အလိုတော်ပြည့်ဆရာတော်အား လာရောက်တွေ့ဆုံသည့် မစ္စတာနမ်ဘီးယားကို မေလ ၂၃ ရက်က တွေ့ရစဉ် (ဓာတ်ပုံ-alodawpyei.org)
လှေစီးဒုက္ခသည်များ အပါအ၀င် ရခိုင်ပြည်နယ်တွင် ဖြစ်ပွားနေသည့် အကြောင်းအရာများနှင့် ပတ်သက်၍ တစ်ဖက် သတ်အမြင်ဖြင့် ဆောင်ရွက်ခြင်း မပြုလုပ်ရန် ကုလအထူးကိုယ်စားလှယ် မစ္စတာ ဗီဂျေနမ် ဘီးယား ကို အလိုတော်ပြည့်ဆရာတော်က မိန့်ကြားခဲ့ကြောင်း သတင်းရရှိသည်။
ရခိုင်ပြည်နယ်တွင် ရောက် ရှိနေသည့် ကုလသမဂ္ဂ၏ မြန်မာ နိုင်ငံဆိုင်ရာအထူးကိုယ်စားလှယ် မစ္စတာ နမ်ဘီးယားက အလိုတော်ပြည့်ဆရာတော်ထံ မေလ၂၃ ရက် ညနေတွင် သွားရောက်ဖူးမြော်စဉ် ဆရာတော်က ယင်းကဲ့သို့မိန့်ကြားခဲ့ခြင်းဖြစ်သည်။
‘‘အကြံဉာဏ်လာတောင်း တာပါ။ ဖြစ်ပျက်နေတဲ့ အကြောင်းအရာတွေကို ကုလအနေနဲ့ တစ် ဖက်သတ် မလုပ်ဖို့ အထူးသဖြင့် ဒေသခံပြည်သူတွေကို လေးလေးစားစားစဉ်းစားဖို့ပေါ့။ ပစ်ပယ်ထားလို့ မရဘူး ဆိုတာပါ။ ဆရာ တော်ကြီးက မိန့်ကြားခဲ့တာ’’ ဟု အလိုတော်ပြည့်ကျောင်းတိုက် များ လက်ထောက်ပဓာန ဆရာ တော် အရှင်ကုမာရက မိန့်ကြား သည်။
ပြည်တွင်း ပြည်ပတွင် အလိုတော်ပြည့်ကျောင်းတိုက်များ ဖွင့် လှစ်၍ သာသနာပြုလုပ်ငန်းများ ဆောင်ရွက် နေသည့် အလိုတော် ပြည့်ဆရာတော်ကို သမ္မတ၊ ဒေါ် အောင်ဆန်းစုကြည်နှင့် နိုင်ငံတ ကာသံတမန်များက မကြာခဏ လာရောက်ဖူးမြော်ကာ ရခိုင်ပြည် နယ်အရေးနှင့် ပတ်သက်၍ အကြံဉာဏ်များ တောင်းခံ လေ့ရှိသည်။
မစ္စတာ နမ်ဘီးယားက အလိုတော်ပြည့်ဆရာတော်ထံ လာရောက် ဖူးမြော်ရာတွင် ရခိုင်ပြည်နယ် ၀န်ကြီး ချုပ်နှင့် ကုလဌာနေကိုယ်စားလှယ်တို့ လိုက်ပါခဲ့ ကြောင်း သတင်းရရှိသည်။
7Day DAILY
No comments:
Post a Comment