တောင်ပြိုဝဲမြို့သို့ ရောက်ရှိနေသည့် အဆိုပါ လှေစီး ဒုက္ခသည်များကို မေလ ၂၆ ရက်နေ့က စစ်တွေမြို့ အခြေစိုက် ဘင်္ဂလားဒေ့ရှ် ကောင်စစ်ဝန် မိုဟာမက် မဟာဘူတာရာမန်နှင့် လက်ထောက် ကောင်စစ်ဝန် မိုဟာမက် ဆီ လင်အူဒင်တို့် လာရောက်စစ်ဆေးခဲ့ရာ ဘင်္ဂလားဒေ့ရ်ှနိုင်ငံသား ဖြစ်ကြောင်းကို အတည် ပြုပေးခဲ့ကြောင်း ရခိုင်ပြည်နယ် လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာန (လဝက) ဦးစီးမှူး ဦးခင်စိုးက ဧရာဝတီသို့ ပြောသည်။
ဦးခင်စိုးက “လာစစ်တော့ နေရပ်လိပ်စာကို မေးတယ်၊ သူတို့ မိသားစုတွေနဲ့ ဖုန်းပြောခိုင်းတယ်။ လှေစီး ဒုက္ခသည်တွေ မိသားစုဝင်တွေနဲ့ ဖုန်းပြောကြတော့ သူတို့နိုင်ငံသား ဖြစ်တယ် ဆိုတာကို အတည်ပြုသွားတယ်။ ခုတော့ လာစစ်တဲ့ ကောင်စစ်ဝန်က ရန်ကုန်မှာရှိတဲ့ ဘင်္ဂလားဒေ့ရှ် သံရုံးကို အကြောင်းထားပြီးပြီ။ လွှဲပေးဖို့ပဲ ကျန်ပါတော့တယ်။ မြန်မြန်လွှဲပေးမှာပါ။ ခုတော့ ကျနော်တို့ လွှဲပေးဖို့ စောင့်နေပါတယ်” ဟု ဆိုသည်။
အဆိုပါ ဘင်္ဂလားဒေ့ရ်ှနိုင်ငံသား လှေစီးဒုက္ခသည်များကို တောင်ပြိုဝဲမြို့ အမှတ် (၁) နယ်ခြားစောင့် ရဲတပ်ဖွဲ့ခွဲ အမှတ် (၂) တွင် ယာယီစခန်းဖွင့်ကာ စောင့်ရှောက်ထားကြောင်း လှေစီဒုက္ခသည်များ အရေးကို ဆောင်ရွက်ပေး နေရသည့် တောင်ပြိုဝဲမြို့မှ အမည်မဖော်လိုသူ ဌာနဆိုင်ရာဝန်ထမ်းတဦးက ဧရာဝတီသို့ ပြောသည်။
“အခု သူတို့ကို နိုင်ငံတကာ အဖွဲ့အစည်းတွေက အပြည့်အဝ စောင့်ရှောက်မှုတွေ ပေးနေပါတယ်။ ကျွေးတာ မွေးတာကတော့ ကျနော်တို့ ဒေသခံ ရပ်ကွက်၊ ကျေးရွာအလိုက် ဘင်္ဂါလီ ကျေးရွာလူကြီးတွေနဲ့ ဌာနဆိုင်ရာ ဝန်ထမ်းတွေဆီက အလှူခံပြီးတော့ ထွေ/ အုပ် အစီအစဉ်နဲ့ ကျွေးမွေးနေပါတယ်။ နိုင်ငံတကာ NGO တွေ ပေးတာက ရေသန့်၊ ဆေးဝါး၊ မုန့်ခြောက်ထုပ်တွေပါ” ဟု ယင်းဝန်ထမ်းက ပြောသည်။
လှေစီး ဒုက္ခသည်များ ရောက်ရှိနေသော နှစ်နိုင်ငံနယ်စပ် တောင်ပြိုဝဲမြို့ကို တပ်မတော် အပါအဝင် နယ်ခြားစောင့် ရဲတပ်ဖွဲ့ အင်အား အလုံးအရင်း တိုးမြှင့်ချထားကြောင်း၊ နှစ်ဘက် နယ်ခြားစောင့်တပ်ဝင်များ အချင်းချင်း သတင်း အချက်အလက်များ ဆက်သွယ် ပြောကြား လုပ်ဆောင်သည်ကို မတွေ့ရကြောင်း တောင်ပြိုဝဲ ဒေသခံ များက ဆိုသည်။
