ကုလသမဂ္ဂအထွေထွေ ညီလာခံက ရိုဟင်ဂျာဆိုသူများကို နိုင်ငံသားအဖြစ် အသိအမှတ်ပြု ရမည်ဟု ဆုံးဖြတ် ချက်ချမှတ်ခဲ့ခြင်းအပေါ် လိုအပ်သော နည်းလမ်းမျိုးစုံဖြင့် ပြင်းပြင်းထန်ထန် ဆန့်ကျင်ကန့်ကွက် သွားမည်ဖြစ်ကြောင်း ရခိုင်အမျိုးသားပါတီက သဘောထားထုတ်ပြန်ကြေညာသည်။
ဒီဇင်ဘာ ၂၉ ရက်ကပြုလုပ်ခဲ့သော (၆၉)ကြိမ်မြောက် ကုလအထွေထွေ ညီလာခံတွင် ရိုဟင်ဂျာဆို သူများကို နိုင်ငံသားအဖြစ် အသိအမှတ်ပြုရမည်ဟု ဆုံးဖြတ်ချက်တစ်ရပ်ချမှတ်ခဲ့သည်။ မြန်မာနိုင်ငံရှိ ပြည်သူများက ရိုဟင်ဂျာ လူမျိုးလုံးဝမရှိကြောင်း ဆန္ဒထုတ်ဖော်ငြင်းဆိုထားပြီး နိုင်ငံတော်သမ္မတ ကိုယ်တိုင် ကလည်း ရိုဟင်ဂျာလူမျိုးလုံးဝမရှိကြောင်း အတိအလင်းဖော်ထုတ် ပြောကြားထားသည်။ ယင်း အတွက်ကြောင့် ကုလအထွေထွေညီလာခံ၏ ဆုံးဖြတ်ချက်သည် အချုပ်အခြာအာဏာကို စွက်ဖက်ထိပါးပြီး ရခိုင်ပြည်နယ် နယ်မြေတည်တံ့မှုကို တိုက်ရိုက်ခြိမ်းခြောက်မှုဖြစ်၍ အဆိုပါ ဆုံးဖြတ် ချက်ကို လုံးဝပြင်းထန် စွာ ဆန့်ကျင်ကန့်ကွက်ကြောင်းရခိုင်အမျိုးသားပါတီကဆိုသည်။
ယင်းသို့ အင်အားသုံးဆုံးဖြတ်စွက်ဖက်မှုများကို လိုအပ်သော နည်းလမ်းမျိုးစုံဖြင့် ပြင်းပြင်းထန်ထန် ဆန့်ကျင် ကန့်ကွက်သွားမည်ဖြစ်ကြောင်း ဇန်န၀ါရီ ၄ရက်စွဲဖြင့် ရခိုင်အမျိုးသားပါတီက သဘောထား ထုတ်ပြန်ကြေညာသည်။
7Day DAILY
No comments:
Post a Comment