သမ္မတက တစ်နိုင်ငံလုံးအတိုင်းအတာ အပစ်ရပ်စဲရေးဆိုင်ရာနှင့်ပတ်သက်ပြီး ၎င်းသဘောတူထားသည့်အချက်များနှင့် လိုက်လျောနိုင်သည်များကို NCCT အဖွဲ့အား ကြိုတင်ပြောကြားထား

နိုင်ငံတော်သမ္မတဦးသိန်းစိန်က တစ်နိုင်ငံလုံးအတိုင်းအတာ အပစ်ရပ်စဲရေးဆိုင် ရာနှင့်ပတ်သက်ပြီး ၎င်းသဘောတူထားသည့်အချက်များနှင့် လိုက်လျောနိုင်သည် များကို တိုင်းရင်းသားလက်နက်ကိုင် အဖွဲ့များ ၏ တစ်နိုင်ငံလုံးအပစ်ရပ်စဲရေး ဆိုင်ရာ ညှိနှိုင်းရေးအဖွဲ့(NCCT) သို့ ကြိုတင်ပြောကြားထားသည်ဟု NCCT အဖွဲ့မှ သိရသည်။

လက်ရှိတွင် ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ (UPWC) နှင့် NCCT တို့သည် တစ်နိုင်ငံလုံးအတိုင်းအတာ အပစ်ရပ်စဲရေး စာချုပ်မူကြမ်း(ဒုတိယအဆင့်)ကို ညှိနှိုင်းရေးဆွဲထားနိုင်ပြီး ဆက်လက်ညှိနှိုင်းရန် မူကြမ်း၏ ရာခိုင်နှုန်း ၃၀ သာကျန်ရှိတော့ရာ နိုင်ငံတော်သမ္မတက ၎င်း၏သဘော ထားနှင့် လိုက်လျောနိုင်သည်များကို ကြိုတင်ပြောကြားထားခြင်းက ငြိမ်းချမ်းရေး လုပ်ငန်းစဉ်အတွက် အကျိုးရှိသည့် အနေအထားဖြစ်သည်ဟု NCCT မှ ဒေါက် တာဆလိုင်းလျန်မှုန်းက သုံးသပ်သည်။

"NCCT နဲ့ UPWC ကြားမှာ ဆွေးနွေးတာက process ကိုဆွေးနွေးတာပို များတယ်။ process ကိုဆွေးနွေးတယ်ဆိုတာက NCCT နဲ့ UPWC တွေ့ဆုံမှုကို သူတို့က ဇူလိုင်လအတွင်းမှာလုပ်ချင်တာ။ ကျွန်တော်တို့က အခုလိုင်ဇာထိပ် သီးဆွေးနွေးပွဲကြောင့် နောက်နည်းနည်းဆုတ်ပေးဖို့တိုင်ပင်တယ်။ သမ္မတကြီး ကနေပြီးတော့ ကျွန်တော်တို့ဆွေးနွေးတဲ့အထဲမှာ သူသဘောတူထားတဲ့ အချက်တွေ၊ လိုက်လျောပေးနိုင်တဲ့အချက်တွေကို ကြိုပြီးတော့ ကျွန်တော်တို့ ကိုပြောထားတာရှိတယ်။ ဒါတွေကလည်း ကျွန်တော်တို့အနေနဲ့ ဖြစ်စဉ် အတွက်အားပေးတဲ့ အကျိုးရှိနိုင်မယ့်အနေအထားရှိတယ်လို့ အဲလိုပဲ ကျွန်တော် သုံးသပ်တယ်။ ကောင်းတယ်လို့ ကျွန်တော်မြင်တယ်" ဟု ဒေါက်တာဆလိုင်း လျန်မှုန်းက ဆိုသည်။

အထက်ပါကိစ္စနှင့်ပတ်သက်ပြီး Myanmar Peace Center မှ ဦးလှမောင်ရွှေ အား ဆက်သွယ်မေးမြန်းရာ ဦးလှမောင်ရွှေက "ကျွန်တော်တို့ အစိုးရဘက်မှာ လည်း ဗဟိုကော်မတီဆိုတာရှိတာပဲ။ ဗဟိုကော်မတီမှာ ညှိနှိုင်းဆောင်ရွက်မှာပဲ။ ဒါပေမဲ့ အခုပြောတယ်ဆိုတဲ့ကိစ္စက ဟုတ်တယ်။ ဒီလိုမျိုးတော့ဖြစ်လာအောင် အလားအလာရှိတယ်ဆိုတဲ့ ယေဘုယျဟာကိုပြောတာပါပဲ။ ဒါပေမဲ့ယေဘု ယျဆိုပေမယ့် ထည့်သွင်း စဉ်းစားလို့ရပါတယ်" ဟု ပြောကြားသည်။

နိုင်ငံတော်သမ္မတ ဦးသိန်းစိန်နှင့် ပြည်ထောင်စုငြိမ်းချမ်းရေးလုပ်ငန်းကော်မတီ ဒုတိယဥက္ကဋ္ဌ ပြည်ထောင်စု ၀န်ကြီးဦးအောင်မင်းအပါအ၀င် အစိုးရအဖွဲ့ဝန်ကြီး များ၊ Myanmar Peace Center မှ တာဝန်ရှိသူများသည် ဇူလိုင် ၁၂ ရက်က ရန်ကုန်မြို့၌တွေ့ဆုံပြီး ပြည်တွ င်းငြိမ်းချမ်းရေး ဖော်ဆောင်ရေးဆိုင်ရာကိစ္စများ ကို ဆွေးနွေးခဲ့ကြသည်။ 

ထို့နောက် ဇူလိုင် ၁၃ ရက်တွင် UPWC ၏ အလုပ်အဖွဲ့ဖြစ်သည့် Myanmar Peace Center (MPC) မှ တာဝန်ရှိသူများနှင့် NCCT ခေါင်းဆောင်များသည် ထိုင်းနိုင်ငံချင်းမိုင်မြို့၌ တွေ့ဆုံခဲ့ကြပြီး UPWC ဒုတိယ ဥက္ကဋ္ဌ ပြည်ထောင်စု ၀န်ကြီးဦးအောင်မင်းက မှာကြားသည်များကို NCCT အဖွဲ့ဝင်များအားရှင်းပြခဲ့ သည်ဟု MPC မှ ဦးလှမောင်ရွှေကဆိုသည်။

လက်ရှိတွင် NCCT အဖွဲ့ဝင် တိုင်းရင်းသားလက်နက်ကိုင်အဖွဲ့ ထိပ်သီးခေါင်းေ ဆာင်များသည် ကချင်ပြည် နယ် လိုင်ဇာဒေသ၌တွေ့ဆုံပြီး အစိုးရနှင့်တိုင်းရင်း သားများအကြား နိုင်ငံလုံးဆိုင်ရာ အပစ်ရပ်စဲရေးဆောင် ရွက်နို င်ရန်အတွက် UPWC နှင့် NCCT တို့အကြားညှိနှိုင်းရန် ကျန်ရှိနေသည်များကို ဇူလိုင် ၂၄ ရက်က စတင်ကာ ဆွေးနွေးလျက်ရှိပြီး ယင်းဆွေးနွေးပွဲများပြီးပါက ရန်ကုန်၌ UPWC နှင့် NCCT တို့ တွေ့ ဆုံဆွေးနွေးမည်ဖြစ်သည်။

7Day Daily