“ပုံမှန်ဆိုရင် နယ်ခြားစောင့် တပ်ဖွဲ့အချင်းချင်း အပြန်အလှန် စာပို့ ဆက်သွယ်မှုတွေ ရှိတယ်။ အရေးပေါ် ဖုန်း ဆက်သွယ်မှုတွေ ရှိတယ်။ အခုအနေအထား ကတော့ အဲဒါမျိုး လုံးဝ မရှိပါဘူး” ဟု တောင်ပြိုဝဲမြို့မှ ဌာနဆိုင်ရာ ဝန်ထမ်း တဦးက ပြောသည်။
ရခိုင်အမျိုးသမီး ကွန်ရက်မှ ဒေါ်ညိုအေးက အဆိုပါ ဘင်္ဂလားဒေ့ရ်ှနိုင်ငံသား လှေစီဒုက္ခသည်များ အရေးကို ကိုင်တွယ် ဖြေရှင်းရာတွင် အစိုးရအနေဖြင့် ပြတ်ပြတ်သားသား လုပ်ဆောင်သင့်ကြောင်း၊ တဘက်နိုင်ငံသို့ လွှဲပေးရေး ကြန့်ကြာ နေမည် ဆိုပါက မိမိတို့ ဒေသခံများအနေဖြင့် လုပ်သင့်လုပ်ထိုက်သည်များကို လုပ်ဆောင် သွားမည် ဖြစ်ကြောင်း ပြောသည်။
ဒေါ်ညိုအေးက “ကျမတို့ စောင့်ကြည့်နေပါတယ်။ ဒီအရေးကို နိုင်ငံတကာက ဘယ်လို ဖိအားပေးပေး အစိုးရက ပြတ်ပြတ်သားသား လုပ်ပါ။ အခုတော့ စောင့်ကြည့်ကာလဆိုတော့ ဒါပဲ ပြောချင်တယ်” ဟု ဆိုသည်။
မြန်မာ့ တပ်မတော် (ရေ) မှ ဖမ်းဆီးခဲ့သော လှေစီးဒုက္ခသည် ၂၀၈ ဦးတွင် ဘင်္ဂလားဒေ့ရ်ှနိုင်ငံသားအဖြစ် ၂၀၀ ကို စစ်ဆေး အတည်ပြုနိုင်ခဲ့ပြီး ကျန် ၈ ဦးမှာ စစ်တွေမြို့နယ်နှင့် ကျောက်တော်မြို့နယ်တို့မှ ဖြစ်ကြောင်း၊ လက်ရှိတွင် နယ်ခြားစောင့် ရဲတပ်ဖွဲ့က လှေစီးဒုက္ခသည်များအား သယ်ဆောင်လာသော စက်လှေသမား အယောက် ၂၀ ကို လူကုန်ကူးမှု ဥပဒေဖြင့် အမှုဖွင့် စစ်ဆေးနေကြောင်း သိရသည်။
“လှေစီးဒုက္ခသည်တွေကို တရားမဝင် ပို့ဆောင်မှုနဲ့ စက်လှေသမားတွေကို လူကုန်ကူးမှု ပုဒ်မ ၃၆၇၊ ၃၇၁၊ ၁၁၄ တို့နဲ့ တရားစွဲထားပါတယ်” ဟု ပြည်နယ် လဝကမှူး ဦးခင်စိုးက အတည်ပြု ပြောကြားသည်။
အဆိုပါ လူကုန်ကူးမှုဖြင့် အမှုဖွင့် စစ်ဆေးခံနေရသည့် စက်လှေသမား ၂၀ တွင် တနင်္သာရီတိုင်းမှ ၁၂ ဦး၊ ရန်ကုန်တိုင်းမှ ၁ ဦး၊ ဧရာဝတီတိုင်းမှ ၂ ဦး၊ ရခိုင်ပြည်နယ်အတွင်းမှ ဘင်္ဂါလီလူမျိုး ၅ ဦးတို့ ဖြစ်ကြောင်း သိရသည်။
စစ်ဆေးခံရမည့် အယောက် ၂၀ မှာ လှေစီးဒုက္ခသည် ၂၀၈ ဦး ပါဝင်သည့် လှေမှ ၁၁ ဦးနှင့် ခရီးသည် မပါသည့် စက် လှေမှ ၉ ဦးတို့ ဖြစ်ပြီး ၎င်းတို့ကို မြန်မာ့တပ်မတော် (ရေ) မှ ၂၀၁၅ ခုနှစ်၊ မေလ ၂၁ ရက်က ဖမ်းဆီး ရမိခဲ့ခြင်း ဖြစ်သည်။
ဧရာဝတီ
No comments:
Post a Comment