Myanmar Telecomတယ်လီဖုန်းနဲ့ အင်တာနက် အပါအ၀င် ဆက်သွယ်ရေးဆိုင်ရာ အခြေခံ အဆောက် အအုံ တွေ ပြုပြင်တည်ဆောက်ဖို့ ဂျပန်ယန်းငွေ ၁၀ ဒသမ ၅ ဘီလျံ (အမေရိကန်ဒေါ်လာ သန်း ၁၀၀ နီးပါး) ချေးသွားမယ်လို့ မြန်မာနိုင်ငံကို ရောက်ရှိနေတဲ့ ဂျပန်နိုင်ငံခြားရေးဝန်ကြီး ဖူမီရို ခီရှီဒက မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်နဲ့ တွေ့ဆုံဆွေးနွေးရာမှာ ပြောကြားခဲ့ပါတယ်။
နေပြည်တော်မှာ ကျင်းပပြုလုပ်နေတဲ့ အာဆီယံနဲ့ ဆက်စပ်အစည်းအဝေးတွေ တက်ရောက်ဖို့ ရောက်ရှိနေ တဲ့ ဂျပန်နိုင်ငံခြားရေးဝန်ကြီး ဖူမီရိုခီရှီဒ ဦးဆောင်တဲ့ ကိုယ်စားလှယ်အဖွဲ့ကို သြဂုတ်လ ၉ ရက် မနက် ၁၀ နာရီခွဲက နေပြည်တော် အပြည်ပြည်ဆိုင်ရာကွန်ဗန်းရှင်းစင်တာမှာ ဦးဝဏ္ဏမောင်လွင်က လက်ခံတွေ့ဆုံ ခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ထား ပါတယ်။
နှစ်နိုင်ငံကြားပူးပေါင်းဆောင်ရွက်ရေး ကိစ္စရပ်များ အပြန်အလှန် ဆွေးနွေးခဲ့ကြပြီး စီးပွားရေး ရင်းနှီးမှု ပိုမို ခိုင်မာ တည်ဆောက်နိုင်အောင် ဂျပန်လူမျိုး စီးပွားရေးသမားတွေအတွက် ဗီဇာဆောင်ရွက်မှုကို ပိုမိုလွယ်ကူ အဆင်ပြေအောင် မြန်မာဘက်က ပြုလုပ်သွားမယ့်အကြောင်း ဂျပန်သတင်း ထုတ်ပြန်ချက်တွေအရ သိရှိရပါ တယ်။
ဒီဗွီဘီ
No comments:
Post a Comment