Monday 30 March 2015
အီရန်နျူကလီယာအရေး အပြင်းအထန် ဆွေးနွေးနေ
အီရန်ရဲ့ နျူကလီယာအရေး နဲ့ပတ်သက်ပြီး အခြေခံ သဘောတူညီမှု ရလာဖို့ သတ်မှတ်ထားတဲ့ နောက်ဆုံးရက် ဖြစ်တဲ့ မတ်လ ၃၁ ရက် နီးကပ်လာတာ နဲ့ အမျှ အီရန်နဲ့ ကမ္ဘာ့အင်အားကြီး ၆ နိုင်ငံတို့ အပြင်းအထန် ဆွေးနွေးနေကြပါတယ်။
သက်ဆိုင်ရာ နိုင်ငံတွေက နိုင်ငံခြားရေး ဝန်ကြီးတွေဟာ ဆွစ်ဇာလန်နိုင်ငံ လိုဇန်း မြို့မှာ တွေ့ဆုံနေကြတာ ဖြစ်ပါတယ်။
နှစ်ဘက်စလုံးက အလျှော့ပေး သဘောတူ နိုင်တာတွေကို အပြန်အလှန် စမ်းစစ်နေကြတယ် ဆိုပြီး အမေရိကန် အရာရှိတွေက ပြောပါတယ်။
အီရန်ဘက်က ဦးဆောင် ဆွေးနွေးနေတဲ့ အဘတ်စ် အာရတ်ချီ ကလည်း သဘောတူမှု ရလာဖို့ ဖြစ်နိုင်ကြောင်း ပြောပေမယ့်၊ အခု စကားပြောပွဲဟာ ခက်ခဲတဲ့ အဆင့်ကို ရောက်လာပြီး ဖြေရှင်းစရာတွေ ရှိနေသေးတယ်လို့လည်း ဆိုပါတယ်။
အနောက်နိုင်ငံတွေဟာ အီရန်ကို နျူကလီယာ လက်နက် ထုတ်လုပ်နိုင်စွမ်း မရှိအောင် ကန့်သတ်နေကြတာ ဖြစ်ပြီး၊ အီရန်အနေနဲ့ နျူကလီယာ နည်းပညာ ဆိုင်ရာ သုတေသနပြု လုပ်ဆောင်တာတွေမှာ ဘယ်လောက် အဆင့်မြင့်မြင့် လုပ်ဆောင်ခွင့် ပြုနိုင်မလဲ ဆိုတဲ့အပေါ် သဘောတူမှု မရနိုင် ဖြစ်နေတာပါ။
ဒါ့အပြင် အီရန် အပေါ် အရေးယူ ချမှတ်ထားတဲ့ ပိတ်ဆို့ ကန့်သတ်မှုတွေကို ဘယ်လောက် မြန်မြန် ရုတ်သိမ်းပေးမလဲ ဆိုတာကိုလည်း ညှိနှိုင်းနေကြတာ ဖြစ်ပါတယ်။
bbc
Subscribe to:
Post Comments (Atom)
No comments:
Post a Comment