ကချင်ပြည်နယ်တွင် စစ်မက်ပဋိပက္ခဖြစ်ပွားခြင်းကြောင့် စစ်ဘေးဒဏ်သင့်နေရပ်ရွှေ့ပြောင်းလာသူ မိသားစု များအား ပြန်လည်ထူထောင်ရေးလုပ်ငန်းစဉ်များ လုပ်ဆောင်နိုင်ရန် ကိုယ်ပိုင်ဝင်ငွေရရှိရေး ကို မြန် မာနိုင်ငံ ကြက်ခြေနီအသင်းနှင့်ပူးပေါင်း၍ ဆောင်ရွက်ပေးသွားမည်ဖြစ်ကြောင်း အပြည်ပြည်ဆိုင်ရာ ကြက်ခြေ နီကော် မတီ (ICRC) မှ သိရသည်။
ကချင်ပြည်နယ်ရှိ ယာယီရွှေ့ပြောင်းစခန်းများတွင် ရွှေ့ပြောင်းမိသားစု ၁၉၇ စုရှိပြီး ပြန်လည် ထူထောင်ရေး လုပ်ငန်းစဉ်များနှင့်အညီ ကိုယ်ပိုင်ဝင်ငွေရရှိနိုင်ရေးအတွက် စက်ချုပ်ပညာနှင့် လက်သမားအတတ်ပညာ စသည့်အသက်မွေးဝမ်းကျောင်းပညာရပ်များကို လေ့ကျင့်သင်ကြားပေးမည်ဖြစ်ကြောင်း သိရသည်။"အိုင်စီအာစီအနေနဲ့ ကချင်ပြည်နယ်မှာရှိတဲ့ Camp တွေမှာနေနေတဲ့ မိသားစုတွေ ကိုယ့်ရဲ့လုပ်အား ခလေးနဲ့ တစ်ဖက်တစ်လမ်းက ၀င်ငွေရနိုင်အောင် အခုလိုမျိုးစီစဉ်ပေးရခြင်းဖြစ်ပါတယ်" ဟု ကိုယ်စားလှယ် အဖွဲ့ရုံးတာဝန်ခံ ဦးမိုးမြင့်အောင်က ပြောကြားသည်။
ထို့အပြင် လက်မှုအတတ်ပညာတစ်ခုအဖြစ် ပယင်းကျောက်သွေးခြင်းနှင့် ဟင်းသီးဟင်းရွက်စိုက်ပျိုးခြင်း တို့ဖြင့် ကိုယ်ပိုင်ဝင်ငွေရရှိနိုင်အောင်လည်း စီစဉ်ပေးသွားမည်ဖြစ်သည်ဟု သိရသည်။
ICRC အနေဖြင့် မြန်မာနိုင်ငံကို ၁၉၈၆ မှစတင်ရောက်ရှိခဲ့ကာ ရန်ကုန်၊ မန္တလေး၊ စစ်တွေ၊ မြောက်ဦး၊ ကချင်ပြည် နယ် မြစ်ကြီးနားမြို့နှင့် ဘားအံမြို့နယ်တို့တွင် ရုံးခွဲစုစုပေါင်းခြောက်ခုဖွင့်လှစ်ထားပြီး ကျန်း မာရေး၊ လူမှုရေးအစရှိသည့် ကယ်ဆယ်ရေးလုပ်ငန်းများ၊ ပြန်လည်ထူထောင်ရေးလုပ်ငန်းများ၊ အသက်မွေး ၀မ်းကျောင်း လုပ်ငန်းများကို သက်ဆိုင်ရာခွင့်ပြုချက်များအတိုင်း ကူညီထောက်ပံ့လုပ်ဆောင်ပေးလျက် ရှိကြောင်း သိရသည်။
Eleven Media Group
No comments:
Post a Comment