ပြည်သူချစ်သော ပြည်သူ့တပ်မတော်ဆီသို့

အနှစ် (၇၀) မြောက် တပ်မတော်နေ့ အခမ်းအနားကို နေပြည်တော်ရှိ တပ်မတော်နေ့ စစ်ရေးပြကွင်းတွင် ကျင်းပခဲ့ရာ ယခင်နှစ်များနှင့် မတူသော ထူးခြားချက်အချို့ကို တွေ့မြင်ရပေသည်။
ပထမထူးခြားချက်မှာ ယခင့်ယခင်နှစ်များက ကျင်းပသော တပ်မတော်နေ့များကဲ့သို့ လုံခြုံရေး အထူးတင်းကျပ် စစ်ဆေးမှုမျိုး မရှိတော့ဘဲ ဖိတ်ကြားထားသည့် ဧည့်သည်များ စိတ်လက်ပေါ့ပါးစွာ တက်ရောက်နိုင်ခြင်း ဖြစ်သည်။
ဒုတိယထူးခြားမှုမှာ တပ်မတော်အစိုးရ လက်ထက်က တပ်မတော်နှင့် အစိုးရအဖွဲ့တွင် ထိပ်တန်းရာထူးများဖြင့် တာဝန်ထမ်းဆောင်ခဲ့ကြသည့် အငြိမ်းစား တပ်မတော် အရာရှိကြီးများကို တပ်မတော်တွင် ၎င်းတို့ နောက်ဆုံးထမ်းဆောင်ခဲ့သည့် ရာထူးအတိုင်း စစ်ဝတ်စုံအပြည့်ဖြင့် တက်ရောက်ခွင့်ပြုခြင်း ဖြစ်သည်။

တတိယထူးခြားသည်မှာ စစ်ရေးပြ ချီတက်သည့် စစ်ကြောင်းများတွင် ယခင်နှစ်များကဲ့သို့ လက်နက်ကိုင်တပ်ဖွဲ့များနှင့် အခြေခံသဘောသဘာဝချင်း မတူညီသော လူမှုဝန်ထမ်း တာဝန်ထမ်းဆောင်သူ မီးသတ်တပ်ဖွဲ့နှင့် ကြက်ခြေနီတပ်ဖွဲ့ စစ်ကြောင်းများ မပါဝင်တော့ဘဲ ယင်းနေရာတွင် အမျိုးသမီး အရာရှိစစ်သည်နှင့် ရဲမေများ စစ်ကြောင်းတို့ဖြင့် အစားထိုး ချီတက်သွားခြင်း ဖြစ်သည်။
စတုတ္ထထူးခြားချက်မှာ အဆိုပါ စစ်ရေးပြ အခမ်းအနား အစအဆုံး တပ်မတော် စစ်တီးဝိုင်းက စစ်ချီသီချင်း တစ်ပုဒ်တည်းကိုသာ အကြိမ်ကြိမ်ကျော့၍ တီးမှုတ်သွားပြီး ပို၍ထူးခြားသည်မှာ ယင်းစစ်ချီသီချင်းသည် ယခုနှစ် တပ်မတော်နေ့အတွက် အသစ်ရေးစပ်ထားသည့်အပြင် လက်ရှိ အခြေအနေနှင့် ကိုက်ညီစေရန် ဒီမိုကရေစီဆိုသော စကားလုံးကို ထည့်သွင်းစပ်ဆိုထားခြင်း ဖြစ်သည်။
ပဉ္စမထူးခြားချက်မှာ ၂၀၁၀ ပြည့်နှစ်မှ စတင်ပြီး တပ်မတော်ကို အရည်အသွေးနှင့် အရည်အချင်း မြှင့်တင်ပေးကာ ပရော်ဖက်ရှင်နယ် တပ်မတော် ဖြစ်လာစေရန် ပြင်ဆင်တည်ဆောက်လာပြီး လာမည့် ၂၀၁၆ ခုနှစ်တွင် အသက်ခြောက်ဆယ် ပြည့်တော့မည့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ မိန့်ခွန်းဖြစ်သည်။
အဆိုပါမိန့်ခွန်းတွင် တပ်မတော် စတင်သန္ဓေတည်သည့် ရက်စွဲနှင့် တော်လှန်ရေးနေ့မှ တပ်မတော်နေ့အဖြစ် အမည်ပြောင်းလဲခဲ့သည့် ခုနှစ်၊ ပြောင်းလဲခဲ့သူ အာဏာရှင် ဗိုလ်ချုပ်ကြီးနေဝင်း၏ အမည်နာမကို ထည့်သွင်းပြောဆိုခြင်း၊ ငြိမ်းချမ်းရေး တည်ဆောက်ရာတွင် လုံခြုံရေးဆိုင်ရာ ပြန်လည်ပေါင်းစည်းရေး တစ်နည်းအားဖြင့် ပြည်ထောင်စုတပ်မတော်ကို မဖြစ်မနေ ပထမဦးစားပေး ဖွဲ့စည်းလုပ်ဆောင်သွားမည် ဖြစ်ကြောင်း ပြောကြားခြင်း၊ အုပ်ချုပ်ရေး၊ စီးပွားရေး ပြုပြင်ပြောင်းလဲမှု လုပ်ငန်းစဉ်တို့တွင် တပ်မတော်က ပူးပေါင်းပါဝင်ဆောင်ရွက်လျက် ရှိကြောင်း၊ နိုင်ငံတော်၏ သဘာဝသယံဇာတ၊ စွမ်းအင်များကို သားစဉ်မြေးဆက်အထိ သုံးစွဲနိုင်ရန် စီမံထိန်းသိမ်း ကာကွယ်စောင့်ရှောက်ရမည် ဖြစ်ကြောင်းနှင့် ငွေကြေး၊ စားသောက်နေထိုင်မှုများတွင်လည်း အလေအလွင့် မရှိစေရန် အကျိုးရှိရှိ သုံးစွဲ၊ ခြိုးခြံချွေတာကြရန် အထိပါ ထည့်သွင်းပြောဆိုသွားခြင်းတို့မှာ များစွာထူးခြားလှသည်။
မည်သို့ပင်ဖြစ်စေ အနှစ် (၇၀) ပြည့် တပ်မတော်နေ့မှသည် နောင်လာမည့် နှစ်များတွင် တပ်မတော်၏ ခေါင်းဆောင်များ အနေနှင့် အရည်အချင်းနှင့် အရည်အသွေး ပြည့်ဝသော ပရော်ဖက်ရှင်နယ် တပ်မတော် တစ်နည်းအားဖြင့် တစ်ချိန်က ပြည်သူလူထု၏ ချစ်ခင်လေးစား အားကိုးယုံကြည်မှုကို ရရှိခဲ့သည့် ပြည်သူ့တပ်မတော်အဖြစ် တည်ဆောက်ကာ တပ်မတော်နှင့်အတူ ပြည်သူတစ်ရပ်လုံး ပါဝင်ခဲ့သည့် တော်လှန်ရေးနေ့ကို တပ်မတော်က အသိအမှတ်ပြု လေးစားလာလိမ့်မည်ဟု ယုံကြည်အပ်ပေသည်။
The Voice Weekly