့မှု ရပ်ဆိုင်းပြီးနောက် ရက်ပိုင်းအတွင်း တရားမဝင်သစ် ခိုးထုတ်မှု စံချိန်တင် ဖမ်းဆီး ရရှိမိ ခဲ့ကြောင်း ပတ်ဝန်းကျင်ထိန်း သိမ်းရေးနှင့် သစ်တောရေးရာဝန် ကြီးဌာနမှ သတင်းရရှိသည်။

ဆက်လက်ဖတ်ရှုပါရန် »

တရုတ်နိုင်ငံတွင် ဆောက်လက်စ တံတားပြိကျ၊ လူ ၁၁ ဦး သေဆုံး

Photo: တရုတ်နိုင်ငံတွင် ဆောက်လက်စ တံတားပြိကျ၊ လူ ၁၁ ဦး သေဆုံး
Sunday, May 4, 2014

တရုတ်နိုင်ငံ ကွမ်တုံပြည်နယ် ကောင်းကျိုးမြို့ပြင်က တစိတ်တပိုင်း ပဲ ဆောက်လက်စ တံတားခုံးတခု မေလ ၃ ရက်နေ့က ပြိုကျခဲ့လို့လူ ၁၁ ယောက် သေဆုံးပြီး ၁၅ ယောက် ဒဏ်ရာရပါတယ်။

China၅ ယောက်က ပွဲချင်းပြီး သေဆုံးတာ ဖြစ်ပြီး တခြား ၆ ယောက်ကတော့ ဒဏ်ရာတွေကြောင့် ဆေးရုံမှာ သေဆုံးတာလို့ လက်ခံကုသပေးတဲ့ ဒေသခံဆေးရုံက ဆိုပါတယ်။

ဒဏ်ရာရသူ ၁၅ ယောက်ထဲက ၈ ယောက်ကတော့ အခြေအနေ စိုးရိမ်ရတယ်လို့ ဆေးရုံဝန်ထမ်းတွေက ပြောပါတယ်။

သေဆုံးသူတွေကတော့ ပြိုကျချိန်မှာ တံတားပေါ်မှာ ရှိနေတဲ့ ဆောက်လုပ်ရေး လုပ်သားတွေဖြစ်ပါတယ်။ ဒီတံတားဆောက်ဖို့ ခွင့်ပြုချက် မကျသေးဘဲ ရွာကောင်စီက ခွင့်ပြုချက်မရှိဘဲ ဆောက်ခဲ့တာလို့ အာဏာပိုင်တွေက ပြောပါတယ်။

ဒီတံတားဟာ လမ်းကွေ့နဲ့နီးပြီး အနားမှာလည်း တခြားမြစ်ကူးတံတားတစင်း ရှိပြီးသားပါ။ တံတားအရှည် ပေ ၆၀ လောက် ပြိုကျခဲ့လို့ အပျက်အစီးတွေက မြစ်ကြမ်းပြင်မှာ ပြန့်ကျဲနေပြီး မြစ်ကြောင်း ပိတ်ဆို့ကုန်တယ်လို့ မီဒီယာတွေက အစီရင်ခံပါတယ်။

တံတားပြိုကျရတဲ့ အကြောင်းအရင်းကိုတော့ စုံစမ်းစစ်ဆေးနေဆဲလို့ ဒေသခံ အာဏာပိုင်တွေက ပြောပါတယ်။

ဒီဗွီဘီ

တရုတ်နိုင်ငံ ကွမ်တုံပြည်နယ် ကောင်းကျိုးမြို့ပြင်က တစိတ်တပိုင်း ပဲ ဆောက်လက်စ တံတားခုံးတခု မေလ ၃ ရက်နေ့က ပြိုကျခဲ့လို့လူ ၁၁ ယောက် သေဆုံးပြီး ၁၅ ယောက် ဒဏ်ရာရပါတယ်။

ဆက်လက်ဖတ်ရှုပါရန် »

