လှေစီးဒုက္ခသည်အရေး ဖြေရှင်းရန် အထူးစုံ စမ်းစစ်ဆေးရေးလုပ်ငန်းအဖွဲ့ ထူထောင်မည်

ဘန်ကောက်မြို့တွင် လှေစီးဒုက္ခသည်အရေး မြန်မာအပါအ၀င် နိုင်ငံ ၁၇ နိုင်ငံက တက်ရောက်ဆွေးနွေးခဲ့သည် (EPA)
ပင်လယ်တွင်မျောပါနေ သည့် လှေစီးဒုက္ခသည်များ ကယ် ဆယ်ရေး ချက်ချင်းဆောင်ရွက် ရန် နိုင်ငံဖြတ်ကျော်ဖွဲ့စည်းထား သည့် ရာဇ၀တ်ဂိုဏ်းများအားဖိနှိပ် ရေးအတွက် အဓိကသက်ရောက် သော နိုင်ငံများအကြား အထူးစုံ စမ်းစစ်ဆေးရေးလုပ်ငန်းအဖွဲ့ ထူ ထောင်ရေး အပါအ၀င်အဓိက ဆောင်ရွက်ရမည့် ကဏ္ဍသုံးရပ် ကို မေလ ၂၉ ရက်တွင် ထိုင်းနိုင်ငံ၌ပြုလုပ်ခဲ့သည့် ‘‘အိန္ဒိယသမုဒ္ဒရာ ၌ ပုံမှန်မဟုတ်သော ရွှေ့ပြောင်း မှုဆိုင်ရာ အထူးအစည်းအဝေး’’ အပြီးတွင် ထုတ်ပြန်ကြေညာခဲ့ သည်။


‘‘လှေစီးဒုက္ခသည်များ စုပြုံ ရောက်ရှိမှုသည် စိုးရိမ်ရေမှတ်သို့ရောက်ရှိနေပြီ’’ဆိုသော သတိပေးစကားဖြင့် စတင်ခဲ့သည့် အစည်းအဝေးအတွင်း အပြန်အလှန် ငြင်းခုံမှုများ ရှိခဲ့ပြီးနောက် ပင်လယ်ထဲမျောပါနေသည့် ရွှေ့ပြောင်းသူများကိုအကာအကွယ်ပေးရေး၊ လူမှောင်ခိုမှုနှင့် လူကုန်ကူးမှုများကို ကာကွယ်တားဆီးရေးနှင့် မူမှန်မဟုတ်သည့် ရွှေ့ပြောင်းပြဿနာ ဇာစ်မြစ်ကို ရှာဖွေရေးစသည်တို့ကို ဆက်လက် ဆောင်ရွက်ရန် ဆုံးဖြတ်ခဲ့ခြင်းဖြစ်သည်။

မြန်မာအပါအ၀င် ၁၇ နိုင်ငံပါဝင်ခဲ့သော အစည်းအဝေး၏ ထုတ်ပြန်ချက်၌ ပင်လယ်ထဲမျော ပါနေသည့် ရွှေ့ပြောင်းသူများအား အကာအကွယ်ပေးရေးကို ချက် ချင်းတုံ့ပြန်ရမည့်အချက်အဖြစ် အစည်းအဝေးရလဒ်တွင် ဖော်ပြ ထားသည်။

ပုံမှန် မဟုတ်သော ရွှေ့ ပြောင်းခြင်း၊ ရွှေ့ပြောင်းသူများကို မှောင်ခိုခြင်း၊ လူကုန်ကူးခြင်းတို့ ကို ကျယ်ကျယ်ပြန့်ပြန့် ပြည့်ပြည့် စုံစုံတားဆီးရေးဆိုသည့် အချက် အောက်တွင်လည်း အချက်ငယ် ရှစ်ချက် ထပ်မံခွဲခြားစိတ်ဖြာ၍ ဖော်ပြလာသည်။

တတိယမြောက် အဓိကအ ချက်အဖြစ် ပြဿနာဇာစ်မြစ်ကို ဖော်ထုတ်ခြင်း၊ ထိခိုက်အန္တရာယ် ကြုံအသိုက်အ၀န်းများရှိ စားဝတ် နေရေးအခြေအနေကို တိုးမြှင့် ပေးခြင်းတို့ကို ဖော်ပြလာသည်။ ယင်း၌ အခြားသောအရာများအ နက် ဒေသတွင်းအသိုက်အ၀န်း များ၏ စွမ်းရည်တည်ဆောက် ခြင်း၊ အလုပ်အကိုင်များ ပိုမိုဖန် တီးမည့် စီးပွားရေး ဆွဲဆောင်မှု များပေးခြင်း အစရှိ်သည်တို့အပါ အ၀င် မူလဒေသများရှိ အခြေခံ အကြောင်းရင်းခံများကို ဖော် ထုတ်ရေးပါဝင်နေသည်။

