ပညာရေးဝန်ကြီးဒေါက်တာဒေါ်ခင်စန်းရီက အမျိုးသားပညာရေးဥပဒေ အပါအဝင် ဆက်စပ်ဥပဒေများနှင့် ပတ်သက်၍ ရှင်းလင်းပြောကြားစဉ် (ဓာတ်ပုံ − ခင်မောင်ဝင်း/အေပီ)
မကြာမီက ပြဋ္ဌာန်းလိုက်သော အမျိုးသားပညာရေးဥပဒေကို မကျင့်သုံးရသေးမီ ပြန်လည်ပြင်ဆင်ရန် တောင်းဆိုနေကြခြင်းသည် အဆင့်ကျော်နေသလိုဖြစ်နေကြောင်း ပညာရေးဝန်ကြီးဌာန၊ ပြည်ထောင်စုဝန် ကြီး ဒေါက်တာ ဒေါ်ခင်စန်းရီက ပြောကြားလိုက်သည်။
တက္ကသိုလ် ကျောင်းသားများက အမျိုးသားပညာရေးဥပဒေအား လေးရက်ကြာ သပိတ်မှောက် ဆန္ဒပြမှု ရပ်ဆိုင်း၍ အာဏာပိုင်များ၏ တုံ့ပြန်မှုကို ရက်ပေါင်း ၆၀ စောင့်ဆိုင်းမည်ဟု ကြေညာခဲ့သည်။
ထိုသို့ ကြေညာပြီး နောက်တစ်ရက်တွင် ပညာရေးဝန်ကြီး ဌာနက မီဒီယာများနှင့် တွေ့ဆုံခဲ့ ခြင်းဖြစ်သည်။
‘‘ကျောင်းသားတွေပြောတဲ့အချက် ခြောက်ချက်မှာပါတဲ့ ကိစ္စတွေဟာ ဆက်စပ်ဥပဒေတွေမှာ ပါသွားဖို့ရှိနေ ပေမယ့် သူတို့က တစ်ဆုံးကြီးအမျိုးသားပညာရေး ဥပဒေပြင်ဖို့လို့ပြောရင်တော့ ဥပဒေရေးတဲ့သူနဲ့ ဆက်စပ်ပေးဖို့ရှိတယ်။ ဒါပေမဲ့ ကျွန်မတို့ ဒီ ဥပဒေကို မကျင့်သုံးရသေးဘဲနဲ့ ပြင်ဖို့ဆိုတဲ့ဟာက ဘယ်လိုပြော မလဲ။ အဆင့်တစ်ခုကျော်နေသ လိုမျိုးဖြစ်နေပါတယ်’’ဟု သတင်း စာရှင်းလင်းပွဲတွင် ပညာရေးဝန် ကြီးဌာန ပြည်ထောင်စုဝန်ကြီး ဒေါက်တာ ဒေါ်ခင်စန်းရီကပြော သည်။
အမျိုးသားပညာရေးဥပဒေကို လွှတ်တော်သို့မတင်သွင်းမီ ကပင် ကျောင်းသားသမဂ္ဂများ၊ တက္ကသိုလ်ဆရာ၊ ဆရာမများ အသင်း၊ အရပ်ဘက်ပညာရေး အဖွဲ့အစည်းများက ကန့်ကွက် ဆန့်ကျင်မှုများပြုလုပ်ခဲ့ကြသည်။
ပြည်သူ့လွှတ်တော်နှင့် အမျိုးသားလွှတ်တော်တို့ကြားတွင် ငြင်းခုံဆွေးနွေးမှုများဖြစ်ပေါ်ခဲ့ ပြီး သမ္မတနှင့် လွှတ်တော်ကြားတွင်လည်း သဘောထားကွဲလွဲမှု များရှိခဲ့ပြီးနောက် အတည်ပြု ပြဋ္ဌာန်းလိုက်သော အမျိုးသားပညာရေးဥပဒေကို ယခုအခါ တက္ကသိုလ်ကျောင်းသားများက လမ်းပေါ်ထွက် သပိတ်မှောက်ခဲ့ ခြင်းဖြစ်သည်။