နေ့စဉ်တရားထိုင်ဖြစ်တယ်ဆိုတဲ့ Emma Stone

Photo: နေ့စဉ်တရားထိုင်ဖြစ်တယ်ဆိုတဲ့ Emma Stone
Sunday, May 4, 2014

Emma Stone တစ်ယောက်နေ့တိုင်း တရားထိုင်တယ်လို့ဆိုပါတယ်။

The Amazing Spider-Man 2 ရဲ့မင်းသမီးဟာ ပူပန်သောကဖြစ်စေတဲ့အတွေးတွေနဲ့ အမြဲတန်းရုန်းကန်နေရသူဖြစ်ပါတယ်။ ဒါပေမယ့် ဒီစိတ်ငြိမ်စေတဲ့နည်းလမ်းကိုသုံး၊ စိတ်ကိုလေ့ကျင့်ပေးပြီး အဲဒီ့ပြသနာတွေကိုဖြေရှင်းနိုင်လာပြီလို့ဆိုပါတယ်။

‘ကျွန်မဇန်န၀ါရီက စပြီးတရားထိုင်တာ။ ဒါကျွန်မဘ၀ကို လုံးဝပြောင်းလဲပစ်တဲ့အရာပါပဲ။ ကျွန်မတော်တော်လေးနှစ်သက်ပါတယ်။ တစ်နေ့ကို တစ်ကြိမ်ဒါမှမဟုတ်နှစ်ကြိမ် ကျွန်မတရားထိုင်တယ်။ ဒါကျွန်မရဲ့စိတ်အတွက် အကောင်းဆုံးအရာဖြစ်လာပါတယ်။ ကျွန်မက တစ်ကိုယ်တည်း စိုးရိမ်ပူပန်မှုတွေ ရတတ်တယ်’ လို့ ပြောပါတယ်။

New York မြို့ Manhattan အရပ်မှာ အခြေချနေထိုင်တာဟာ သူမရဲ့စိုးရိမ်စိတ်တွေကို ငြိမ်းအေးစေနိုင်မယ်လို့ လည်း အသက် ၂၅ နှစ်အရွယ် Emma ကယုံကြည်နေပါတယ်။

‘ကျွန်မပြီးခဲ့တဲ့နှစ်က အိမ်မရှိခဲ့ဘူး။ New York မှာအိမ်ဌားပြီးနေလာတာ ငါးနှစ်ရှိပြီ။ ကျွန်မဟိုတယ်မဟုတ်တဲ့နေရာမှာနေနေတာပါ။ ကျွန်မအရမ်းစိတ်လှုပ်ရှားပါတယ်’ လို့ပြောပါတယ်။

Ref:starpulse.com
Trend Myanmar

Emma Stone တစ်ယောက်နေ့တိုင်း တရားထိုင်တယ်လို့ဆိုပါတယ်။

ဆက်လက်ဖတ်ရှုပါရန် »

အပူရှိန်လွန်ကဲမှုကြောင့် ချောက်မြို့တွင်လူ၁ဝဦးသေဆုံး

မကွေးတိုင်းဒေသကြီးချောက် မြို့တွင်အပူရှိန်လွန်ကဲမြင့်တက်လာခြင်းကြောင့် ယခုရက်ပိုင်းအတွင်း လူ ၁ဝ ဦးခန့်သေဆုံးသွားကြောင်း ချောက်ဒေသခံတစ်ဦးကပြောသည်။''အပူချိန်၄၃ဒီဂရီစင်တီဂရိတ် အထက်မှာရှိ တယ်။ မကျန်းမာတဲ့ လူတွေ၊ အရက်သောက်တဲ့လူတွေ သေကြတယ်။အသက်(၄ဝ)ကျော်နဲ့ (၆ဝ)ကျော်ေ တွပေါ့ '' ဟု၎င်းကပြော သည်။

ဆက်လက်ဖတ်ရှုပါရန် »

မိုးရွာစေရန် ပြည်မြို့တွင် လွန်ဆွဲ

Photo: မိုးရွာစေရန် ပြည်မြို့တွင် လွန်ဆွဲ
Sunday, May 4, 2014

ပဲခူးတိုင်းဒေသကြီး အနောက်ပိုင်း ပြည်မြို့တွင် ဧပြီလ နောက်ဆုံးပတ်မှစ၍ နေ့အပူချိန်မှာ ၄၀ ဒီဂရီစင်တီဂရိတ် ဝန်းကျင်အထိ အပူလွန်ကဲမှုများ မြင့်တက်လျက် ရှိသောကြောင့် မိုးရွာသွန်းစေရန် ရည်ရွယ်၍ ဧပြီလ နောက်ဆုံးပတ်မှ စတင်ကာ လွန်ဆွဲပွဲများ ဆက်တိုက် ပြုလုပ်လျက် ရှိကြောင်း ဒေသခံများထံမှ သိရှိရသည်။

