ကျိုင်းတုံခရိုင် မိုင်းယန်းမြို့နယ်တွင် လင်မယားနှစ်ဦးရန်ဖြစ်ရာမှ နေအိမ်အတွင်း ဗုံးကွဲ၍ ၎င်းတို့ နှစ်ဦးစလုံး ဒဏ်ရာရပြီး ဧည့်သည်သုံးဦး သေဆုံးခဲ့သည်။
အောက်တိုဘာ ၂၃ ရက်က မိုင်းယန်းမြို့နယ်အတွင်း၌ လင် မယားနှစ်ဦး စကားများသဖြင့် မြို့ နယ် တရားရုံးမှ အပြန်တွင် ခင်ပွန်း ဖြစ်သူက ၎င်း၏ နေအိမ်အတွင်း သို့ လက်ပစ်ဗုံးနှစ်လုံး ပစ်သွင်းခဲ့ခြင်း ဖြစ်ကြောင်း သတင်းရရှိ သည်။
အဆိုပါဗုံးခွဲမှုကြောင့် အိမ် ပေါ်ရှိ ဧည့်သည်သုံးဦး သေဆုံးကာ အဆိုပါ လင်မယားနှစ်ဦးမှာ ဒဏ်ရာများ ရရှိသွားကြောင်း ကျိုင်းတုံမြို့နယ် စစ်ဘက်ရေးရာ လုံခြုံရေးအဖွဲ့က အတည်ပြုပြော ကြားသည်။
သို့သော် အခြေအနေ အ သေးစိတ်ကိုမူ မသိရှိရသေးဘဲ စုံ စမ်းဆဲဖြစ်ကြောင်း စစ်ဘက်ရေး ရာ လုံခြုံရေး အဖွဲ့က ပြောကြား သည်။
မိမိနေအိမ်အတွင်းသို့ ကိုယ် တိုင် လက်ပစ်ဗုံးပစ်သွင်းသူ ဦး သိန်းဇော်သည် စည်ပင်ဝန်ထမ်း တစ်ဦးဖြစ်ပြီး ယခုအခါ စည်ပင်ဝန်ထမ်းဗုံးခွဲသူ ဦးသိန်းဇော်ကိုကျိုင်းတုံအချုပ်ခန်းသို့ ပို့ဆောင်ထား၍ ဇနီးဖြစ်သူ ဒေါ်နန်းနုကိုလည်း မိုင်းယန်းဆေးရုံသို့ ပို့ဆောင်ကုသထားကြောင်း ရှမ်းသံတော်ဆင့် သတင်းတွင် ဖော်ပြ ထားသည်။
7Day DAILY
No comments:
Post a Comment