နိုင်ငံပိုင်သတင်းစာများမှတစ်ဆင့် သပိတ်မှောက်ကျောင်းသားအချို့၏ ထုတ်ပြန်ချက် အပေါ် ရှင်းလင်းချက် နှင့် ဖိတ် ခေါ်ချက်၊ ပညာရေးမြှင့်တင်မှု အကောင်အထည်ဖော်ရေးကော် မတီ၏ အစီအစဉ်များနှင့် သတင်း ရေးသားချက်များသည် တစ်ဖက်သတ်ရေးသားချက်များဖြစ်ပြီး ဆန့်ကျင်ကန့်ကွက်ကြောင်း သပိတ် မှောက်ကျောင်းသားများ က ပြန်လည်တုံ့ပြန်ထားသည်။
‘‘သူတို့ ထုတ်ပြန်ချက်က နည်းလမ်းဟောင်းကြီးတွေပါပဲ။ သူတို့ဖိတ်ခေါ်နေတာ အခုမှမဟုတ်ပါဘူး။ အရင်တုန်းကတည်းက ပြောခဲ့တဲ့စကားပါ။ အခုကျွန်တော်တို့ကသွားရောက်ဆွေးနွေး ရမယ့်အချိန် မဟုတ်တော့ပါဘူး’’ဟု သပိတ်မှောက် ကျောင်းသား ခေါင်းဆောင်တစ်ဦးဖြစ်သူ ကိုဇေ ယျာလွင်က ပြောသည်။
ကျောင်းသားသပိတ်တတိ ယမြောက်နေ့တွင် ပညာရေးဝန် ကြီးဌာန တာဝန်ရှိသူများက ကျောင်းသား ခေါင်းဆောင်များ နှင့် သွားရောက်တွေ့ဆုံခဲ့သော် လည်း အဆင်မပြေဖြစ်ခဲ့ပြီး နောက် ကျောင်းသားများနှင့် ပူး ပေါင်းဆောင်ရွက်နိုင်ရန် ဖိတ်ခေါ် ကြောင်း ၀န်ကြီးဌာနက ကြေညာ လိုက်ခြင်းဖြစ်သည်။
‘‘ကျောင်းသားတွေ ဖြစ်တဲ့ အတွက် ကျွန်မတို့ဟာ သူတုိ့နား လည်တဲ့အထိ ရှင်းပြဖို့ရှိပါတယ်။ တားဆီးမှု မရှိပါဘူး။ သူတို့ဟာ ကျွန်မတို့ရဲ့ သားသမီးပဲဖြစ်တဲ့အတွက် ဒီဥပဒေကို မကြိုက်တဲ့ အချက် အလက်တွေရှိရင်သူတို့ ပြောတာ နားထောင်ဖို့အဆင် သင့်ရှိပါတယ်။ နားထောင်ပေ မယ့်လည်း သူတို့ ပြောတာ အား လုံးကို လုပ်ပေးနိုင်ပါတယ်။ မလုပ်ပေးနိုင်ဘူးဆိုတာက ဒီမိုကရေစီ နိုင်ငံဖြစ်တဲ့အတွက် တစ်ယောက် တည်းဆုံးဖြတ်လို့လည်း မရဘူး။ ဒီအဖွဲ့အစည်းတစ်ခုတည်းက လည်း ဆုံးဖြတ်လို့မရပါဘူး’’ဟု ဒေါက်တာ ဒေါ်ခင်စန်းရီကပြော သည်။
ပညာရေးဝန်ကြီးဌာနအနေဖြင့် ရှေ့လုပ်ငန်းစဉ်များကို ဆက်လက်ဆွေးနွေးဆောင်ရွက်လျက်ရှိပြီး အမျိုး သားပညာရေးနည်း ဥပဒေနှင့် အခြားဆက်စပ်ဥပဒေများ ရေးဆွဲဆောင်ရွက်လျက်ရှိကြောင်း ပညာရေး ၀န်ကြီးက သတင်းထောက်များကိုပြောသည်။