ဧပြီလ ၂၇ နှင့် ၂၈ ရက်တို့တွင် ပြည်မြို့ သုခကုသိုလ်ဖြစ် ဆေးခန်းတွင် နာရေးကူညီမှုအသင်း ဥက္ကဋ္ဌ ဦးကျော်သူ ကိုယ်တိုင် ပါဝင်သည့် လွန်ဆွဲပွဲများ ပြုလုပ်ခဲ့ပြီးနောက် မေလ ၃ ရက်နေ့ ထပ်မံ လွန်ဆွဲပွဲ ပြုလုပ်ခဲ့ပြီးနောက် ၎င်းတို့က ပြောကြားခဲ့ခြင်း ဖြစ်သည်။

“ရိုးရာယဉ်ကျေးမှုအရ လုပ်တယ်။ ခုချိန်ထိ ပိတောက်ပွင့်နိုင်တဲ့ မိုးတောင် မရွာသေးဘူး။ မနှစ်ကတော့ လွန်ဆွဲပြီး နောက်နေ့ မိုးရွာတယ်။ ရာသီဥတုက အရမ်းပူနေတော့ ခုလည်း မိုးရွာမယ်လို့တော့ မျှော်လင့်တယ်” ဟု ရွာဘဲနယ် မြေအောင်သုခ ရပ်ကွက်တွင် နေထိုင်သည့် ဦးတင့်ဖေက ပြောဆိုသည်။

“သဘာဝပတ်ဝန်းကျင် ပျက်စီးလာလို့ အပူချိန် မြင့်တက်လာပြီး မိုးခေါင်တယ်။ ဒီလိုဖြစ်နေရတာတွေက လူတွေရဲ့ နေထိုင်ပြုမူမှုကြောင့် ဖြစ်နေတာပါ၊ ဒီပုံစံကို ဆင်ခြင်ရမယ်။ သဘာဝပတ်ဝန်းကျင်ကို ပိုမိုထိန်းသိမ်းရမယ်” ဟု အစိမ်းရောင်မျိုးဆက် အတွင်းရေးမှူး ဦးမျိုးညိမ်းဇော်က မှတ်ချက်ပြုသည်။

အပူရှိန်မြင့်တက်မှုကြောင့် ပြည်မြို့တွင် သေဆုံးသူ အနည်းငယ် ပိုလာပြီး နာရေးကူညီမှုအသင်းများ အနေနှင့် တစ်ရက်လျှင် လူ ၁၀ ဦးခန့်ထိ နာရေးကူညီမှု ပြုလုပ်ပေးနေရကြောင်း မိုးမေတ္တာ နာရေးကူညီမှုအသင်း အဖွဲ့ဝင် ဦးညီညီအောင်က ပြောကြားသည်။
“ကျွန်တော်တို့က ဆရာဝန် မဟုတ်တော့ ဒီလူတွေက အပူကြောင့် သေရပါတယ်လို့ တထစ်ချ မပြောနိုင်ဘူး။ အပူချိန် မြင့်တဲ့အတွက် နာရေးလမ်းကြောင်းကတော့ စိပ်လာတာတော့ အမှန်ပဲ” ဟု ၎င်းကပြောဆိုသည်။

ယခုကဲ့သို့ အပူချိန် လွန်ကဲမှုများ ရှိသော်လည်း ပြည်မြို့ အထွေထွေရောဂါကု ဆေးရုံကြီးတွင် အပူဒဏ်ကြောင့် တိုက်ရိုက် ဖြစ်ပွားသည့် အပူရှပ်ရောဂါ လက္ခဏာဖြင့် သေဆုံးသူ မရှိဘဲ အရက်သောက်သုံးသူများနှင့် သက်ကြီးရွယ်အို အချို့သာ ဆုံးပါးမှုရှိကြောင်း ယင်းဆေးရုံကြီး မှတ်တမ်းများအရ သိရှိရသည်။