တစ်ရက်ကြာ ကျင်းပသည့် အစည်းအဝေးတွင် မြန်မာအပါအ ၀င် အာဆီယံနိုင်ငံများအပြင် သြ စတြေးလျ၊ နယူးဇီလန်၊ အာဖဂန် နစ္စတန်၊ အီရန်နိုင်ငံများမှ ကိုယ် စားလှယ်များတက်ရောက်ခဲ့ကာ UNHCR ၊ IOM အစရှိသည့် နိုင်ငံ တကာအဖွဲ့အစည်းများကလည်း ကိုယ်စားလှယ်များစေလွှတ်ခဲ့ပြီး စုစုပေါင်း ၁၇ နိုင်ငံပါဝင်ခဲ့သည်။

အစည်းအဝေးအစောပိုင်း တွင် ကုလသမဂ္ဂ ဒုက္ခသည်များ ဆိုင်ရာမဟာမင်းကြီးရုံး(UNHCR) က အဆင့်မြင့်လက်ထောက်ကော် မရှင်နာ ဗော်လ်ကာတာ့ခ်က ယခု ဖြစ်ရပ်တွင် မြန်မာနိုင်ငံကအဓိက တာဝန်ရှိကြောင်း၊ နိုင်ငံမဲ့ဘင်္ဂါလီ များကို မြန်မာအစိုးရက နိုင်ငံသား အဖြစ် မသတ်မှတ်ခြင်းသည် ပြ ဿနာတစ်ခုလုံး၏ သော့ချက်ဖြစ် ကြောင်း ပြောကြားခဲ့သည်။

ယင်းနှင့်ပတ်သက်၍ မြန်မာ နိုင်ငံခြားရေးဝန်ကြီးဌာနမှ အထူး ကိုယ်စားလှယ် ဦးထင်လင်းက ယခုဖြစ်ရပ်ကို မြန်မာတစ်နိုင်ငံ တည်းအပေါ် ပုံချနေခြင်းအား လက်ခံမည်မဟုတ်ကြောင်း တုံ့ ပြန်ခဲ့သည်။

‘‘UNHCR က ကျွန်တော့်ရဲ့ ခင်မင်ရင်းနှီးရတဲ့ လုပ်ဖော်ကိုင် ဖက်အနေနဲ့ အခုထက်ပိုကောင်း တဲ့ သတင်းပေးမှုမျိုးလိုအပ်ပါ တယ်။ လက်ညှိုးထိုးခြင်းကအရာ ရာကို ဖြေရှင်းနိုင်မှာမဟုတ်ပါ ဘူး။ ဒီလုပ်ရပ်ကနေ ဘာရလဒ်မှ ထွက်ပေါ်လာမှာမဟုတ်ဘူး’’ဟု ဦးထင်လင်းကပြောကြားခဲ့သည်။

တာ့ခ်က ဘင်္ဂါလီများကို ရို ဟင်ဂျာဟုပင် အမည်သတ်မှတ် သုံးစွဲခေါ်ဝေါ်ပြီး ၎င်းတို့သည် မြန် မာနိုင်ငံတွင် ဖိနှိပ်ညှဉ်းပန်းမှုများ ကြုံနေရခြင်းကြောင့် အခြားနိုင်ငံ များသို့ တိမ်းရှောင်ထွက်ပြေးရ ခြင်းဟု စွပ်စွဲခဲ့သော်လည်း မြန်မာ ကိုယ်စားလှယ်များဘက်က ဘင်္ဂါ လီများသည် မြန်မာနိုင်ငံသားများ မဟုတ်ကြောင်း အခိုင်အမာငြင်း ချက်ထုတ်ခဲ့သည်။

‘‘လှေစီးဒုက္ခသည်များ စုပြုံ အောတိုက်ရောက်ရှိမှုသည်စိုးရိမ် ရေမှတ်သို့ ရောက်ရှိနေပြီ’’ ဆို သည့် အဖွင့်အမှာစကား ပြော ကြားခဲ့သော ထိုင်းနိုင်ငံခြားရေး ၀န်ကြီးနှင့် ဒုတိယ၀န်ကြီးချုပ်ဖြစ် သူ တာနာဆက်ပါတီမပ်ရာဂွန်က ထိုင်းတောင်ပိုင်းရှိ ယာယီကယ် ဆယ်လက်ခံထားသောဒေသများ ကို လောလောလတ်လတ်ထပ်မံရောက်လာသူ လှေစီးဒုက္ခသည် ၆၀၀ ဦးရှိကြောင်း ပြောကြားခဲ့သည်။ အင်ဒိုနီးရှားနှင့်မလေးရှားတို့က ပုံမှန်မဟုတ် ရွှေ့ပြောင်းသူ ၇,၀၀၀ ကို လူသားချင်းစာနာ ထောက်ထားမှုအကူအညီနှင့်ယာ ယီခိုလှုံစရာများ ဆက်လက်ပေးရန် သဘောတူခဲ့ကြသည်။
7 day