မွေးစားအစ်ကိုက အမြွှာညီနှစ်ဦးကို သတ်ပြီး ကိုယ့်ကိုယ်ကိုယ် အဆုံးစီရင်

အိုင် ယာလန်နိုင်ငံ ကော့စ်ပြည်နယ် မြောက်ဘက်ပိုင်းရှိ ချာလ်လီဗီလီမြို့ မှာ အစ်ကိုဖြစ်သူက ညီငယ် အမြွှာ ပူးနှစ်ဦးကို သတ်ဖြတ်ခဲ့ပြီးနောက် မိမိကိုယ်ကိုယ် အဆုံးစီရင်သွားခဲ့တဲ့ ကြေကွဲဆို့နင့်ဖွယ်ရာ ဇာတ်လမ်းလေး တစ်ပုဒ် ဖြစ်ပွားခဲ့ပါတယ်။ ယင်းဖြစ်ရပ်ကတော့ အိုင်ယာလန်နိုင်ငံ ချာလ်လီဗီလီမြို့မှာ လွန်ခဲ့တဲ့သုံးပတ်က ဖြစ်ပွားခဲ့တယ်လို့ သိရပါတယ်။ 

စစ်မှန်တဲ့မေတ္တာတရားတွေနဲ့ ယုံမှားသံသယတွေ စိတ်ထဲမှာ အမြစ်တွယ် ကိန်းအောင်းနေခဲ့လို့ မဖြစ်သင့် တာတွေဖြစ်ခဲ့ရတာပဲဖြစ် ပါတယ်။ အဆိုပါလူသတ်မှုဖြစ်ရပ်ကတော့ အိုင်ယာလန်နိုင်ငံရှိ ချာလ် လီဗီလီမြို့မှာနေ ထိုင်တဲ့ အိုဒရီစကိုးလ်တို့ လင်မယားနှစ်ဦးဟာ ဂျိုနသန် လို့အမည်ပေးထားတဲ့ ကလေးငယ်တစ်ဦးကိုမွေးစားခဲ့ပြီး သိပ်မကြာခင် မှာပဲ အမြွှာပူးနှစ်ဦးကို မွေးဖွားခဲ့ပါတယ်။ သူတို့မွေးဖွားလာခဲ့တဲ့ အမြွှာ ပူးလေးနှစ်ဦးကိုတော့ သောမတ်နဲ့ ပါထရီအိုဒရီစကိုးလ်လို့ အမည်ပေး ထားခဲ့ပါတယ်။ ယင်းအမြွှာပူးနှစ်ဦးကို ချစ်စနိုးနဲ့ တွန်တွန်နဲ့ ပါဒီလို့ လည်း ခေါ်ကြပါသေးတယ်။ 

သူတို့မိသားစုဟာ စုစုပေါင်းငါးယောက်ဖြစ်ပြီး မွေးစားသား ဂျိုနသန်ကတော့ အသက်အရွယ်ကြီးသော်လည်း မိသားစုထဲမှာ ညီငယ်တစ်ယောက်လို သိမ်ငယ်စွာနဲ့ နေရရှာပါတယ်။ ဂျိုနသန်ဟာ အိုဒရီစကိုးလ်မိသားစုမှာ သားအရင်းမဟုတ်တဲ့ မွေးစားသားဆိုတဲ့အသိစိတ်ဟာ သူ့ရဲ့စိတ်ထဲ အမြစ်တွယ်ကိန်းအောင်းနေခဲ့တာ ယခုဆို သူ့ရဲ့အသက် ၂၁နှစ်အရွယ် အထိပါဘဲ။ 

ကြေကွဲဆို့နင့်ဖွယ်ရာတွေနဲ့ ကြောက်မက်ဖွယ်ရာကောင်းတဲ့ နေ့တစ်နေ့ ရောက်လို့လာခဲ့ပါတယ်။ အဲဒီနေ့ မှာတော့ စကိုးလ်တို့ဇနီး မောင်နှံနှစ်ဦးဟာ ဈေးဝယ်ထွက်သွားတဲ့အချိန်မှာ ဂျိုနသန်ဟာ ညီငယ် အမြွှာပူး တွန်တွန်နဲ့ ပါဒီတို့နဲ့ ခြံထဲကကစားကွင်းမှာကစားရင်း သတ် ဖြတ်ခဲ့တာပဲဖြစ်ပါတယ်။ ဂျိုနသန်ဟာ ညီငယ် အမြွှာပူးကို သတ်ဖြတ်ခဲ့ပြီး မိမိကိုယ်ကိုယ် အဆုံးစီရင်ခဲ့တယ်လို့ သိရပါတယ်။ ဂျိုနသန်ရဲ့အလောင်းကိုတော့ အိမ်နားမှာရှိတဲ့တောစပ်မှာ တွေ့ရှိခဲ့တာပဲဖြစ် ပါတယ်။ မိခင် အိုဒရီစကိုးလ်နဲ့ သူမယောက်ျား သောမတ်တို့ဟာ ဈေး ဝယ်ပြီးပြန်လာချိန်မှာတော့ သေဆုံးနေတဲ့ သားငယ်အမြွှာနှစ်ယောက် ရဲ့အလောင်းကို တွေ့ရှိခဲ့တယ်လို့ သိရပါတယ်။ သူတို့နှစ်ဦးဟာ မသေ ခင် ၁၅မိနစ်လောက်မှာ မိခင်အိုဒရီစကိုးလ်ဆီဖုန်းဆက်ပြီး သားမှာ လိုက်တဲ့ ကစားစရာတွေဝယ်လာလားဆိုပြီးတောင် မေးမြန်းခဲ့ပါသေး တယ်လို့ သိရပါတယ်။

ယင်းအမှုနဲ့ပတ်သက်ပြီး မိခင်ဖြစ်သူ အိုဒရီစကိုးလ်က''ကျွန်မ ရဲ့သားကြီး ဂျိုနသန်ကို မမုန်းပါဘူး။ ကျွန်မ သူ့ကို အကြိမ်တစ်ရာမကပြော ခဲ့တယ်။ မင်းဟာ အမေ့သားလို့ ပြောခဲ့ပါတယ်''။ မွေးစားသား ဆိုပြီး မိသားစုဝင် တွေထဲမှာ သိမ်ငယ်စိတ်တွေ ဝင်ခဲ့တဲ့ ဂျိုနသန်ဟာ မိုက်မဲတဲ့လုပ်ရပ်ကိုလုပ်ခဲ့သော်လည်း မိခင်ဖြစ်သူ က သူ့ကိုမမုန်းခဲ့ပါဘူးလို့ ပြောဆိုတာဖြစ်ပါတယ်။ ''အခုလိုဖြစ်ရတဲ့အတွက် အရမ်းကိုဝမ်းနည်းကြေကွဲနေခဲ့ရ ပြီး အရာအားလုံးကို ဆုံးရှုံးလိုက်ပြီ''လို့လည်း မိခင်အိုဒရီစကိုးလ်က ထပ်မံပြောဆိုခဲ့ပါတယ်။

Yangon Media Group