The Voice Weekly

ပဲခူးတိုင်းဒေသကြီး အနောက်ပိုင်း ပြည်မြို့တွင် ဧပြီလ နောက်ဆုံးပတ်မှစ၍ နေ့အပူချိန်မှာ ၄၀ ဒီဂရီ စင်တီဂရိတ် ဝန်းကျင်အထိ အပူလွန်ကဲမှုများ မြင့်တက်လျက် ရှိသောကြောင့် မိုးရွာသွန်းစေရန် ရည်ရွယ်၍ ဧပြီလ နောက်ဆုံးပတ်မှ စတင်ကာ လွန်ဆွဲပွဲများ ဆက်တိုက် ပြုလုပ်လျက် ရှိကြောင်း ဒေသခံများထံမှ သိရှိရသည်။

ဆက်လက်ဖတ်ရှုပါရန် »

တက္ကသိုလ်ဝင်တန်း စာမေးပွဲတွင် အမှတ်အများဆုံး ရရှိသူ ၂၀ ဦးကို ဂျပန်နိုင်ငံသို့ လေ့လာရေးခရီး စေလွှတ်မည်

မြန်မာနိုင်ငံ ၌ ပြီးခဲ့သည့် ၂၀၁၄ ခုနှစ် မတ်လတွင် ကျင်းပခဲ့သော တက္ကသိုလ် ၀င်တန်း စာမေးပွဲ ကို ပြည်နယ် နှင့် တိုင်းဒေသကြီး အသီးသီး၌ ၀င်ရောက် ဖြေဆိုခဲ့ကြသော ကျောင်းသား ကျောင်းသူများ ထဲမှ အမှတ်အများဆုံး ဦးရေ ၂၀ ကို မြန်မာနိုင်ငံ ဆိုင်ရာ ဂျပန်သံရုံး ၏ အစီအစဉ် ဖြင့် ဂျပန်နိုင်ငံ သို့ သီတင်းတစ်ပတ်ကြာ လေ့လာရေးခရီး ပို့ဆောင် ပေးမည် ဖြစ်ကြောင်း သိရသည်။

ဆက်လက်ဖတ်ရှုပါရန် »

NDF ပါတီ ကြားဖြတ်ရွေးကောက်ပွဲ တစ်နိုင်ငံလုံး ၁၅ နေရာ ဝင်ပြိုင်မည်

Photo: NDF ပါတီ ကြားဖြတ်ရွေးကောက်ပွဲ တစ်နိုင်ငံလုံး ၁၅ နေရာ ဝင်ပြိုင်မည်
Sunday, May 4, 2014

အမျိုးသားဒီမိုကရေစီ အင်အားစုပါတီ (NDF) အနေနှင့် တစ်နိုင်ငံလုံး လစ်လပ်မဲဆန္ဒနယ် ၃၀ ကျော်တို့တွင် ၁၅ နေရာခန့် ဝင်ရောက်အရွေးခံမည် ဖြစ်ကြောင်း မန္တလေးတိုင်း NDF ပါတီ လူငယ်တာဝန်ခံက ပြောကြားသည်။

မန္တလေးတိုင်းတွင် လစ်လပ် နှစ်နေရာ ရှိနေရာ ခရိုင်အဆင့်တွင်သာ ဝင်ရောက် အရွေးခံမည့် ကိုယ်စားလှယ်လောင်းကို ရွေးချယ်ထားပြီး တိုင်းအဆင့် ဝင်ရောက်ယှဉ်ပြိုင်ရန် ကိုယ်စားလှယ်လောင်း မရှိသေးကြောင်း ၎င်းကဆိုသည်။

၂၀၁၅ ရွေးကောက်ပွဲအတွက် ကိုယ်စားလှယ်လောင်း ရွေးချယ်နေပြီး ရွေးကောက်ပွဲ မဲဆွယ်ရေးအတွက် သင်တန်းများ ပေးနေကြောင်း၊ ပါတီဝင်အင်အား တစ်သိန်းကျော် ရှိသည့် NDF ပါတီ ပဉ္စမအကြိမ်မြောက် ညီလာခံကို မန္တလေးမြို့တွင် ပထမဆုံးအကြိမ်အဖြစ် ကျင်းပသွားမည် ဖြစ်ကြောင်း အဆိုပါ ပါတီထံမှ သိရသည်။