‘‘ဒီနေ့ အစည်းအဝေးက ကျောင်းသားတွေပြောတာကို ချေပဖို့ထက် ကျွန်မတို့ရဲ့ ရှေ့လုပ်ငန်းစဉ်တွေကို တင်ပြဖို့နဲ့ ဆွေး နွေးဖို့လုပ်တာဖြစ်ပါတယ်။ ကျွန်မတို့ ဆက်ဆွေးနွေးမှာက အမျိုးသားပညာရေး နည်းဥပဒေ ရေးဆွဲပါမယ်။ ပြီးရင် အဆင့်မြင့်ပညာရေး ဥပဒေထွက်ပါမယ်။ ဆရာအတတ်သင်ပညာဥပဒေထွက်ပါ မယ်။ အခြေခံပညာဥပဒေထွက်ပါ မယ်။ အဲဒါအားလုံးဟာ ရှေ့တစ်ပတ်၊ နှစ်ပတ်မှာ ပြီးသွားရင် အကုန်လုံးကို ချပြမှာဖြစ်ပါတယ်’’ ဟု ဒေါက်တာ ဒေါ်ခင်စန်းရီကပြောကြားသည်။
အဆင့်မြင့် ပညာဦးစီးဌာန (အောက်မြန်မာပြည်)ရုံးတွင် ပြုလုပ်သော သတင်းစာရှင်းလင်းပွဲတွင် ပညာရေး ၀န်ကြီးဌာန၊ ပြည် ထောင်စုဝန်ကြီးသည် မီဒီယာများအား ၁၀ မိနစ်ခန့်အဖွင့်စကား ပြောကြားပြီးနောက် အခန်းမှ ထွက်ခွာသွားခဲ့သည်။ သတင်းသမားများ၏ မေးခွန်းမေးမြန်းမှုများကို ပညာရေးမြှင့်တင်မှု အကောင်အထည်ဖော်ရေး ကော်မတီအကြံပေးပညာရှင်ဆရာကြီး ဦးသန်းဦးကဦးဆောင်၍ ပြန်လည် ဖြေကြား ခဲ့ခြင်းဖြစ်သည်။
သပိတ်မှောက်ဆန္ဒပြသော ကျောင်းသားများအား ပညာရေး ၀န်ကြီးဌာန တာဝန်ရှိသူများ အနေဖြင့် သွား ရောက်တွေ့ဆုံဆွေးနွေးတော့မည်မဟုတ်ဘဲ ကျောင်းသားများအနေဖြင့် လာရောက် တွေ့ဆုံဆွေးနွေး နိုင်ကြောင်း ရန်ကုန်ပညာရေးတက္ကသိုလ်ပါမောက္ခချုပ် ဒေါက်တာအောင်မင်းကပြောသည်။
‘‘ဆွေးနွေးဖို့က သူတို့လာ ဆွေးနွေးရမှာဖြစ်ပါတယ်။ မိဘ ပြည်သူ၊ မည်သူမဆို ဖိတ်ခေါ် ထားပါတယ်။ လာဆွေးနွေးပါ။ ကျွန်တော်တို့တွေ ဆက်လက် ဆောင်ရွက်နေတဲ့ကိစ္စမှာ အားလုံးအပြည့်အ၀ပူးပေါင်းပါ။ ဒါပဲ ကျွန်တော်တို့က ပြောလို့ရမှာဖြစ် ပါတယ်’’ဟု ဒေါက်တာ အောင် မင်းက ပြောသည်။
အမျိုးသားပညာရေးဥပဒေနှင့်ပတ်သက်၍ လက်ရှိအစိုးရနှင့် တာဝန်ရှိသူများအနေဖြင့် သပိတ်မှောက် ကျောင်းသားများကို လာရောက်စေ့စပ်ညှိနှိုင်းခြင်း တစ်စုံ တစ်ရာမပြုလုပ်ပါက လက်ရှိ သပိတ်မှောက် ဆန္ဒပြမှုပုံစံထက် ပိုမိုပြင်းထန်၊ ကျယ်ပြန့်၊ ကြီးမားသော သပိတ်တိုက်ပွဲများ ဆင်နွှဲဖော်ဆောင် တုံ့ပြန်သွား မည်ဖြစ်ကြောင်း ကျောင်းသားများကကြေညာထားသည်။
7Day DAILY
No comments:
Post a Comment