အထက်မြန်မာပြည်အတွက် ရည်ရွယ်ကာ မန္တလေးမြို့တွင် ကျင်းပခြင်း ဖြစ်ပြီး ပါတီညီလာခံကို ခြောက်လတစ်ကြိမ် ကျင်းပလေ့ ရှိသည်။

တိုင်းရင်းသားပါတီ ၁၉ ပါတီတို့ စုပေါင်းဖွဲ့စည်း တည်ထောင်ထားသည့် ဖက်ဒရယ်ပြည်ထောင်စု ပါတီက ယခုနှစ်အတွင်း ကျင်းပမည့် ကြားဖြတ်ရွေးကောက်ပွဲတွင် မန္တလေးမြို့နှင့် ရန်ကုန်မြို့ရှိ လစ်လပ် လေးနေရာတွင် ဝင်ရောက် ယှဉ်ပြိုင်သွားမည် ဖြစ်သည်။ ယင်းအပြင် မန္တလေးမြို့ရှိ လစ်လပ်မဲဆန္ဒနယ်တွင် တိုင်းရင်းသား စည်းလုံးညီညွတ်ရေးပါတီက ဝင်ရောက် ယှဉ်ပြိုင်သွားမည် ဖြစ်ပြီး NLD ပါတီအနေနှင့် ရွေးကောက်ပွဲ ကျင်းပမည့်ရက် တရားဝင် မကြေညာသေးသည့် အတွက် ဝင်ရောက် ယှဉ်ပြိုင်ရေးအတွက် ပြင်ဆင်ထားမှု မရှိသေးကြောင်း အဆိုပါ ပါတီများထံမှ စုံစမ်းသိရှိရသည်။

The Voice Weekly

အမျိုးသားဒီမိုကရေစီ အင်အားစုပါတီ (NDF) အနေနှင့် တစ်နိုင်ငံလုံး လစ်လပ်မဲဆန္ဒနယ် ၃၀ ကျော်တို့တွင် ၁၅ နေရာခန့် ဝင်ရောက်အရွေးခံမည် ဖြစ်ကြောင်း မန္တလေးတိုင်း NDF ပါတီ လူငယ်တာဝန်ခံ က ပြော ကြားသည်။

ဆက်လက်ဖတ်ရှုပါရန် »

ရခိုင်သယံဇာတ ၄၀ ရာခိုင်နှုန်းကို ပြည်နယ်ဖွံ့ဖြိုးရေး လုပ်ရန် ရခိုင်အမျိုးသားညီလာခံ တောင်းဆို

Photo: ရခိုင်သယံဇာတ ၄၀ ရာခိုင်နှုန်းကို ပြည်နယ်ဖွံ့ဖြိုးရေး လုပ်ရန် ရခိုင်အမျိုးသားညီလာခံ တောင်းဆို
Sunday, May 4, 2014

သဘာဝဓာတ်ငွေ့များကို တရုတ်နိုင်ငံသို့ ပို့လွှတ်နေပြီ ဖြစ်သည့် ရခိုင်ပြည်နယ်က ထွက်ရှိသည့် သယံဇာတများမှ ရရှိသည့် အကျိုးအမြတ်များ၏ အနည်းဆုံး ၄၀ ရာခိုင်နှုန်းကို ပြည်နယ် ဖွံ့ဖြိုးရေးအတွက် အသုံးပြုရန် ကျောက်ဖြူမြို့တွင် ကျင်းပသည့် ရခိုင်အမျိုးသားညီလာခံက ချမှတ်သည့် မူဝါဒမူကြမ်းတွင် ထည့်သွင်းထားကြောင်း အဆိုပါ ညီလာခံကို တက်ရောက်လာသည့် မြို့နယ် ကိုယ်စားလှယ်များထံမှ သိရှိရသည်။

ယင်းအပြင် ရခိုင်ပြည်နယ်က ထွက်ရှိသည့် သဘာဝဓာတ်ငွေ့ကို အသုံးပြုကာ လျှပ်စစ်မီတာခ ဈေးနှုန်း သက်သာစွာဖြင့် ရခိုင်တစ်ပြည်နယ်လုံး လျှပ်စစ်မီး ၂၄ နာရီ ရရှိရန်၊ ရခိုင်သယံဇာတများကို ရခိုင်လူမှုဘဝ ဖွံ့ဖြိုးတိုးတက်ရေး အတွက် ရခိုင်ပြည်သူလူထုက လွတ်လပ်စွာ ဆုံးဖြတ်ပိုင်ခွင့်နှင့် ကိုယ်ပိုင်စီမံခွင့် ရရှိရန် စသည့် အချက်များလည်း ပါဝင်ကြောင်း မြို့နယ် ကိုယ်စားလှယ်များက ပြောကြားသည်။

ရခိုင်အမျိုးသားညီလာခံက နိုင်ငံရေး၊ ငြိမ်းချမ်းရေးနှင့် တည်ငြိမ်အေးချမ်းရေး၊ လူမှုစီးပွား၊ သဘာဝသယံဇာတ ခွဲဝေသုံးစွဲမှုနှင့် သဘာဝ ပတ်ဝန်းကျင်ဆိုင်ရာ စီမံခန့်ခွဲမှုများနှင့် ပတ်သက်၍ မူဝါဒ ၁၆ ချက် ချမှတ်ထားကြောင်း၊ ယင်းမူဝါဒများတွင် ပါဝင်သည့် အသေးစိတ် အချက်အလက်ကို အပြီးသတ်ရန် ဆွေးနွေးနေဆဲ ဖြစ်၍ မူကြမ်း အဆင့်တွင်သာ ရှိနေသေးပြီး မကြာမီ ပြည်သူလုထုကို ချပြသွားမည် ဖြစ်ကြောင်း ညီလာခံ ဖြစ်မြောက်ရေး ဦးဆောင်ကော်မတီမှ အဖွဲ့ဝင် ဦးခိုင်သုခက ပြောကြားသည်။

မူဝါဒမူကြမ်းတွင် ရခိုင်ပြည်နယ်တွင် လုံခြုံရေးအင်အားကို လက်ရှိ အခြေအနေထက် သုံးဆ တိုးမြှင့်ပေးရန်၊ ကမ်းရိုးတန်း လုံခြုံရေးအတွက် ရေတပ်များကို ပြည်နယ်အစိုးရက တိုက်ရိုက်စီမံခွင့် အခွင့်အာဏာပေးရန်၊ မောင်တော၊ ဘူးသီးတောင်တို့တွင် ရခိုင်ရပ်ရွာများ တိုးချဲ့ရန်နှင့် လုံခြုံရေး အထူးစီမံချက်ချ ဆောင်ရွက်ရန်၊ နယ်စပ်လုံခြုံရေးအတွက် မွတ်ဆလင် မဟုတ်သည့် ဒေသခံ တိုင်းရင်းသားများကို ပြည်သူ့စစ်တပ် ဖွဲ့စည်း၍ အစိုးရ ကာကွယ်ရေးတပ်များ၊ ရဲတပ်ဖွဲ့များနှင့် ပူးပေါင်းဆောင်ရွက်ရန်၊ ကမ်းရိုးတမ်းနှင့် ပင်လယ်ပြင် လုံခြုံရေးအတွက် အဆင့်မြင့် လက်နက်များ၊ နည်းပညာများအပြင် ကမ်းရိုးတမ်း အမြန်ယာဉ်နှင့် အဆင့်မြင့် ရေတပ်သင်္ဘောများ၊ ကင်းလှည့်ရေယာဉ်များ၊ ရေဒါစခန်းများကို တိုးမြှင့်ပေးရန် အချက်များလည်း ပါဝင်သည်ကို တွေ့ရှိရသည်။

ရခိုင်အမျိုးသားညီလာခံက ချမှတ်သည့် မူဝါဒများကို အကောင်အထည်ဖော်ရန် လွှတ်တော်၊ နိုင်ငံတော်သမ္မတ၊ ပြည်နယ်အစိုးရ၊ မီဒီယာ၊ နိုင်ငံတကာ သံတမန်များ စသည်တို့က နည်းလမ်းမျိုးစုံ အသုံးပြ၍ လုပ်ဆောင်သွားမည် ဖြစ်ပြီး ယင်းအချက်များကို အစိုးရက အကောင်အထည် မဖော်ပါက လူထုတိုက်ပွဲဖြင့်ပါ တောင်းဆိုမည် ဖြစ်ကြောင်း ညီလာခံဖြစ်မြောက်ရေး ဦးဆောင်ကော်မတီမှ ဦးလှစောက ပြောဆိုသည်။
“ဆုံးဖြတ်ချက်တွေက လေထဲမှာ ပျောက်သွားမှာ မဟုတ်ပါဘူး။ လူထုတစ်ရပ်လုံးရဲ့ သဘောထားဖြစ်တဲ့ ဒီမူဝါဒတွေကို နိုင်ငံရေး အင်အားစုတွေက ရတဲ့နည်းလမ်းနဲ့ တောင်းဆိုသွားမယ်” ဟု ၎င်းကဆိုသည်။

ရခိုင်အမျိုးသား ညီလာခံက ချမှတ်သည့် မူဝါဒများကို အကောင်အထည်ဖော်ရန် မူဝါဒ ဦးဆောင် ကော်မတီတစ်ရပ်ကို ဖွဲ့စည်းထားပြီး ဖြစ်ပြီး ရန်ကုန်မြို့တော်တွင်လည်း မကြာမီကာလတွင် ရုံးခန်း ဖွင့်လှစ်သွားမည် ဖြစ်ကြောင်း ယင်းကော်မတီထံမှ သိရှိရသည်။

နှစ်ပေါင်း ၆၀ ကျော်အတွင်း တစ်ကျော့ပြန် ကျင်းပသည့် ရခိုင်အမျိုးသား ညီလာခံကို ဧပြီလ ၂၇ ရက်နေ့မှ မေလ ၁ ရက်နေ့အထိ ရခိုင်ပြည်နယ် ကျောက်ဖြူမြို့တွင် ကျင်းပခဲ့ပြီး လူပေါင်း ၁၅၀၀ ကျော် တက်ရောက်ခဲ့သည်။

The Voice Weekly

သဘာဝဓာတ်ငွေ့များကို တရုတ်နိုင်ငံသို့ ပို့လွှတ်နေပြီ ဖြစ်သည့် ရခိုင်ပြည်နယ်က ထွက်ရှိသည့် သယံဇာတ များမှ ရရှိသည့် အကျိုးအမြတ်များ၏ အနည်းဆုံး ၄၀ ရာခိုင်နှုန်းကို ပြည်နယ် ဖွံ့ဖြိုးရေးအတွက် အသုံးပြု ရန် ကျောက်ဖြူမြို့တွင် ကျင်းပသည့် ရခိုင်အမျိုးသားညီလာခံက ချမှတ်သည့် မူဝါဒမူကြမ်းတွင် ထည့် သွင်း ထားကြောင်း အဆိုပါ ညီလာခံကို တက်ရောက်လာသည့် မြို့နယ် ကိုယ်စားလှယ်များထံမှ သိရှိရသည်။

ဆက်လက်ဖတ်ရှုပါရန် »

ကချင်ပြည်နယ် အစိုးရအဖွဲ့ ရုံးဝန်ထမ်းနှစ်ဦး လက်နက်ကိုင်များ ဖမ်းဆီး

ကချင်ပြည်နယ် အစိုးရအဖွဲ့ ရုံးတွင် တာဝန်ထမ်းဆောင်နေသည့် ဝန်ထမ်းနှစ်ဦးကို အမည်မသိ လက်နက် ကိုင် အဖွဲ့ အစည်းတစ်ခုမှ အာလမ်ကျေးရွာအုပ်စု အတွင်းရှိ ဒွန်ဂန်ကျေးရွာ မြစ်ကြီးနား-ဆွမ်ပရာဘွမ် လမ်း မကြီးလမ်းပိုင်း တစ်နေရာတွင် မေလ ၃ ရက်နေ့ နေ့လယ် ၁၁ နာရီခွဲ အချိန်ခန့်က ဖမ်းဆီး ခေါ်ဆောင် သွားခဲ့ကြောင်း အာလမ်ကျေးရွာ ဒေသခံများနှင့် မျက်မြင်တွေ့ရှိသူများထံမှ သိရှိရသည်။

ဆက်လက်ဖတ်ရှုပါရန် »

Subscribe to: Posts (Atom)